¹ એમ સર્વ ઇસ્રાએલની ગણત્રી વંશાવળી પ્રમાણે કરવામાં આવી; ને જુઓ, તેઓ ઇસ્રાએલના રાજાઓના પુસ્તકમાં નોંધેલા છે; ને યહુદાહ પોતાના ઉલ્લંઘનને લીધે બાબેલમાં કેડી તરીકે લઇ જવાયા હતા.

² હવે તેઓનાં નગરોમાં તેઓનાં વતનમાં પહેલાં રહેનાર તે ઇસ્રાએલીઓ, યાજકો, લેવીઓ, તથા નથીનીમ હતા

³ અને યહુદાહના પુત્રોમાંના તથા બિન્યામીનના પુત્રોમાંના તથા એફ્રાઈમ તથા મનાશ્શેહના પુત્રોમાંના જે યરૂશાલેમમાં રહેતા હતા તેઓ આ છે;

⁴ યહુદાહના પુત્ર પેરેસના વંશજોમાંથી બાનીના પુત્ર ઇમ્રીના પુત્ર ઓમ્રીના પુત્ર આમ્મીહૂદનો પુત્ર ઉથાય.

⁵ અને શીલોનીઓમાં; તેનો જ્યેષ્ઠ પુત્રી અસાયાહ તથા તેનો પુત્રો.

⁶ અને ઝેરાહના પુત્રોમાંના; યેઉએલ તથા તેઓના ભાઈઓ, છસેં ને નેવુ.

⁷ અને બિન્યામીનના પુત્રોમાંના, હાસ્સેનુઆહના પુત્ર હોદાવ્યાહના પુત્ર મશુલ્લામનો પુત્ર સાલ્લૂ;

⁸ ને યરોહામનો પુત્ર યિબ્નયાહ; ને મિખ્રીના પુત્ર ઉઝઝીનો પુત્ર એલાહ; ને યિબ્નીયાહના પુત્ર રેઉએલના પુત્ર શફાટયાહનો પુત્ર મશુલ્લામ;

⁹ ને તેઓની વંશાવળીઓ પ્રમાણે તેઓના ભાઈઓ નવસે ને છપ્પન. એ સર્વ પુરૂષો પોતાના પિતૃઓના ઘરો પ્રમાણી પિતૃઓના ઘરોના મુખ્યો હતા.

¹⁰ અને યાજકોમાંના; યદાયાહ તથા યહોયારીબ તથા યાખીન;

¹¹ ને અહીટૂબના પુત્ર મરાયોથના પુત્ર સાદોકના પુત્ર મશુલ્લામના પુત્ર હિલ્કીયાહનો પુત્ર અઝાર્યાહ દેવના ઘરનો કારભારી;

¹² ને માલ્કીયાહના પુત્ર પાશ્હૂરના પુત્ર યરોહામનો પુત્ર અદાયાહ; ને ઇમ્મેરના પુત્ર મશિલ્લેમીથના પુત્ર મશુલ્લામના પુત્ર યાહઝેરાહના પુત્ર અદીએલનો પુત્ર માઅસાય;

¹³ ને તેઓના ભાઈઓ, પોતાના પિતૃઓના ઘરના મુખ્યો, એક હજાર સાતસે ને સાઠ હતા; તેઓના દેવના ઘરની સેવાના કામ સારૂ ઘણા કુશળ પુરૂષો હતા.

¹⁴ અને લેવીઓમાંના એટલે મરારીના પુત્રોમાંના; હશાબ્યાહના પુત્ર અઝીકામના પુત્ર હાશ્શૂબનો પુત્ર શમાયાહ;

¹⁵ ને બાકબાક્કાર, હેરેશ તથા ગાલાલ, ને આસાફના પુત્ર ઝિખ્રીના પુત્ર મીખાનો પુત્ર માત્તાન્યાહ;

¹⁶ ને યદૂથૂનના પુત્ર ગાલાલના પુત્ર શમાયાહનો પુત્ર ઓબાદ્યાહ, ને એલ્કાનાહના પુત્ર આસાનો પુત્ર બેરેખ્યાહ, તેઓ નાટોફાથીઓનાં ગામોના રહેવાસીઓ હતા.

¹⁷ અને દ્વારપાળો; શાલ્લુમ તથા આક્કૂબ તથા ટાલ્મોન તથા અહીમાન તથા તેઓના ભાઈઓ; શાલ્લુમ મુખ્ય હતો;

¹⁸ તે ત્યાં લગી રાજાના પૂર્વ ગમના દરવાજાનો રક્ષક હતો; તેઓ લેવી પુત્રોની છાવણીને માટે દ્વારપાળો હતા.

¹⁹ અને કોરાહના પુત્ર એબ્યાસાફના પુત્ર લોરેનો પુત્ર શાલ્લુમ, ને તેના બાપના ઘેરના તેના ભાઈઓ, એટલે કોરાહીઓ, સેવાના કામ પર હતા, મંડપના દ્વારપાળો હતા; ને તેઓના પિતૃઓ યહોવાહની છાવણીનું નાકું સંભાળનારા હતા.

²⁰ ને ગતકાળમાં એલઆઝારનો પુત્ર ફીનહાસ તેઓનો ઉપરી હતો, ને યહોવાહ તેની સાથે હતો.

²¹ મશેલેમ્યાહનો પુત્ર ઝખાર્યાહ મુલાકાતમંડપનો દ્વારપાળ હતો.

