¹ હવે પલિસ્તીઓએ ઇસ્રાએલની સામે યુદ્ધ કીધું; ને ઇસ્રાએલના પુરૂષો પલિસ્તીઓની આગળથી નાઠા, ને ગિલ્બોઆ પર્વત પર કાપી નંખાયા.

² અને પલિસ્તીઓ શાઉલની તથા તેના પુત્રોની પાછળ લગોલગ લાગ્યા, ને પલિસ્તીઓએ શાઉલના પુત્ર યોનાથાનને તથા અબીનાદાબને તથા માલ્કી-શુઆને માર્યા.

³ અને શાઉલની સામે યુદ્ધ દારૂણ મચ્યું, ને ધનુર્ધારીઓએ તેને પકડી પાડ્યો, ને ધનુર્ધારીઓએ તેને ઘાએલ કીધો.

⁴ ત્યારે શાઉલે પોતાના શાસ્ત્રધારને કહ્યું કે, તારી તરવાર તાણીને મને વિંધી નાખ, રખે એ બેસુન્નતીઓ આવીને મારૂં અપમાન કરે. પણ તેના શાસ્ત્રધારે ના પાડી; કેમકે તે ઘણો બિહીધો. માટે શાઉલ તેની તરવાર લઈને તે પર પડ્યો.

⁵ અને શાસ્ત્રધારે જોયું કે શાઉલ મરણ પામ્યો છે, ત્યારે તે પણ પોતાની તરવાર પર પડીને મારી ગયો.

⁶ એમ શાઉલ તથા તેના ત્રણ પુત્રો મરણ પામ્યા; ને તેનું આખું ઘર સાથે મરણ પામ્યું.

⁷ અને મેદાનમાં જે ઇસ્રાએલના માણસો હતા તે સર્વેએ જોયું કે તેઓ નાઠા છે, ને શાઉલ તથા તેના પુત્રો માર્યા ગયા છે, ત્યારે તેઓ પોતાનાં નગરો તજી દઈને નાસી ગયા; ને પલિસ્તીઓ આવીને તેઓમાં રહ્યા.

⁸ અને તેને બીજે દિવસે એમ થયું, કે પલિસ્તીઓ ઘવાએલાઓને લૂટવા સારૂ આવ્યા, ત્યારે શાઉલ તથા તેના પુત્રો ગિલ્બોઆ પર્વત પર પડેલા તેઓને મળ્યા.

⁹ અને તેઓએ તેની ઉપરથી સઘળું ઉતારી લીધું, ને તેનું માથું તથા તેનું કવચ લીધાં, ને તેઓએ પોતાની મૂર્તિઓને તથા લોકોને વધામણી આપવા સારૂ ચારોગમ પલિસ્તીઓના દેશમાં સંદેશિયા મોકલ્યા.

¹⁰ અને તેઓએ તેનું કવચ પોતાના દેવોના ઘરમાં મૂક્યું, ને દગોનના ઘરનાં તેનું માથું ટાંગ્યું.

¹¹ અને પલિસ્તીઓએ જે સર્વ શાઉલને કર્યું હતું તે યાબેશ-ગિલઆદના સઘળાઓએ સાંભળ્યું,

¹² ત્યારે સર્વ શૂરવીર પુરૂષોએ ઉઠીને શાઉલની લાસ તથા તેના પુત્રોની લાશે લીધા ને તેમને યાબેશમાં આણી, ને યાબેશના આલોન ઝાડ તળે તેઓનાં હાડકાં દાટ્યા, ને સાત દિવસ સુધી ઉપવાસ કર્યો.

¹³ એમ શાઉલે યહોવાહનું વાચા ન પાળવાથી જે ઉલ્લંઘન તેણે યહોવાહ વિરુદ્ધ કર્યું હતું, ને વળી ખબર મેળવવા માટે યહોવાહને ન પૂછતાં ભૂતવૈધની સલાહ લીધી હતી, તેને લીધે તે મરણ પામ્યો;

¹⁴ તે માટે એણે તેને મારી નાખ્યો, ને રાજ્યને ફેરવીને યીશાઇના દીકરા દાઉદના હાથમાં આપ્યું.