¹ અને તેઓ યરૂશાલેમની નજદીક, જૈતુનના પહાડ આગળ બેથફાગે તથા બેથાનીઆની પાસે આવે છે, ત્યારે તે પોતાના શિષ્યોમાંના બેને આગળ મોકલે છે,

² ને તેઓને કહે છે કે, તમારી સામેના ગામમાં જાઓ; ને તેમાં તમે પેસશો કે તરત એક ગધેડાનો વછેરો જેનાં પર કોઇ માણસ કદી બેઠું નથી, એવો તમને બાંધેલો મળશે; તેને છોડી લાવો.

³ અને જો કોઇ તમને કહે કે, તમે શા માટે કરો છો? તો કહો કે, પ્રભુને તેનો ખપ છે; ને તરત તે એને અહીં મોકલશે.

⁴ અને તેઓ ગયા, ને બારણાની બહાર ખુલ્લા રસ્તામાં બાંધેલો વછેરો તેઓને મળ્યો; ન તેઓ તેને છોડે છે.

⁵ અને જેઓ ત્યાં ઉભા હતા તેઓમાંના કેટલાકે તેઓને કહ્યું કે, વછેરાને તમે શું કરવા છોડો છો?

⁶ ને જેમ ઇસુએ તેઓને ફરમાવ્યું હતું, તેમ તેઓએ તેઓને કહ્યું; ને તેઓએ તેમને જવા દીધા.

⁷ અને તેઓ વછેરાને ઈસુની પાસે લાવ્યા; ને તેના પર પોતાનાં લૂગડાં નાખ્યાં; ને તેના પર તે બેઠો.

⁸ અને ઘણાઓએ પોતાના લૂગડાં રસ્તામાં પાથર્યાં; ને બીજાઓએ ખેતરમાંથી ડાળીઓ કાપીને [રસ્તામાં પાથરી].

⁹ અને આગળ તથા પાછળ ચાલનારાઓએ બૂમ પાડતાં કહ્યું કે, હોસાના, પ્રભુને નામે જે આવે છે, તેને ધન્ય!

¹⁰ આપણા બાપ દાઉદનું રાજ્ય જે પ્રભુને નામે આવે છે, તે આશીર્વાદિત છે; પરમ ઉંચામાં હોસાના.

¹¹ અને ઇસુ યરૂશાલેમ જઈને મંદિરમાં ગયો, ને ચોતરફ બધું જોઇને સાંજ પડ્યા પછી બારે સુદ્ધાં નીકળીને તે બેથાનીઆમાં ગયો.

¹² અને બીજે દહાડે તેઓ બેથાનીઆમાંથી નીકળી આવ્યા પછી, તે ભૂખ્યો થયો.

¹³ અને એક અંજીરી જેને પાંદડા હતાં તેને આધેથી જોઇને તેની પાસે ગયો, ને કદાપિ તેને તે પરથી કંઈ મળે; ને તેની પાસે આવ્યો, ત્યારે પાંદડા વિના તેને કંઈ મળ્યું નહિ; કેમકે અંજીરોની ઋતુ ન હતી.

¹⁴ અને ઇસુએ તેને કહ્યું કે, હવેથી કદી કોઇ તારા પરથી ફળ ન ખાઓ; ને તેના શિષ્યોએ એ સાંભળ્યું.

¹⁵ અને તેઓ યરૂશાલેમમાં આવે છે; ને તે મંદિરમાં પેસીને મંદિરમાં વેચનારાઓને તથા ખરીદનારાઓને કાઢી મુકવા લાગ્યો; ને નાણાવટીઓના બાજટ તથા કબૂતર વેચનારાઓનાં આસનો ઉંધા વાળ્યાં.

¹⁶ અને કોઈને મંદિરમાં થઈને કંઈ વાસણ લઇ જવા ન દીધું.

