¹ અને સર્વ ઇસ્રાએલે હેબ્રોનમાં દાઉદની પાસે એકઠા થઈને કહ્યું કે, જો, અમે તારાં હાડકાં તથા તારૂં માંસ છીએ.

² ગતકાળમાં શાઉલ રાજા હતો ત્યારે પણ ઇસ્રાએલને બહાર લઇ જનાર તથા અંદર લાવનાર તુંજ હતો; ને તારા દેવ યહોવાહે તને કહ્યું હતું કે, તું મારા ઇસ્રાએલ લોકનું પાળણ કરશે, ને તુંજ મારા ઇસ્રાએલ લોકો પર અધિકારી થશે.

³ એમ ઇસ્રાએલના સર્વ વડીલો હેબ્રોનમાં રાજા પાસે આવ્યા; ને દાઉદે હેબ્રોનમાં યહોવાહની સમક્ષ તેઓની સાથે કરાર કીધો; ને શમૂએલની હસ્તક અપાયલા યહોવાહના વચન પ્રમાણે તેઓએ દાઉદને ઇસ્રાએલ પર રાજા તરીકે અભિષિક્ત કીધો.

⁴ અને દાઉદ તથા સર્વ ઇસ્રાએલ યરૂશાલેમમાં એટલે યબૂસમાં ગયા; ને દેશના રહેવાસી યબૂસીઓ ત્યાં હતા.

⁵ અને યબૂસના રહેવાસીઓએ દાઉદને કહ્યું કે, તારે અહીં આવવું નહિ, તો પણ દાઉદે સિયોનનો કિલ્લો લીધો; તેજ દાઉદનું નગર છે.

⁶ અને દાઉદે કહ્યું કે, જે કોઇ યબૂસીઓને પ્રથમ મારશે, તે મુખ્ય તથા સેનાપતિ થશે. અને સરૂયાહનો પત્ર યોઆબ પ્રથમ ચઢી ગયો, ને મુખ્ય ઠર્યો.

⁷ અને દાઉદ કિલ્લામાં રહ્યો; એ માટે તેઓએ તેનું નામ દાઉદનું નગર એવું પાડ્યું.

⁸ ને તેણે ચોતરફ નગર બાંધ્યું, મિલ્લોથી માંડીને ચોતરફ; ને યોઆબે બાકીના નગરને સમાર્યું.

⁹ અને દાઉદ વધારે ને વધારે મોટો થતો ગયો; કેમકે સૈન્યનો યહોવાહ તેની સાથે હતો.

¹⁰ હવે આ દાઉદના મુખ્ય યોદ્ધાઓ છે, કે જેઓ, ઇસ્રાએલ વિષે યહોવાહના વચન પ્રમાણે તેને રાજા કરવા માટે ઇસ્રાએલની સાથે મક્કમપણે તેના રાજ્યમાં તેની કુમકે રહ્યા.

¹¹ અને દાઉદના યોદ્ધાઓની ગણત્રી આ છે; એટલે હાખ્મોનીનો પુત્ર યશોબઆમ, એ ત્રાસનો મુખ્ય; તેણે પોતાની બરછી ત્રણસેંની વિરુદ્ધ ઉઠાવીને તેઓને એકી વખતે મારી નાખ્યા.

¹² અને તેથી ઉતરતો આહોહી દોદોનો પુત્ર એલઆઝાર હતો, ને તે ત્રણ યોદ્ધાઓમાંનો એક હતો,

¹³ તે પાસ-દામ્મીમમાં દાઉદની સાથે હતો, ને ત્યાં જવના ખેતરમાં પલિસ્તીઓ લડાઈને સારૂ એકઠા થયા હતા, ને લોક પલિસ્તીઓની આગળથી નાસતા હતા.

¹⁴ અને તેઓએ તે ખેતરની મધ્યે ઉભા રહીને તેનો બચાવ કીધો, ને પલિસ્તીઓને મારી નાખ્યા; ને યહોવાહે મોટો જયથી તેઓનો બચાવ કીધો.

¹⁵ અને ત્રીસ મુખ્યોમાંના ત્રણ દાઉદની પાસે અદુલ્લામની ગુફામાં ગઢ આગળ જઈ પહોંચ્યા; ને પલિસ્તીઓના સૈન્યે રફાઈમના મેદાનમાં છાવણી કરેલી હતી.

¹⁶ ને દાઉદ તે વેળા ગઢમાં હતો, ને પલિસ્તીઓનું થાણું બેથલેહેમમાં હતું.

¹⁷ અને દાઉદે તલપ તલપ થઈને કહ્યું કે, કોઇ મને બેથલેહેમના દરવાજા પાસેના કુવાનું પાણી પાય તો કેવું સારૂ!

¹⁸ ને પલિસ્તીઓની છાવણીમાં પેલા ત્રણે ઘસી જઈને તે દરવાજા પાસેના બેથલેહેમના કુવામાંથી પાણી કાઢ્યું, ને તે દાઉદની પાસે લઇ આવ્યા; પણ દાઉદે તે પીવા ઈચ્છતો નહોતો, પણ યહોવાહની આગળ તે રેડીને,

¹⁹ તેણે કહ્યું કે, મારો દેવ મને એવું કરવા ન દો; આ પુરૂષો જેઓએ પોતાનો જીવ જોખમમાં નાખ્યા છે તેઓનું લોહી શું હું પીઉં? કેમકે તેઓ તો પોતાનો જીવનો જોખમે તે લાવ્યા છે, એ માટે તે પીવાને રાજી ન હોતો . એ ત્રણ યોદ્ધાઓએ એ કાર્ય કીધાં.

