¹ અને દાઉદના નગરમાં દાઉદે પોતાને માટે ઘરો બનાવ્યાં; ને તેણે દેવના કોષને સારૂ જગ્યા તૈયાર કીધી, ને તેને સારૂ મંડપ ચોઢયો.

² ત્યારે દાઉદે કહ્યું કે, લેવીઓ શિવાય કોઇએ દેવનો કોષ ઉચકવો નહિ; કેમકે દેવનો કોષ ઉંચકવા સારૂ તથા સદા તેની સેવા કરવા સારૂ યહોવાહે તેઓનેજ પસંદ કીધી છે.

³ અને દાઉદે યહોવાહના કોષને સારૂ જે જગ્યા તૈયાર કીધી હતી, ત્યાં તેને લઇ જવા સારૂ તેણે યરૂશાલેમમાં સર્વ ઇસ્રાએલને ભેગા કર્યા.

⁴ અને દાઉદે હારૂનના પુત્રોને તથા લેવીઓને એકઠા કર્યા;

⁵ કહાથના પુત્રોમાંના; ઉરીએલ મુખ્ય, તથા તેના ભાઈઓ, એક સો ને વીસ;

⁶ મરારીના પુત્રોમાંના; અસાયાહ મુખ્ય, તથા તેના ભાઈઓ બસેં ને વીસ;

⁷ ગેર્શોમના પુત્રોમાંના; યોએલ મુખ્ય, તથા તેના ભાઈઓ એક સો ને ત્રીસ;

⁸ અલીસાફાનના પુત્રોમાંના; શમાયાહ મુખ્ય, તથા તેના ભાઈઓ બસેં;

⁹ હેબ્રોનના પુત્રોમાંના; અલીએલ મુખ્ય, તથા તેના ભાઈઓ એંસી;

¹⁰ ઉઝ્ઝીએલના પુત્રોમાંના; આમ્મીનાદાબ મુખ્ય, તથા તેના ભાઈઓ એક સો ને બાર.

¹¹ અને દાઉદે સાદોક તથા અબ્યાથાર યાજકોને તથા ઉરીએલ, યસાયાહ, તથા યોએલ, શમાયાહ, તથા અલીએલ તથા આમ્મીનાદાબ, એ લેવીઓને બોલાવ્યા,

¹² ને તેઓને કહ્યું કે, તમે લેવીના બાપોનાં ઘરોના મુખ્ય છો; તમે તથા તમારા ભાઈઓ બન્ને પોતાને શુદ્ધ કરો, એ માટે કે જે જગ્યા મેં ઇસ્રાએલના દેવ યહોવાહના કોષને સારૂ તૈયાર કરી છે ત્યાં તેને લઇ આવો.

¹³ તમે પહેલે વખતે તેને ન ઉંચક્યો, માટે આપણા દેવ યહોવાહ આપણામાં ભંગાણ પાડ્યું, કેમકે આપણે નિયમ પ્રમાણે તેની હજુરીમાં ગયા નહિ.

¹⁴ એ માટે યાજકોએ તથા લેવીઓએ ઇસ્રાએલના દેવ યહોવાહનો કોષ લઇ આવવા સારૂ પોતાને શુદ્ધ કર્યા.

¹⁵ અને યહોવાહના વચન પ્રમાણે મુસાએ જે આજ્ઞા આપી હતી, તેમ લેવીના પુત્રોએ પોતાની ખાંધ પર દેવનો કોષ તેની અંદરના દાંડાવડે ઉપાડ્યો.

¹⁶ ને દાઉદે લેવીઓના મુખ્યોને કહ્યું કે, વાજીંત્રોથી, સ્ટાર તથા વીણાઓ તથા ઝાંઝથી, મોટી આવાજ કરવા સારૂ તથા ઉત્સાહથી મોટી વાણી કહાડવા સારૂ, પોતાના ગવૈયા ભાઈઓને નિમવા.