²² એ સર્વ જે દરવાજા ઉપર દ્વારપાળ તરીકે પસંદ કરાએલા હતા તેઓ બસેં ને બાર હતા. એ પોતાની ગામોમાં પોતાની વંશાવળી પ્રમાણે ગણાયા હતા, તેઓને દાઉદે તથા શમૂએલ ભવિષ્યદર્શકે તેઓના મુકરર કીધેલા કામ પર નિમ્યા.

²³ એમ તેઓનું તથા તેઓના પુત્રોનું કામ યહોવાહના ઘરનાં દ્વારોની, એટલે મંડપના ઘરની, જિલ્લાવાર ચોકી કરીન સંભાળ રાખવાનું હતું.

²⁴ ચારે બાજુએ દ્વારપાળો હતા, એટલે પૂર્વ, પશ્ચિમ, ઉત્તર તથા દક્ષિણ ગમ.

²⁵ અને તેઓના જે ભાઈઓ તેઓના ગામોમાં હતા, તેઓને સાત સાત દિવસને આંતરે વારાફરતી તેઓની સાથે સામેલ થવા સારૂ આવવાનું હતું;

²⁶ કેમકે ચાર મુખ્ય દ્વારપાળો જે લેવીઓ હતા, તેઓ અમુક કામ પર હતા, અને દેવના ઘરની ઓરડીઓ પર તથા ભંડારો પર નીમેલાં હતા.

²⁷ અને તેઓ દેવના ઘરની આસપાસ રહેતા હતા, કેમકે તે તેમના હવાલામાં હતું, ને દર સવારે તેને ઉઘાડવાનું કામ તેઓનું હતું.

²⁸ અને તેઓમાંના કેટલાએકના હવાલામાં સેવાનાં પાત્રો હતા; કેમકે તેઓને ગણીને બહાર લઇ જતાં, ને ગણીને તેઓને માંહે લાવતા.

²⁹ વળી તેઓમાંના કેટલાક રાચરચીલા પર તથા પવિત્રસ્થાનનાં સર્વ પાત્રો પર તથા મેંદા પર તથા દ્રાક્ષરસ તથા તેલ તથા લોબાન તથા સુગંધીઓ પર નિમાયલા હતા.

³⁰ અને યાજકના પુત્રોમાંના કેટલાએક સુગંધીઓની મેળવણી તૈયાર કરનારા હતા.

³¹ અને શાલ્લુમ કોરાહીનો જ્યેષ્ઠ પુત્ર માત્તિથ્યાહ, જે એક લેવી હતો, તેનું મુકરર કીધેલું કામ તવાઓ પર શેકાયલી ચીજો સંભાળી રાખવાનું હતું.

³² અને કહાથીઓના પુત્રોમાંના, તેઓના કેટલાક ભાઈઓ, અર્પેલી રોટલી દર વિશ્રામવારે તૈયાર કરવાના કામ પર હતા.

³³ અને આ ગવૈયાઓ હતા, તેઓ લેવીઓના પિતૃઓના ઘરોના મુખ્યો હતા, ને તેઓ ઓરડાઓમાં રહેતા હતા, ને તેઓ બીજા કામથી મુક્ત હતા, કેમકે તેઓ રાત દહાડે તેમના કામમાં ગુંથાયલા રહેતા હતા.

³⁴ એ લેવીઓના પિતૃઓના ઘરોના મુખ્યો હતા, એટલે પોતાની સર્વ પેઢીઓમાં મુખ્ય પુરુષો હતા; એ યરૂશાલેમમાં રહેતા હતા.

³⁵ અને ગિબઓનના બાપ યેઇએલ ગિબઓનમાં રહેતો હતો, ને તેની સ્ત્રીનું નામ માઅખાહ હતું.

³⁶ આબ્દોન તેનો જ્યેષ્ઠ પુત્ર, તથા સૂર, તથા કીશ તથા બઆલ તથા નેર તથા નાદાબ,

³⁷ તથા ગાદોર તથા આહ્યો તથા ઝખાર્યાહ તથા મિલ્કોથ હતા.

³⁸ અને મિલ્કોથથી શિમઆમ થયો; ને તેઓ પણ પોતાના ભાઇઓની સાથે, પોતાના ભાઇઓની સામે, યરૂશાલેમમાં રહેતા હતા.

³⁹ અને નેરથી કીશ થયો; ને કીશથી શાઉલ થયો; ને શાઉલથી યોનાથાન તથા માલ્કી-શૂઆ તથા અબીનાદાબ તથા એશ્બઆલ થયા.

⁴⁰ અને યોનાથાનનો પુત્ર મરીબ-બઆલ હતો; ને મારીબ-બઆલથી મિખાહ થયો.

⁴¹ અને મીખાહના પુત્રો; પીથોન તથા મેલેખ તથા તાહરેઆ તથા આહાઝ.

⁴² અને આહાઝથી યારાહ થયો; ને યારાહથી આલેમેથ તથા આઝ્માવેથ તથા ઝિમ્રી થયા; ને ઝિમ્રીથી મોસા થયો;

⁴³ ને મોસાથી બિનઆ થયો; ને તેનો પુત્ર રફાયાહ, તેનો પુત્ર એલઆસાહ, તેનો પુત્ર આસેલ;

⁴⁴ ને આસેલને છ પુત્રો હતા, ને તેઓનાં નામ આ છે; આઝ્રીકામ, બોખરૂ, તથા ઇશ્માએલ તથા શઆર્યાહ તથા ઓબાદ્યાહ તથા હાનાન; એ આસેલના પુત્રો હતા.