¹ હવે ઈશ્વરનું એવું વચન અમિત્તાયના દીકરા યૂના પાસે આવ્યું,

² "ઊઠ મોટા નગર નીનવે જા, ને તેની વિરુદ્ધ પોકાર કર, કેમકે તેઓની દુષ્ટતા મારી આગળ ઉપર આવી છે."

³ પણ યૂના ઈશ્વરની હજૂરમાંથી તાર્શીશ નાસી જવાને ઊઠયો. તે યાફા ચાલ્યો ગયો, ત્યાં તેને તાર્શીશ જનારુ એક વહાણ મળ્યું; તેણે તેનું ભાડું આપ્યું, ને ઈશ્વરની હજૂરમાંથી દૂર જવાને તે તેઓની સાથે તાર્શીશ જવા માટે તેમાં ચઢી બેઠો.

⁴ પણ ઈશ્વરે સમુદ્ર પર ભારે વાવાઝોડું મોકલ્યું, ને સમુદ્રમાં મોટું તોફાન થયું, ને તેથી વહાણ ભાંગી જશે એવું લાગ્યું.

⁵ ત્યારે ખલાસીઓ બીધા, ને તેઓ પોતપોતાના દેવને પોકારવા લાગ્યા; અને તેઓએ પોતાનું વહાણ હલકું કરવાને તેમાંનો માલ સમુદ્રમાં ફેંકી દીધો. પણ યૂના વહાણના સૌથી અંદરના ભાગમાં ઊતરી જઈને સૂઈ ગયો હતો, ને ભરનિદ્રામાં પડયો હતો.

⁶ માટે આગેવાને તેની પાસે આવીને તેને કહ્યું, "શું તું ઊંઘ્યા કરે છે? ઊઠ! તારા દેવને વિનંતી કર! કદાચ તારો દેવ આપણે વિષે વિચાર કરે, ને આપણો નાશ ન થાય."

⁷ તે સઘળાંએ એકબીજાને કહ્યું, "ચાલો, આપણે ચિઠ્ઠીઓ નાખીને જોઈએ કે કોને કારણે આપણા પર આ દુઃખ આવ્યું છે તે આપણે જાણીએ." તેથી તેઓએ ચિઠ્ઠીઓ નાખી, ને ચિઠ્ઠી યૂનાના નામની નીકળી.

⁸ ત્યારે તેઓએ તેને કહ્યું કે, કૃપા કરીને અમને કહે, કે કોણે લીધે આ વિઘ્ન આપણા પર આવ્યું છે; તારો ધંધો શો છે? ને તું ક્યાંથી આવે છે? તારો દેશ કયો છે? ને તું ક્યાં લોકોમાંનો છે?

⁹ ને તેણે તેઓને કહ્યું કે, હું હેબ્રી છું; ને સમુદ્ર તથા કોરી ભૂમિના કર્તા સૈન્યોના દેવ યહોવાહનો ડર રાખનાર હું છું.

¹⁰ ત્યારે તે માણસો અતિશય ગભરાયા, ને તેઓએ તેને કહ્યું, તેં આ શું કર્યું છે? કેમકે તેના કહ્યાથી તે માણસોએ જાણ્યું કે તે યહોવાહની હજુરમાંથી નાસી જાય છે.

¹¹ પછી તેઓએ તેને કહ્યું, અમે તને શું કરીએ કે સમુદ્ર અમારે માટે શાંત થાય? કેમકે સમુદ્ર વઘારે ને વધારે તોફાની થતો જતો હતો.

¹² અને તેને તેઓને કહ્યું, મને ઉંચકીને સમુદ્રમાં ફેંકી ડો એટલે સમુદ્ર તમારે માટે શાંત થશે; કેમકે હું જાણું છું કે મારે લીધે આ મોટું તોફાન તમારા પર આવી પડ્યું છે.

¹³ પરંતુ કિનારે પાછા જવાને તે માણસોએ બહુજ હલ્લેસાં માર્યા, પણ તેઓ જઈ શક્યા નહિ; કેમકે સમુદ્ર તેમની સામે વધારે ને વધારે તોફાની થતો ગયો.

¹⁴ એ માટે તેઓએ યહોવાહને બૂમ પાડીને કહ્યું કે, એવી કૃપા કર, હે યહોવાહ, એવી કૃપા કર કે, આ માણસનો જીવનો સામે અમારો નાશ ન થાય, ને મારે શિર નિર્દોષ રક્તનો દોષ મૂકીશ નહિ; કેમકે, હે યહોવાહ, જેમ તને સારૂ લાગ્યું તેમ તે કર્યું છે.

¹⁵ એમ તેઓએ યૂનાને ઉંચકીને સમુદ્રમાં ફેંકી દીધો; ને સમુદ્ર ઉછળતો બંધ પડ્યો.

¹⁶ ત્યારે તે માણસોને યહોવાહનો અતિશય દર લાગ્યો; ને તેઓએ યહોવાહને યજ્ઞ ચઢાવ્યો, ને માનતા લીધી

¹⁷ અને યહોવાહે એક મોટી માછલી યૂનાને ગલી જવા સારૂ તૈયાર કીધી; અને યૂના ત્રણ દિવસ ને ત્રણ રાત માછલીના પેટમાં રહ્યા.