² તમે જાણો છો કે, તમે વિદેશી હતા, ત્યારે જેમ દોરાયા તેમ મુંગી મૂર્તિઓ કને દોરાઇ જતા હતા.

³ માટે હું તમને જણાવું છું કે, કોઇ માણસ, દેવના આત્માથી બોલીને ઇસુને શાપપાત્ર કહેતો નથી; ને કોઇ માણસ, પવિત્ર આત્મારહિત, ઇસુ પ્રભુ છે, એમ કહી શકતો નથી.

⁴ પણ કૃપાદાનો અનેક પ્રકારનાં છે, તોપણ આત્મા એકનોએક;

⁵ ને સેવા અનેક પ્રકારની છે, પણ પ્રભુ એકનોએક.

⁶ અને કાર્યો અનેક પ્રકારના છે, પણ દેવ એકનોએક છે, તે સર્વમાં સર્વ કરાવે છે.

⁷ પણ આત્માની પ્રસિદ્ધતા પ્રત્યેકને ઉપયોગને સારૂ અપાએલી છે.

⁸ કેમકે એકને આત્માથી જ્ઞાનની વાત અપાઇ છે; ને બીજાને એજ આત્માથી વિદ્યાની વાત;

⁹ ને બીજાને એજ આત્માથી વિશ્વાસ; ને બીજાને એજ આત્માથી સાજા કરવાનાં કૃપાદાન;

¹⁰ ને બીજાને ચમત્કારનાં કાર્યો; ને બીજાને ભવિષ્યવાદ; ને બીજાને આત્માઓને પારખી જાણવાનું; ને બીજાને જાતજાતની ભાષાઓ; ને બીજાને ભાષાઓનું વ્યાખ્યાન અપાયું છે.

¹¹ પણ એકજ તથા એજ આત્મા પોતાની ઇચ્છા પ્રમાણે પ્રત્યેકને વહેંચી એ સર્વ કરાવે છે.

¹² કેમકે જેમ શરીર એક છે, ને તેના અવયવો ઘણા છે, ને તે એક શરીરના અવયવો ઘણા છતાં પણ સર્વ મળીને એક શરીર છે, તેમ ખ્રીસ્ત પણ છે.

¹³ કેમકે આપણે યહુદી કે હેલેની, દાસો કે સ્વતંત્ર, સર્વ એક શરીરમાં એક આત્માથી બાપ્તિસ્મા પામ્યા; ને સર્વને એક આત્મા પીવાડવામાં આવ્યો છે.

¹⁴ અને શરીર તો એક અવયવ નથી, પણ ઘણા.

¹⁵ જો પગ કહે કે, હું હાથ નથી એ માટે હું શરીરનો નથી, તો તે કારણ માટે શું તે શરીરનો નથી?

¹⁶ અને જો કાન કહે કે, હું આંખ નથી માટે હું શરીરનો નથી, તો શું એ કારણ માટે તે શરીરનો નથી?

¹⁷ જો આખું શરીર આંખ હોત તો શ્રવણ ક્યાં હોત? જો આખું શરીર શ્રવણ હોત તો ઘ્રાણ ક્યાં?

¹⁸ પણ હવે દેવે અવયવોમાંના હરેકને જેમ ચાહ્યું તેમ શરીરમાં મુક્યો છે.

¹⁹ અને જો સર્વ એક અવયવ હોત, તો શરીર ક્યાં હોત?

²⁰ પણ હવે અવયવો ઘણા તો પણ શરીર એક છે.

²¹ આંખથી હાથને કહેવાતું નથી કે તારી અગત્ય નથી; અથવા ફરી માથાથી પગોને કહેવાતું નથી કે, મને તમારી અગત્ય નથી;

²² પણ શરીરના જે અવયવો ઘણા અબળ દીસે છે તેઓનો વિશેષ અગત્ય છે;

²³ ને શરીરના જે [ભાગો] અધમ દીસે છે તેઓને આપણે વધતું માન આપીએ છીએ; ન એમ આપણા કુરૂપ અવયવો વધારે સુરૂપ થાય છે.

²⁴ પણ જે સુરૂપ તેઓને અગત્ય નથી, પણ જેને ઓછું હતું તેને દેવે વધતું માન આપીને, શરીરને ગોઠવ્યું છે,

²⁵ એવું કે શરીરમાં ફૂટ ન હોય, પણ અવયવો એક બીજાની એક સરખી ચિંતા રાખે.

²⁶ અને જો એક અવયવ દુઃખી થાય, તો તેની સાથે સર્વ અવયવો દુઃખી થાય છે; જો એક અવયવને માન મળે, તો તેની સથે સર્વ અવયવો આનંદ કરે છે.

²⁷ હવે તમે ખ્રીસ્તનું શરીર, ને જૂદા જૂદા અવયવો છો.

²⁸ અને દેવે મંડળીમાં કેટલાએક મુક્યા છે, પ્રથમ પ્રેરિતો, બીજા ભવિષ્યવાદીઓ, ત્રીજા ઉપદેશકો, પછી ચમત્કારો, પછી સાજા કરવાનું કૃપાદાન, મદદગારો, અધિકારો, જાત જાતની ભાષાઓ.

²⁹ શું સઘળા પ્રેરિતો છે? શું સઘળા ભવિષ્યવાદીઓ છે? શું સઘળા ઉપદેશકો છે? શું સઘળા ચમત્કારો [કરનારા] છે?

³⁰ શું સઘળાને સાજા કરવાના કૃપાદાન છે? શું સઘળા ભાષાઓ બોલે છે? શું સઘળા વ્યાખ્યાન કરે છે?

³¹ તો સારાંજ કૃપાદાનો આસ્થાથી શોધો; તોપણ હું તમને એ કરતાં ઉત્તમ માર્ગ બતાવું છું.