¹ આને ઇસુ મંદિરમાંથી નીકળીને માર્ગે ચાલતો હતો, ત્યારે તેના શિષ્યો તેને મંદિરના બાંધકામો દેખાડવાને પાસે આવ્યા.

² ત્યારે તેણે ઉત્તર દેતાં તેઓને કહ્યું કે, શું તમે એ બધા નથી દેખતાં? હું તમને ખચિત કહું છું કે, પાડી નહિ નંખાય, એવો એક પણ પત્થર બીજા ઉપર અહીં રહેવા દેવાશે નહિ.

³ પછી જૈતુનના પહાડ પર તે બેઠો હતો, ત્યારે શિષ્યોએ એકાંતમાં તેની પાસે આવીને કહ્યું કે, એ બહુ ક્યારે થશે? ને તારા આવવાની તથા જગતના અંતની શી નિશાની થશે? તે અમને કહે.

⁴ ત્યારે ઇસુએ ઉત્તર આપતાં તેઓને કહ્યું કે, તમને કોઇ ભુલાવામાં ન નાખે, માટે સાવધાન રહો.

⁵ કેમકે મારે નામે ઘણા એમ કેહતા આવશે કે, હું તે ખ્રીસ્ત છું; ને ઘણાને ભુલાવામાં નાખશે.

⁶ અને લડાઈઓ તથા લડાઈઓની અફવા તમે સાંભળશો, ત્યારે જોજો, ગભરાતા ના; કેમકે એ બધું થવાની અગત્ય છે, પણ તેટલેથી અંત નહિ આવે.

⁷ કેમકે પ્રજા પ્રજા વિરુદ્ધ તથા રાજ્ય રાજ્ય વિરુદ્ધ ઉઠશે, ને દુકાળો તથા મરકીઓ તથા ઠેકાણે ઠેકાણે ધરતીકંપો થશે.

⁸ પણ એ બધા તો દુઃખોના આરંભ છે.

⁹ ત્યારે તેઓ તમને વિપત્તિમાં નાખશે, ને તમને મારી નાખશે, ને મારા નામને લીધે સઘળી પ્રજાઓ તમારો દ્વેષ કરશે.

¹⁰ અને તે વેળા ઘણા ઠોકર ખાશે, ને એક બીજાને પરસ્વાધીન કરાવશે, ને એક બીજા પર વૈર કરશે.

¹¹ અને જુઠા ભવિષ્યવાદીઓ ઘણા ઉઠશે, ને ઘણાને ભુલાવામાં નાખશે,

¹² અને અન્યાય વધી જવાના કારણથી ઘણાખરાનો પ્રેમ થંડો થઇ જશે.

¹³ પણ અંત સુધી જે ટકશે તે તારણ પામશે.

¹⁴ અને સર્વ પ્રજાઓને સાક્ષી થવા સારૂ રાજ્યની આ સુવાર્ત્તા અખા જગતમાં પ્રગટ કરાશે; ને ત્યારે અંત આવશે.

¹⁵ એ માટે ઉજડની અમંગળપણા [ની નિશાણી] જે સંબંધી દાનીએલ ભવિષ્યવાદીએ કહેલું છે, તેને જયારે તમે પવિત્ર જગ્યાએ ઉભેલી જુઓ (જે વાંચે તે સમજે),

¹⁶ ત્યારે જેઓ યહુદાહમાં હોય તેઓ પહાડો પર નાસી જાય;

¹⁷ ધાબા પર જે હોય તે પોતાના ઘરમાંનો સામાન લેવાને ન ઉતરે;

¹⁸ ને ખેતરમાં જે હોય તે પોતાનું લુગડું લેવાને પાછો ન ફરે.

¹⁹ અને તે દહાડાઓમાં જેઓ ગર્ભવતી હોય, તથા જેઓ ધવાડતી હોય, તેઓને અફસોસ છે.

²⁰ પણ તમારૂ નાસવું શીયાળામાં કે વિશ્રામવારે ન થાય તે માટે તમે પ્રાર્થના કરો.

²¹ કેમકે તે વેળા એવી મોટી વિપત્તિ આવી પડશે કે, તેવી જગતના આરંભથી હમણાં સુધી થઇ નથી, ને કદી થશે પણ નહિ.

²² અને જો તે દહાડા ઓછા કરવામાં ન આવત તો કોઇ માણસ બચી ન શકત; પણ પસંદ કરેલાઓની ખાતર તે દહાડા ઓછા કરાશે.

²³ ત્યારે જો કોઇ તમને કહેશે કે, જુઓ, ખ્રીસ્ત અહીં અથવા ત્યાં છે, તો તમે માનતા ના;

²⁴ કેમકે જુઠા ખ્રીસ્ત તથા જુઠા ભવિષ્યવાદીઓ ઉઠશે, ને એવા મોટા ચમત્કાર તથા અદભુત કૃત્યો દેખાડશે કે જો બની શકે તો પસંદ કરેલાઓને પણ તેં ભુલાવામાં નાખશે.

²⁵ જુઓ, મેં અગાઉથી તમને કહ્યું છે.

²⁶ એ માટે જો તેઓ તમને કહે કે, જુઓ, તે રાનમાં છે, તો બહાર ના જતા; જુઓ, તે ઓરડીઓમાં છે, તો ના માનતા.

