² ને જેથી, જે વાત મેં તમને પ્રગટ કીધી તેને જો તમે પકડી રાખો છો ને વિશ્વાસ અવર્થા કીધો નહિ હોય તો, તારણ પામો છો, તે સુવાર્ત્તા હું તમને જણાવું છું.

³ કેમકે જે મેં માની લીધું, તે મેં પ્રથમ તમને સોંપી દીધું, કે લેખો પ્રમાણે ખ્રીસ્ત આપણાં પાપને સારૂ મરણ પામ્યો;

⁴ ને લેખો પ્રમાણે તે દટાયો, ને ત્રીજે દહાડે ઉઠ્યો;

⁵ ને કેફાને, પછી બારોને તે દેખાયો.

⁶ ત્યાર પછી પાંચસેં કરતાં વધારે ભાઈઓને એકી વેળાએ તે દેખાયો; એઓમાંના ઘણા હજુ સુધી જીવતા રહ્યા છે, પણ કેટલાએક ઉંઘી ગયા છે.

⁷ ત્યાર પછી તે યાકૂબને, પછી સર્વ પ્રેરિતોને દેખાયો.

⁸ અને સર્વથી છેલ્લે જેમ અકાળ જન્મેલાને તેમ મને પણ તે દેખાયો.

⁹ કેમકે પ્રેરિતોમાંના સર્વ કરતાં હું નાનો છું, ને પ્રેરિત કહેવાવા યોગ્ય નથી, કારણ કે મેં દેવની મંડળીની સતાવણી કીધી.

¹⁰ પણ હું જે છું તે દેવની કૃપાથી છું; ને મારા પર તેની જે કૃપા તે અમથી થઇ ન હતી, પણ તેઓ સર્વ કરતાં મેં વધારે મેહેનત કીધી; મેં તો નહિ પણ દેવની જે કૃપા મારી સાથે છે તેણે.

¹¹ તો હું કે તેઓ, એમ અમે વાત પ્રગટ કરીએ છીએ, ને એમ તમે વિશ્વાસ કર્યો.

¹² પણ ખ્રીસ્ત મુએલાંઓમાંથી ઉઠ્યો છે એમ જો પ્રગટ કરાય છે, તો તમારામાંના કેટલાએક કેમ કહે છે કે મુએલાઓનું ઉત્થાન નથી?

¹³ પણ જો મુએલાંઓનું ઉત્થાન નથી, તો ખ્રીસ્ત પણ ઉઠ્યો નથી;

¹⁴ ને જો ખ્રીસ્ત ઉઠ્યો નથી, તો અમારો ઉપદેશ વ્યર્થ, ને તમારો વિશ્વાસ પણ વ્યર્થ છે.

¹⁵ અને અમે દેવા જુઠા સાક્ષી કરીએ છીએ, કારણ કે અમે દેવ વિષે એવી સાક્ષી પુરી, કે તેણે ખ્રીસ્તને ઉઠાડ્યો, પણ જો મુએલાં ઉઠતાં નથી, તો તેણે તેને ઉઠાડ્યો નથી.

¹⁶ કેમકે જો મુએલાંઓનું ઉત્થાન નથી, તો ખ્રીસ્ત પણ ઉઠ્યો નથી.

¹⁷ પણ જો ખ્રીસ્ત ઉઠ્યો નથી, તો તમારો વિશ્વાસ નિષ્ફળ છે; હજી સુધી તમારા પાપમાં છો;

¹⁸ ને ખ્રીસ્તમાં જેઓ ઉંઘી ગએલાં તેઓ પણ નાશ પામ્યાં.

¹⁹ જો કેવળ આ જીવનમાં આપણી આશા ખ્રીસ્તમાં છે, તો સર્વ માણસો કરતાં આપણે કરૂણાપાત્ર છીએ.

²⁰ પણ હવે ખ્રીસ્ત મુએલાંઓમાંથી ઉઠ્યો છે, તે ઉંઘીગએલાંઓનું પ્રથમ ફળ થયો છે.

