¹ અને આકાશ તથા પૃથ્વી તથા તેઓનાં સર્વ સૈન્ય પુરાં થયાં.

² ને દેવે પોતાનું જે કામ કર્યું હતું તે સાતમે દિવસે પૂરું કીધું; ને પોતાનાં સર્વ કરેલા કામોથી સાતમે દિવસે તે સ્વસ્થ રહ્યો.

³ ને દેવે સાતમાં દિવસને આશીર્વાદ દીધો, ને તેને પવિત્ર ઠરાવ્યો, કેમકે તેમાં દેવ પોતાના બધા ઉત્પન્ન કરવાના તથા બનાવવાના કામથી સ્વસ્થ રહ્યો.

⁴ આકાશ તથા પૃથ્વીનું ઉત્પતિવર્ણન આ છે; એટલે જે દિવસમાં યહોવાહ દેવે પૃથ્વી તથા આકાશ ઉત્પન્ન કીધા ત્યારે.

⁵ અને ખેતરનો કોઈ પણછોડવો હજુ પૃથ્વીમાં થયો નહોતો, વળી ખેતરનો કોઈ પણ શાક ઉગ્યું નહોતું; કેમકે યહોવાહ દેવે પૃથ્વી પર વરસાદ વરસાવ્યો ન હતો ને ભોઈ ખેડ્વાને કોઈ માણસ ન હતું.

⁶ પણ પૃથ્વીથી ધુંવર ચઢતી ને ભોઈની આખી સપાટી ભિંજવતી

⁷ ને યહોવાહ દેવે ભૂમિની માટીથી માણસને બનાવ્યું, ને તેના નસકોરાંમાં જીવનો શ્વાસ ફૂક્યો, ને માનસ સજીવ પરની થયું.

⁸ ને યહોવાહ દેવે પુર્વ્તરફ એદેનમાં એક વાડી બનાવી, ને તેમાં પોતાના બનાવેલા માણસને રાખ્યું.

⁹ ને યહોવાહ દેવે ભૂમિમાંથી સર્વ પ્રકારનું વૃક્ષ જે જોવામાં સુંદર તથા ખાધમાં સારાં; વળી વાડીની વચમાં જીવનનું વૃક્ષ તથા ભલું ભુંડું જાણવાનું વૃક્ષ ઉગાવ્યાં

¹⁰ ને વાળીને પાણી પાવા સારું, એક નદી એદેનમાંથી નીકળી, ને ત્યાંથી પુટીને તેના ચાર ફાંટા થયાં.

¹¹ પહેલીનું નામ પીશોન, તે આખા હવીલાહ દેશને ઘેરે છે, જ્યાં સોનું છે;

¹² ને તે દેશનું સોનું સારું, ને ત્યાં બદોલાખ તથા અકીક પાષાણ છે.

¹³ બીજી નદીનું નામ ગીહોન, તે આખા કૂશ દેશને ઘેરે છે.

¹⁴ ત્રીજી નદીનું નામ હિદ્દેકેલ, તે આશુર દેશની પુર્વતરફ વહે છે. ને ચોથી નદીનું નામ ફ્રાત છે.

¹⁵ ને એદેનવાડી ખેડવાને, તથા તેનું રક્ષણ કરવાને, યહોવાહ દેવે તે માણસને તેમાં રાખ્યો.

¹⁶ ને યહોવા દેવે તે માણસને આ હુકુમ આપ્યો કે, વાડીના હરેક વૃક્ષથી તું ખાય કર;

¹⁷ પણ ભલું ભુંડું જાણવાના વૃક્ષનું તું ખાતો ના કેમકે તું ખાશે, તેજ દિવસે મરશેજ મારશે.

¹⁸ અને યહોવાહ દેવે કહ્યું કે, માણસ એકલો રહે, તે સારું નથી; તેને યોગ્ય એક સહાયકારી સૃજાવીશ.

¹⁹ ને યહોવાહ દેવે ખેતરના હરેક જાનવરને , તથા આકાશના હરેક પક્ષીને ભૂમિમાંથી ઉત્પન્ન કીધાં; ને તે માણસ તેઓનો નામ શું પાડશે, એ જોવાને તેઓને તેની પાસે લાવ્યા; અને તે માણસે હરેક જાનવરને જે કહ્યું તે તેનું નામ પડ્યું.

²⁰ ને તે માણસે સર્વ ગ્રામપશુનાં, તથા આકાશનાં પક્ષીઓનાં, તથા સર્વ વનપશુઓનાં નામ પાડ્યાં; પણ આદમને યોગ્ય સહાયકારી મળી નહિ.

²¹ ને યહોવાહ દેવે આદમને ભાર ઉંઘમાં નાખ્યો; ને તે ઊંધી ગયા પછી તેણે તેની પાંસળીઓમાંની એક લઈને તેને ઠેકાણે માંસ ભર્યું;

²² ને યહોવાહ દેવે જે પાંસળી માણસમાંથી લીધી હતી, તેની એક સ્ત્રી બનાવીને માણસની પાસે લાવ્યો.

²³ ને તે માણસે કહ્યું કે, આ મારા હાડ્કામાંનું હાડકું ને મારા માંસ્માનું માંસ છે; તે નારી કેહવાશે, કેમકે તે નરમાંથી લીધેલી છે.

²⁴ એ સારું માણસ પોતાના માંબાપને છોડીને, પોતાની વહુને વળગી રેહશે, ને તેઓ એક દેહ થશે.

²⁵ ને તે માણસ તથા તેની વહુ બંને નાગાં હતા, પણ લાજતા ના હતા.