¹ અને તમે અપરાધોમાં તથા પાપોમાં મુએલા હતા, ત્યારે [તેણે તમને જીવતા કીધા];

² તેમાં તમે આ જગતના ધોરણ પ્રમાણે અંતરિક્ષની સત્તાના અધિકારી, એટલે જે આત્મા આજ્ઞાભંજનના દીકરાઓમાં હમણાં જોર કરે છે, તે પ્રમાણે પહેલાં ચાલતા;

³ તેઓમાં આપણુ સઘળા આપણા દેહની ઈચ્છાઓથી પહેલાં ચાલતાં હતા, ને દેહની તથા મનની વાસનાઓ પ્રમાણે કરતા હતા તથા મૂળ સ્થિતિએ બીજાઓના જેવાં કોપનાં છોકરાં હતાં.

⁴ પણ દેવ જે દયામાં ભરપુર છે તેણે, જે પ્રીતિ આપણા પર કીધી, તે પોતાની ઘણી પ્રીતિને લીધે,

⁵ આપણે પાપમાં મુએલા હતા ત્યારે ખ્રીસ્તની સાથે આપણને જીવતા કીધા (કૃપાથી તમે તારણ પામેલા છો);

⁶ ને સાથે ઉઠાડ્યા, ખ્રીસ્ત ઈસુથી આકાશી જગ્યાઓમાં તેની સાથે બેસાડ્યા;

⁷ એ સારૂ કે ખ્રીસ્ત ઇસુમાં આપણા પર તેની દયાથી તે આવતા યુગોમાં પોતાની કૃપાની અતિ ઘણી સંપત દેખાડે.

⁸ કેમકે તમે કૃપાએ વિશ્વાસને આસરે તારણ પામેલા છો, ને એ તમારાથી નથી, દેવનું દાન છે;

⁹ કરણીઓથી નહિ, રખે કોઈ અભિમાન કરે;

¹⁰ કેમકે સારી કરણીઓ કરવાને ખ્રીસ્ત ઇસુમાં ઉત્પન્ન કીધેલા, આપણે તેનું કૃત્ય છીએ; તેઓ વિષે દેવે અગાઉ એમ ઠરાવ્યું કે, આપણે તેઓમાં ચાલીએ.

¹¹ એ માટે યાદ રાખો કે, દેહ સંબંધી હાથે કરેલા સુનતી કહેવાએલાઓથી જેઓ બેસુનતી કહેવાય છે એવા તમે પહેલા દેહ સંબંધી વિદેશી હતા;

¹² ને તે સમયે તમે ખ્રીસ્તરહિત ઇસ્રાએલના પ્રજાપણાની નોખા તથા વચનના કરારથી પારકા, આશારહિત તથા દેવ હીન, એવા જગતમાં હતા.

¹³ પણ હમણાં ખ્રીસ્ત ઇસુમાં તમે જે પહેલાં દૂર હતા તે તમે ખ્રીસ્તના લોહીથી પાસે થયા છો.

¹⁴ કેમકે તે આપણું શાંત્યાસ્પદ છે, તેણે બેઉનું એક કીધું, ને વચલી આડી ભીંત પાડી નાખી છે;

¹⁵ તેણે પોતાના દેહથી વેર, એટલે વિધિઓમાંની આજ્ઞાઓનો નિયમ, રદ કીધું, એ સારૂ કે સલાહ કરીને પોતામાં તે બેનું એક નવું માણસ સૂજે;

¹⁶ અને કે વધસ્તંભે વેરને મારી નાખીને ને આસરે તે એક શરીરમાં દેવની સાથે બેહુનો મેળાપ કરાવે.

¹⁷ અને તેણે આવીને તમ વેગળાઓને તથા જે પાસે હતા તેઓને સુવાર્તા પ્રગટ કીધી;

¹⁸ કેમકે તેને આસરે એક આત્માથી આપણ બેહુને બાપની પાસે પ્રવેશ છે.

¹⁹ એ માટે તમે હવે પારકા તથા વિદેશી નથી, પણ પવિત્રોની સાથેના એક નગરના તથા દેવના ઘરનાં છો.

²⁰ પ્રેરિતો તથા ભવિષ્યવાદીઓના પાયા પર બંધાએલા છો; ઇસુ ખ્રીસ્ત પોતે તો ખુણાનું મથાળું છે;

²¹ એમાં દરેક બાંધણી જોડાએલી થવાની પ્રભુમાં પવિત્ર મંદિર વધતું જાય છે;

²² તેમાં તમે પણ દેવના રહેવા સારૂ આત્માએ સાથે બંધાએલા છો.