²¹ કેમકે માણસથી મરણ થયું, એ માટે માણસથી મુએલાંઓનું ઉત્થાન પણ થયું.

²² કેમકે જેમ આદમમાં સર્વ મારે છે, તેમ ખ્રીસ્તમાં સર્વ સજીવ કરાશે.

²³ પણ પ્રત્યેક પોતપોતાને અનુક્રમે, ખ્રીસ્ત પ્રથમ ફળ, ત્યાર પછી તે આવશે ત્યારે જેઓ ખ્રીસ્તના તેઓ [સજીવ કરાશે].

²⁴ જયારે તે દેવ બાપને રાજ્ય સોંપી દેશે, જયારે તે સઘળું ઘણીપણું તથા સઘળો અધિકાર તથા પરાક્રમ તોડશે ત્યારે અંત આવશે.

²⁵ કેમકે તે પોતાના પગ તળે સર્વ શત્રુઓને પાડી નાખે, ત્યાં સુધી તેણે રાજ્ય કરવું જોઈએ.

²⁶ જે છેલ્લો શત્રુ નાશ પામશે તે મરણ છે.

²⁷ કેમકે તેણે પોતાના પગ તળે સર્વ વસ્તુઓ આધીન કીધી; પણ જયારે તેણે કહ્યું કે, સર્વ આધીન કરાયાં છે, ત્યારે સર્વને સ્વાધીન કરનાર જૂદો છે, તે સાફ દેખાય છે.

²⁸ પણ જયારે સર્વ તેને આધીન કરાશે, ત્યારે જેણે સર્વ તેને આધીન કીધાં છે, એને દીકરો પોતે પણ આધીન થશે, એ સારૂ કે દેવ સર્વમાં સર્વ થાય.

²⁹ નહિ તો જેઓ મુએલાંઓને સારૂ બાપ્તિસ્મા પામ્યા, તેઓ શું કરશે? જો મુએલાં બિલકુલ ઉઠતાં નથી તો મુએલાંઓને વાસ્તે તેઓ શા સારૂ બાપ્તિસ્મા પામે છે?

³⁰ અમે પણ ઘડી ધડી જોખમમાં શા સારૂ પડીએ છીએ?

³¹ ખ્રીસ્ત ઇસુ આપણા પ્રભુમાં તમારા વિષે મારો જે આનંદ તેના નિશ્ચયપણાથી કહું છું કે, હું રોજ રોજ મરૂં છું.

³² જો એફેસસમાં માણસની પેઠે હું શ્વાપદોની સામે લડ્યો, તો મને શો લાભ છે? જો મુએલાં ઉઠતાં નથી તો ખાઇએ તથા પીઈએ, કેમકે કાલે મરવાના છીએ.

³³ ભુલો મા; દુષ્ટ સોબત સારા આચરણને બગાડે છે;

³⁴ ન્યાયીપણાએ જાગતા થાઓ, ને પાપ ન કરો; કેમકે કેટલાએક દેવ વિષે અજ્ઞાની છે; તમને લજાવવા સારૂ તે હું કહું છું.

³⁵ પણ કોઇ કહેશે કે મુએલાં શી રીતે ઉઠડાય છે? અને કેવા શરીરથી આવે છે?

³⁶ ઓ નિર્બુદ્ધિ, તું જે વાવે છે તે જો મારે નહિ તો જીવાડાય પણ નહિ;

³⁷ ને તું જે વાવે છે તે થવાનું શરીર નથી, પણ કેવળ દાણા વાવે છે, કદાપિ ઘઉં કે બીજા કોઈના.

³⁸ અને દેવ પોતાની ઇચ્છા પ્રમાણે તેને શરીર આપે છે, ને પ્રત્યેક બીને પોતપોતાનું શરીર.

³⁹ સર્વ દેહ એકજ જાતના નથી; પણ માણસોનો દેહ જૂદો, પશુઓનો જૂદો, ને માછલાંઓનો જૂદો, ને પક્ષીઓનો જૂદો છે.