²⁷ કેમકે જેમ વિજળી પૂર્વથી નીકળીને પશ્ચિમ સુધી ચમકે છે, તેમજ માણસના દીકરાનું આવવું થશે.

²⁸ જ્યાં મુડદું હોય, ત્યાં ગીધો એકઠાં થશે.

²⁹ અને તે દહાડાઓની વિપત્તિ પછી, તરત સુરજ અંધકારરૂપ થઇ જશે, ને ચંદ્ર પોતાનું અજવાળું નહિ આપશે, ને આકાશથી તારા ખરશે, ને આકાશનાં પરાક્રમો હલાવાશે.

³⁰ અને ત્યારે માણસના દીકરાની નિશાની આકાશમાં દેખાશે, ને ત્યારે પૃથ્વી પરનાં સઘળાં કુળો શોક કરશે; અને માણસના દીકરાને પરાક્રમ તથા મોટા મહિમામાં આકાશના મેઘ પર આવતો તેઓ દેખશે.

³¹ અને રણશિંગડાડાના મોટા આવાજ સહિત તે પોતાના દૂતોને મોકલાશે, ને તેઓ ચારે દિશામાંથી આકાશના એક છેડાથી તે બીજા છેડા સુધી, તેના પસંદ કરેલાઓને એકઠા કરશે.

³² હવે અંજીરી પરથી તેનું દૃષ્ટાંત શીખો. જયારે તેની ડાળી કુમળી થઇ હોય છે, ને પાંદડા ફુટી નીકળે છે, ત્યારે તમે જાણો છે કે ઉનાળો પાસે આવ્યો છે.

³³ એમજ તમે પણ જયારે તે બધાં થતાં જુઓ, ત્યારે તમારે જાણવું કે તે પાસે બારણા આગળજ છે.

³⁴ હું તમને ખચિત કહું છું કે, એ બધાં પુરા થશે ત્યાં સુધી આ પેઢી ગુજરી નહિ જશે.

³⁵ આકાશ તથા પૃથ્વી જતાં રહેશે, પણ મારી વાતો જતી રહેશે નહિ.

³⁶ પણ તે દહાડા તથા તે ઘડી સંબંધી બાપ વગર કોઇ પણ જાણતો નથી, આકાશના દૂતો નહિ ને દીકરો પણ નહિ.

³⁷ ને જેમ નુહના સમયમાં થયું, તેમજ માણસના દીકરાનું આવવું પણ થશે.

³⁸ કેમકે જેમ જલપ્રલયની અગાઉ નુહ વહાણમાં ચઢી બેઠો ત્યાં સુધી તેઓ ખાતાં પીતા, ને પરણતા પરણાવતા હતા;

³⁹ અને જલપ્રલય આવીને સહુને તાણી લઇ ગયો, ત્યાં સુધી તેઓ ન સમજ્યા, તેમજ માણસના દીકરાનું આવવું પણ થશે.

⁴⁰ તે વખત બે માણસ ખેતરમાં હશે, એક લેવાશે ને બીજો પડતો મુકાશે.

⁴¹ બે સ્ત્રીઓ ઘંટીએ દળતી હશે, એક લેવાશે ને બીજી પડતી મુકાશે.

⁴² માટે જાગતા રહો, કેમકે તમારો પ્રભુ કયે દિવસે આવશે એ તમે જાણતા નથી.

⁴³ પણ એ જાણો કે ચોર કયે પહોરે આવશે, એ જો ઘરઘણી જાણતો હોત, તો તે જાગતો રહેત, ને પોતાના ઘરમાં ખાતર પાડવા ન દેત.

⁴⁴ એ માટે તમે પણ તૈયાર રહો; કેમકે જે ઘડીએ તમે ધારતા નથી તે ઘડીએ માણસનો દીકરો આવશે.

⁴⁵ તો જે ચાકરના ઘણીએ પોતાના ઘરનાંને થોક વખતે ખાવાનું આપવા સારૂ પોતાના ઘરનો કારભારી ઠરાવ્યો છે, તે વિશ્વાસુ તથા બુદ્ધિવાન ચાકર કોણ છે?

⁴⁶ જેને તેનો ઘણી આવીને એમ કરતો દેખશે તે ચાકરને ધન્ય છે.

⁴⁷ હું તમને ખચિત કહું છું કે, તે તેને પોતાની બધી સંપતિઓ કારભારી ઠરાવશે.

⁴⁸ પણ જો તે ભુંડો ચાકર પોતાના મનમાં કહેશે કે, મારો ઘણી આવતાં વાર લગાડે છે;

⁴⁹ ને તે બીજા ચાકરોને મારવા તથા છાકટાઓની સાથે ખાવા તથા પીવા લાગશે,

⁵⁰ તો જે દહાડે તે તેની વાત જોતો નથી, ને જે ઘડી તે જાણતો નથી, તેમાં તે ચાકરનો ઘણી આવશે;

⁵¹ ને તેને કાપી નાખશે, ને તેનો ભાગ ઢોંગીઓની સાથે ઠરાવશે; ત્યાં રડવું ને દાંત પીસવું થશે.