²⁰ અને યોઆબનો ભાઇ આબ્શાય તે ત્રણમાંનો મુખ્ય હતો; કેમકે તેણે પોતાની બર્છી ત્રણસેં વિરુદ્ધ ઉઠાવીને તેઓને માર્યા, ને ત્રણમાં નામ મેળવ્યું.

²¹ એ ત્રણેમાં બાકીના બેઉથી તે વધારે નામીચો હતો, ને તે તેઓનો ઉપરી થયો; તો પણ તે પહેલાં ત્રણની બરોબરી કરી શક્યો નહિ.

²² કાબ્સએલના પરાક્રમી કૃત્યો કરનાર શૂર પુરૂષના પુત્ર યહોયાદાનો પુત્ર બનાયાહ, એણે મોઆબી અરીએલના બે પુત્રોને મારી નાખ્યા; વળી એણે જઈને હીમની રૂતુમાં ગુફાની મધ્યે એક સિંહને મારી નાખ્યો;

²³ ને એણે એક મોટા કદાવર પાંચ હાથના મિસરી પુરૂષને મારી નાખ્યો; ને તે મિસરીના હાથમાં વણકરની તોરના જેવી એક બરછી હતી; ને એ લાકડી લઈને તેની પાસે જઈ પહોંચ્યો, ને બરછી મિસરીના હાથમાંથી છિનવી લઈને તેનીજ બરછીથી તેને મારી નાખ્યો,

²⁴ યહોયાદાના પુત્ર બનાયાહે એ કાર્ય કીધાં, ને એ ત્રણ યોદ્ધાઓમાં તે નામાંકિત થયો,

²⁵ જુઓ, તે ત્રીસ કરતાં વધારે નામીચો હતો, પણ તે પહેલાં ત્રણની બરોબરી કરી શક્યો નહિ; અને દાઉદે તેને પોતાની રક્ષકટોળીનો ઉપરી ઠરાવ્યો.

²⁶ વળી સૈન્યના યોદ્ધાઓ પણ હતા; એટલે યોઆબનો ભાઇ અસાહેલ, બેથલેહેમનો દોદોના પુત્ર એલ્હાનાન;

²⁷ શામ્મોથ હરોરી, હેલેસ પલોની;

²⁸ તકોઈ ઇક્કેશનો પુત્ર ઇરા, અબીએઝેર અનાથોથી;

²⁹ સિબ્બ્ખાય હુશાથી, ઇલાય અહોહી;

³⁰ માહરાય નાટોફાથી, નાટોફાથી બાઆનાહનો પુત્ર હેલેદ;

³¹ બિન્યામીનપુત્રોના ગિબઆહના રીબાયનો પુત્ર ઇથાય, બનાયાહ પિરઆથોની;

³² ગાઆશનાં નાળાંવાળો હૂરાય, અબીએલ આર્બાથી;

³³ આઝ્માવેથ બાહરૂમી, એલ્યાહબા શાઆલ્બોની;

³⁴ ગીઝોની હાશેમના પુત્રો, હારારી શાગેનો પુત્ર યોનાથાન;

³⁵ હારારી સાખારનો પુત્ર અહીઆમ, ઉરનો પુત્ર અલીફાલ;

³⁶ હેફેર મખેરાથી, અહીયાહ પલોની;

³⁷ હેસ્રો કાર્મેલી, અઝ્બાયનો પુત્ર નાઅરાય;

³⁸ નાથાનનો ભાઇ યોએલ, હાગ્રીનો પુત્ર મિબ્હાર;

³⁹ સેલેક આમ્મોની, સરૂયાહના પુત્ર યોબાબનો શાસ્ત્રધાર નાહરાય બેરોથી;

⁴⁰ ઇરા યિથ્રો, ગારેબ યિથ્રી;

⁴¹ ઉરીયાહ હિત્તી, આહલાયનો પુત્ર ઝાબાદ;

⁴² રેઉબેની શીઝાનો પુત્ર અદીના, રેઉબેનીઓનો મુખ્ય, ને તેની સાથે ત્રીસ હતા.

⁴³ માઆખાહનો પુત્ર હાનાન, ને યોશાફાટ મિથ્ની;

⁴⁴ ઉઝઝીયા આશ્તરાતી, અરોએરી હોથામના પુત્ર શામા તથા યેઇએલ;

⁴⁵ શિમ્રીનો પુત્ર યદીઅએલ, ને તેનો ભાઇ યોહા તીસી;

⁴⁶ અલીએલ માહવી, ને એલ્નાઆમના પુત્ર યરીબાય તથા યોશાવ્યાહ, ને યિથ્માહ મોઆબી;

⁴⁷ અલીએલ, તથા ઓબેદ, તથા યાઅસીએલ મસોબાયી.