¹⁷ માટે લેવીઓએ યોએલના પુત્ર હેમાનને; તથા તેના ભાઈઓમાંના બેરેખ્યાહના પુત્ર આસાફને; તથા તેમના ભાઇઓના એટલે મરારીના પુત્રોમાંના કૂશાયાહના પુત્ર એથાનને;

¹⁸ ને તેઓની સાથે તેઓના બીજી પાયરીના ભાઈઓને, એટલે ઝખાર્યાહ, ben તથા યઅઝીએલ તથા શમીરામોથ તથા યહીએલ તથા ઉન્ની, અલીઆબ તથા બનાયાહ તથા માઅસેયાહ તથા માત્તિથ્યાહ તથા અલીફલેહૂ તથા મિકનેયાહ તથા ઓબેદ-અદોમ તથા યેઇએલ, એઓને દ્વારપાળો નિમ્યા.

¹⁹ એમ હેમાન, આસાફ તથા એથાન, એ ગવૈયા પિત્તળની ઝાંઝ મોટેથી વગાડવા સારૂ નિમાયા;

²⁰ ને અલામોથ રાગે ચઢાવેલા સતારો સહિત ઝખાર્યાહ તથા અઝીએલ તથા શમીરામોથ તથા યહીએલ તથા ઉન્ની તથા અલીઆબ તથા માઅસેયાહ તથા બનાયાહને;

²¹ અને શમીનીથ રાગે ચઢાવેલા વીણાઓ સહિત રાગ કાઢવા સારૂ માત્તિથ્યાહ તથા અલીફલેહૂ તથા મિકનેયાહ તથા ઓબેદ-આદોમ તથા યેઇએલ તથા અઝાઝ્યાહ નિમ્યા.

²² અને લેવીઓનો મુખ્ય કનાન્યાહ ગાયનનો ઉપરી હતો; તે પ્રવીણ હતો, એ માટે તે ગાયન વિષે શિખવતો.

²³ અને બેરેખ્યાહ તથા એલ્કાનાહ કોષને માટે દ્વારપાળો હતા.

²⁴ અને શબાન્યાહ તથા યોશાફાટ તથા નાથાનએલ તથા અમાસાય તથા ઝખાર્યાહ તથા બનાયાહ તથા અલીએઝેર યાજકો દેવના કોષની આગળ રણશિંગડા વગાડનારા હતા; ને ઓબેદ-એદોમ તથા યહીયાહ કોષને માટે દ્વારપાળો હતા.

²⁵ માટે દાઉદ તથા ઇસ્રાએલના વડીલો તથા સહસ્રાધિપતિઓ આનંદથી ઓબેદ-અદોમના ઘરમાંથી યહોવાહનો કરારકોષ લઇ આવવા સારૂ ગયા;

²⁶ ને જયારે દેવે યહોવાહનો કરાર કોષ ઉંચકનારા લેવીઓને સહાય કરી, ત્યારે એમ થયું કે તેઓએ સાત બળદો તથા સાત ઘેટાંઓનો યજ્ઞ કીધો.

²⁷ અને દાઉદે તથા કોષ ઉંચકનાર સર્વ લેવીઓએ તથા ગવૈયાઓએ તથા ગવૈયાઓના ગાયનના ઉપરી કનાન્યાહે ઝીણા શણના ઝભ્ભા પહેરેલા હતા; ને દાઉદે શણનો એફોદ પહેરેલો હતો.

²⁸ એમ સર્વ ઇસ્રાએલો યહોવાહના કરારકોષને હર્ષનાદ સહિત તથા સરણાઈના અવાજ સહિત તથા રણશિંગડા સહિત તથા ઝાંઝ સહિત, સતાર, તથા વીણાથી મોટો અવાજ કરતાં લઇ આવ્યા.

²⁹ અને યહોવાહનો કરાર કોષ દાઉદના નગરમાં આવ્યો, ત્યારે એમ થયું કે શાઉલની પુત્રી મીખાલે બારીમાંથી ડોકિયું કરીને દાઉદને રાજાને કૂદતો તથા ઉત્સવ કરતો જોયો; ને તેણીએ પોતાના મનમાં તેને તુચ્છકાર્યો.