² અને યિફતાહે તેઓને કહ્યું, મારે તથા મારા લોકોને આમ્મોનપુત્રો સાથે ઘણી તકરાર ચાલતી હતી; ને મેં તમને બોલાવ્યા ત્યારે તમે તેઓના હાથમાંથી મને બચાવ્યા નહિ.

³ અને મેં જોયું કે તમે મને ઉગાર્યો નહિ, ત્યારે હું પોતાના જીવ હાથમાં લઈને આમ્મોનપુત્રોની સામે ગયો, ને યહોવાહે તેઓને મારી હાથમાં સોંપ્યાં; ત્યારે તમે આજ મારી સામે લડવાને કેમ મારી પાસે આવ્યા છો?

⁴ ત્યારે યિફતાહ ગિલઆદના સર્વ માણસોને એકઠા કરીને એફ્રાઈમની સાથે લડ્યો; ને ગિલઆદના માણસોએ એફ્રાઈમને માર્યો, કેમકે તેઓએ કહ્યું હતું કે, હે એફ્રાઈમ તથા મનાશ્શેહ મધ્યે રહેનારા ગિલઆદીઓ, તમે એફ્રાઈમના નાસી ગએલા છો.

⁵ અને ગિલઆદીઓએ એફ્રાઈમીઓની સામે યરદનના આર કબજે કર્યા; ને એમ થયું કે, કોઇ નાસી જતો એફ્રાઈમી કહેતો કે, મને ઉતરી જવા દે, ત્યારે ગિલઆદના માણસો તેને પૂછતા, શું તું એફ્રાઈમી છે? ને જો તે કહેતો કે, ના;

⁶ ત્યારે તેઓ તેને કહેતાં કે, ત્યારે શિબ્બોલેથ બોલ; અને તે એમ બોલતો કે, સિબ્બોલેથ; કેમકે તેનો ખરો ઉચ્ચાર તે કરી શકતો નહિ; ત્યારે તેઓ તેને પકડીને યરદનના આરા આગળ મારી નાખતા; ને તે વેળા એફ્રાઈમીઓના બેંતાળીસ હજાર માણસ પડ્યા.

⁷ અને યિફતાહ છ વર્ષ લગી ઇસ્રાએલનો ન્યાય કીધો. પછી ગિલઆદી યિફતાહ, મરણ પામ્યો, ને ગિલઆદના [એક] નગરમાં દટાયો.

⁸ અને તે પછી બેથલેહેમના ઇબ્સાને ઇસ્રાએલનો ન્યાય કીધો.

⁹ અને તેને ત્રીસ દીકરા હતા, ને તેણે પોતાની ત્રીસ કન્યાઓને બહાર કીધી, ને પોતાના દીકરાઓને સારૂ બહારથી ત્રીસ કન્યાઓ લાવ્યો. અને તેણે સાત વર્ષ ઇસ્રાએલનો ન્યાય કીધો.

¹⁰ અને ઇબ્સાન મારી ગયો, ને બેથલેહેમમાં દટાયો.

¹¹ અને તે પછી ઝબુલૂની એલોને ઇસ્રાએલનો ન્યાય કીધો; ને તેણે દસ વર્ષ ઇસ્રાએલનો ન્યાય કીધો.

¹² અને ઝબુલૂની એલોન મરી ગયો, ને ઝબુલૂન દેશના આયાલોનમાં દટાયો.

¹³ અને તે પછી હિલ્લેલ પિરઆથોનીના દીકરા આબ્દોને ઇસ્રાએલનો ન્યાય કીધો.

¹⁴ અને તેને ચાળીસ દીકરા ને ત્રીસ દીકરાના દીકરા હતા, તેઓ ગધેડીઓના સિત્તેર વછેરા પર સ્વારી કરતા હતા; ને તેણે આઠ વર્ષ ઇસ્રાએલનો ન્યાય કીધો.

¹⁵ અને હિલ્લેલ પિરઆથોનીનો દીકરો આબ્દોન મરી ગયો, ને અમાલેકીઓના પહાડી મુલકમાં એફ્રાઈમ દેશના પિરઆથોનમાં દટાયો.