¹⁷ અને તેઓને બોધ કરતાં તેણે કહ્યું કે, શું એમ લખ્યું નથી કે, મારું ઘર સર્વ દેશનાઓને સારૂ પ્રાર્થનાનું ઘર કહેવાશે? પણ તમે તેને લૂંટારાનું કોતર કીધું છે.

¹⁸ અને મુખ્ય યાજકોએ તથા શાસ્ત્રીઓએ તે સાંભળ્યું, ને તેના નાશ શી રીતે કરીએ તે વિષે શોધ કીધી; કેમકે તેઓ તેનાથી બીધા,

¹⁹ અને દર સાંજે તે શહેર બહાર જતો.

²⁰ અને તેઓએ સંવારે અંજીરીની પાસે થઈને જતાં તેને જડથી સુકાએલી જોઈ.

²¹ અને પીતર સંભારીને તેને કહે છે કે, સ્વામી, જો, જે અંજીરીને તે શાપ દીધો હતો તે સુકાઇ ગઇ છે.

²² અને ઇસુ ઉત્તર અઆપી તેઓને કહે છે કે, દેવ પર વિશ્વાસ રાખો.

²³ કેમકે હું તમને ખચિત કહું છું, કે જે કોઇ આ પર્વતને કહે છે કે ખસેડાઈ જા, ને સમુદ્રમાં નંખા, ને પોતાના હૃદયમાં સંદેહ ન આણતા વિશ્વાસ રાખશે કે, જે હું કહું છું તે થશે, તો તે વાસ્તે થશે.

²⁴ એ માટે હું તમને કહું છું કે, જે સર્વ તમે પ્રાર્થના કરતાં માગો છો, ને અમે પામ્યા છીએ, એવો વિશ્વાસ રાખો, તો તે તમને મળશે.

²⁵ અને જયારે જયારે તમે પ્રાર્થના કરતાં ઉભા રહો છો, ત્યારે ત્યારે જો કોઇ તમારો અપરાધી હોય, તો તેણે માફ કરો, એ માટે કે તમારો બાપ જે આકાશમાં છે, તે પણ તમારા અપરાધો તમને માફ કરે.

²⁶ પણ જો તમે માફ નહિ કરો, તો તમારો બાપ જે આકાશમાં છે તે પણ તમારા અપરાધ માફ નહિ કરશે.

²⁷ અને ફરી તેઓ યરૂશાલેમમાં આવે છે; ને તે મંદિરમાં ફરતો હતું, ત્યારે મુખ્ય યાજકો તથા શાસ્ત્રીઓ તથા વડીલો તેની પાસે આવ્યા,

²⁸ ને તેને કહ્યું કે, કયા અધિકારથી તું આ કામો કરે છે, અથવા કોણે તને આ કામો કરવાને અધિકાર આપ્યો?

²⁹ અને ઇસુએ તેઓને કહ્યું કે, હું એક નાત તમને પુછીશ; ને તમે મને જવાબ ડો તો ક્યાં અધિકારથી હું આ કામો કરું છું તે હું તમને કહીશ.

³⁰ યોહાનનું બાપ્તિસ્મા શું આકાશથી હતું કે માણસોથી? મને જવાબ ડો.

³¹ અને તેઓએ માહોમાંહે વિચારીને કહ્યું કે, જે કહીશ કે, આકાશથી, તો તે કહેશે કે, ત્યારે તમે તેના પર વિશ્વાસ કેમ નથી કીધો?

³² પણ જો કહીશ કે, માણસથી, ત્યારે તેઓ લોકથી બીધા, કેમકે બધા યોહાનને નિશ્ચે ભવિષ્યવાદી માનતા હતા.

³³ અને તેઓ ઉત્તર આપીને ઇસુને કહે છે કે, અમે જાણતા નથી. અને ઇસુ તેઓને કહે છે કે, કયા અધિકારથી હું આ કામો કરું છું તે હું પણ તમને કહેતો નથી.