¹ એ પછી [ પાઉલ] આથેન્સથી નીકળીને કોરીંથમાં આવ્યો.

² અને પંતસનો વતની, આકુલા નામે એક યહુદી, જે થોડીવાર પર ઇતાલીથી આવેલો હતો, તે તથા તેની વહુ પ્રિસ્કીલા તેને મળ્યાં, કેમકે બધા યહુદીઓને રૂમમાંથી નીકળી જવાની ક્લાદીઅસે આજ્ઞા કરી હતી; ને તે તેઓને ત્યાં ગયો;

³ ન તેઓના જેવોજ ધંધો તે કરતો હતો, માટે તે તેઓને ઘેર રહ્યા, ને તેઓ સાથે કામ કરતા હતા; કેમકે તેઓનો ધંધો તંબુ બનાવવાનો હતો.

⁴ અને તે હરેક વિશ્રામવારે સભાસ્થાનમાં વિવાદ કરતો, ને યહુદીઓને તથા હેલેનીઓને સમજાવતો હતો.

⁵ પણ જયારે સીલાસ તથા તિમોથી માકેદોનનિયાથી આવ્યા, ત્યારે પાઉલે આવેશથી વાત પ્રગટ કરતા યહુદીઓને શાહેદી આપી કે, ઇસુ તેજ ખ્રિસ્ત છે.

⁶ પણ તેઓ તેની સામે થઈને દુર્ભાષણ કરવા લાગ્યા ત્યારે તેને પોતાના લુગડાં ખેંખેરીને તેઓને કહ્યું કે, તમારું લોહી તમારે માથે, હું તો નિર્દોષ છું, હવેથી હું વિદેશીઓ પાસે જઈશ.

⁷ પછી તે ત્યાંથી જઈને તીતસ યુસ્તસ નામે એકજણ જે ઈશ્વરભક્ત હતો તેને ઘેર ગયો; તેનું ઘર સભાસ્થાનની જોડાજોડ હતું.

⁸ અને સભાસ્થાનના આગેવાન ક્રીસ્પસે પોતાના આખા ઘરના સુદ્ધાં પ્રભુ પર વિશ્વાસ કીધો; ને ઘણા કરીંથીઓએ પણ સાંભળીને વિશ્વાસ કીધો, ને બાપ્તિસમાં પામ્યા.

⁹ અને પ્રભુએ રાત્રે પાઉલને દર્શનમાં કહ્યું કે, તું બીતો ના, પણ બોલજે, છાનો ન રહેતો;

¹⁰ કેમકે હું તારી સાથે છું, ને તને ઈજા થાય એવો કોઈ તારા પર હુમલો કરશે નહિ, કારણ કે આ શહેરમાં મારા ઘણા લોક છે.

¹¹ અને તે તેઓને દેવની વાતનો બોધ કરતો દોઢ વરસ લગી [ત્યાં] રહ્યાં.

¹² પણ ગાલીઓ આખાયાના અધિકારી હતો, ત્યારે યહુદીઓ એકચિતે પાઉલની સામે ઉઠ્યા, ને તેઓએ તેને ન્યાયાસન આગળ લાવીને કહ્યું કે,

¹³ આ માણસ દેવનું ભજન નિયમશાસ્ત્રથી ઉલટી રીતે કરવાનું લોકોને સમજાવે છે.

¹⁴ અને પાઉલ બોલવા જતો હતો, એટલામાં ગાલીઓએ યહુદીઓને કહ્યું કે, ઓ યહુદીઓ. જો અન્યાયની અથવા દુરાચારણની વાત હોત, તો તમારું સહન કરવું એ વાજબી ગણાત;

¹⁵ પણ જો શબ્દો, અથવા નામો, અથવા તમારા પોતાના નિયમશાસ્ત્ર વિષેની એ તકરાર હોય to તમે પોતે તે વિષે જોઈ લો, કેમકે એવી વાતનો ન્યાય ચુકવવા હું ઈચ્છતો નથી.

¹⁶ અને તેણે તેઓને ન્યાયાસન આગળથી કાઢી મુક્યા.

¹⁷ ત્યારે તેઓ સર્વએ સભાસ્થાનના આગેવાન સોસ્થેનેસને પકડીને ન્યાયાસન આગળ માર્યો, પા ગાલીઓએ તે વાતો વિષે કંઈ દરકાર કરી નહિ.

¹⁸ અને તે પછી ઘણા દિવસ ત્યાં રહ્યા બાદ પાઉલે ભાઇઓથી વિદાયગીરી લીધી, ને પ્રિસ્કીલા તથા આકુલા સાથે વહાણમાં બેસીને તે સુરિયા જવા ઉપડ્યો; [તે પહેલાં] તેણે કેંખરીઆમાં માથું મુંડાવ્યું હતું, કેમકે માનતા લીધી હતી.

¹⁹ અને તેઓ એફેસસમાં પહોંચ્યા ત્યારે તેણે તેઓને ત્યાં મુક્યાં, ને પોતે સભાસ્થાનમાં જઈને યહુદીઓની સાથે વિવાદ કીધો

²⁰ અને તેઓની સાથે વધારે મુદત રહેવાની તેઓએ તેને વિનંતી કીધી, ત્યારે તેણે માન્યું નહિ.

²¹ પણ ઈશ્વરેચ્છા હશે તો હું તમારી પાસે પાછો આવીશ, એમ કહીને તેણે તેઓથી વિદાયગીરી લીધી, ને એફેસસથી વહાણમાં ઉપડ્યો.

²² અને કાઈસરીઆમાં પહોંચ્યા પછી, તેણે જઈને મંડળીનાને સલામ કરી, ને પછી અંત્યોખમાં ગયો.

²³ અને ત્યાં, થોડીવાર રહ્યા પછી તે નીકળ્યો, ને સર્વ શિષ્યોને દૃઢ કરતો ગલાતીઆ પ્રાંત તથા ફુગિયામાં અનુક્રમે ફર્યો.

²⁴ અને આપોલસ નામનો એક વિદ્વાન યહુદી જે આલેકસાંદ્રીયાનો વતની હતો ને ધર્મ લેખોમાં પ્રવીણ હતો, તે એફેસસમાં આવ્યો.

²⁵ એ માણસ પ્રભુના માર્ગ વિષે શિક્ષણ પામેલો હતો, ને આત્મામાં આતુર હોવાથી તે કાળજીથી ઇસુ વિષેની વાતો પ્રગટ કરતો તથા શિખવતો હતો, પણ એકલું યોહાનનું બાપ્તિસમાં જાણતો હતો;

²⁶ અને તે હિમ્મતથી સભાસ્થાનમાં બોલવા લાગ્યો, પણ પ્રિસ્કીલાએ તથા આકુલાએ તેની વાત સાંભળી ત્યારે તેઓએ તેને પોતાની સાથે લઇ જઈને દેવ વિષેના માર્ગનો વધારે કાળજીથી ખુલાસો આપ્યો.

²⁷ અને તે આખાયા જવાને ઈચ્છતો હતો, ત્યારે ભાઈઓએ તેને ઉત્તેજન આપીને શિષ્યો પર લખી મોકલ્યું કે તેઓ તેનો આવકાર કરે; ને તે ત્યાં આવ્યો ત્યારે જેઓએ કૃપાથી વિશ્વાસ કર્યો હતો, તેઓને તેણે ઘણી સહાય કીધી;

²⁸ કેમકે ઇસુ તેજ ખ્રિસ્ત છે, એવું ધર્મલેખો ઉપરથી બતાવીને એણે જાહેર [વાદવિવાદ]માં યહુદીઓને પુરા હરાવ્યા.