⁴⁰ અને આકાશી શરીરો તથા પૃથ્વી પરનાં શરીરો છે; પણ આકાશીઓનો મહિમા જૂદો તથા પૃથ્વી પરનાંનો જૂદો.

⁴¹ સૂર્યનો મહિમા જૂદો, ને ચંદ્રનો મહિમા જૂદો, ને તારાઓનો મહિમા જૂદો, કેમકે મહિમાએ તારા તારામાં ફેર છે.

⁴² અને મુએલાંઓનું પુનરૂત્થાન પણ એવું છે; વિનાશમાં તે વવાય છે, અવિનાશમાં ઉઠડાય છે;

⁴³ અપમાનમાં વવાય છે, મહિમામાં ઉઠડાય છે; અબળપણામાં વવાય છે, પરાક્રમમાં ઉઠડાય છે.

⁴⁴ પ્રાણી શરીર વવાય છે, આત્મિક શરીર ઉઠડાય છે; જો પ્રાણી શરીર છે, તો આત્મિક શરીર પણ છે.

⁴⁵ અને એમજ લખ્યું છે કે, પહેલો માણસ આદમ જીવતો પ્રાણી થયો, છેલ્લો આદમ જીવાડનાર આત્મા થયો.

⁴⁶ પણ આત્મિક પહેલું ન હતું, પણ પ્રાણી; ને પછી આત્મિક.

⁴⁷ પહેલો માણસ પૃથ્વીથી ધૂળનો છે, બીજો માણસ આકાશથી પ્રભુ છે.

⁴⁸ જે ધૂળનો તે જેવો છે તેવા જેઓ ધૂળના તેઓ પણ છે; ને જે આકાશી તે જેવો છે તેવા જેઓ આકાશી તેઓ પણ છે.

⁴⁹ અને જેમ ધૂળનાની પ્રતિમા ધરી છે, તેમ આકાશીની પ્રતિમા પણ ધરીશું.

⁵⁰ હવે ભાઈઓ, હું એ કહું છું કે, માંસ તથા રક્ત દેવના રાજ્યમાં વારસ થઇ શકતાં નથી; ને વિનાશપણું અવિનાશપણાનો વારસ થતું નથી.

⁵¹ જુઓ, હું તમને મર્મ કહું છું; આપણે સહુ ઉંઘીશું નહિ, પણ એક ક્ષણમાં, એક પલકભરમાં, છેલ્લા રણશિંગડાના વાગતામાં સર્વ બદલાઇ જઈશું;

⁵² કેમકે રણશીંગડુવાગશે, ને મુએલાં અવિનાશી ઉઠડાશે, ને આપણે બદલાઈશું.

⁵³ કેમકે આ વિનાશીને અવિનાશીપણું પહેરવું તથા આ મરનારને અમરપણું પહેરવું પડે છે.

⁵⁴ અને જયારે આ વિનાશી અવિનાશીપણું પહેરશે, ને આ મરનાર અમરપણું પહેરશે, ત્યારે આ લખેલી વાત પુરી થશે કે, મરણ જયમાં ગળાઈ ગયું છે.

⁵⁵ અરે મરણ, તારો જય ક્યાં? અરે મરણ, તારો ડંખ ક્યાં?

⁵⁶ મરણનો ડંખ તો પાપ છે; ને પાપનું સામર્થ નિયમ છે;

⁵⁷ પણ દેવ જે આપણા પ્રભુ ઇસુ ખ્રીસ્તને આસરે આપણને જય આપે છે, તેની સ્તુતિ થાઓ.

⁵⁸ એ માટે, મારા પ્રિય ભાઈઓ, તમે સ્થિર તથા દૃઢ થાઓ, તથા પ્રભુના કામમાં સદા વધતા જાઓ, કેમકે તમે જાણો છો કે તમારૂં કામ પ્રભુમાં નિષ્ફળ નથી.