² હવે તેના જ્યેષ્ઠ દીકરાનું નામ યોએલ હતું; ને બીજાનું નામ અબીયાહ હતું; બેરશેબામાં તેઓ ન્યાયાધીશ હતા.

³ અને તેના માર્ગોમાં તેના દીકરા ચાલ્યા નહિ; પણ દ્રવ્યલોભ તરફ ભટકી ગયા, ને તેઓએ લાંચ લઈને ન્યાયને ઉંધો વાળ્યો.

⁴ ત્યારે ઇસ્રાએલના સર્વ વડીલો એકઠા થયા, ને શમૂએલ પાસે રામાહ મધ્યે આવ્યા;

⁵ ને તેઓએ તેને કહ્યું, જો, તું વૃદ્ધ થયો છે, ને તારા દીકરા તારા માર્ગમાં ચાલતા નથી; માટે સર્વ દેશજાતિઓની પેઠે અમારો ન્યાય કરવા સારૂ અમને રાજા ઠરાવી આપ.

⁶ પણ જયારે તેઓએ કહ્યું કે, અમારો ન્યાય કરવા સારૂ અમને રાજા કરાવી આપ, ત્યારે એ વાતથી શમૂએલએ માઠું લાગ્યું અને શમૂએલે યહોવાહની પ્રાર્થના કીધી.

⁷ અને યહોવાહે શમૂએલને કહ્યું, લોકો જે સર્વ તને કહે છે તેમાં તેમનું કહેવું તું સાંભળ; કેમકે તેઓએ તને નકાર્યો નથી, પણ મને નકાર્યો છે કે હું તેઓ પર રાજ્ય કરૂં.

⁸ હું તેઓને મિસરમાંથી કાઢી લાવ્યો, તે દિવસથી આજ સુધી જે સર્વ કામ તેઓએ કીધા છે, એટલે મને છોડીને અન્ય દેવોની સેવા કીધો છે, તે પ્રમાણે તેઓ તારી સાથે કરે છે.

⁹ તો હવે તેઓનું કહેલું સાંભળ, તથાપિ ગંભીર રીતે તેમની આગળ વાંધો કાઢજે, અને તેઓ પર કેવા પ્રકારના રાજા રાજ્ય કરશે તે તેમને બતાવજે.

¹⁰ અને શમૂએલે, જે લોકો રાજા માગતા હતા, તેઓને યહોવાહના સર્વ વચનો કહ્યા.

¹¹ અને તેણે કહ્યું, જે રાજા તમારા ઉપર રાજ્ય કરશે તે આવો થશે; તે તમારા દીકરાઓને લઈને તેઓને પોતાના રથોને સારૂ, ને પોતાના સવારો થવા સારૂ રાખશે, ને તેઓ તેના રથ આગળ દોડશે.

¹² અને તે પોતાને વાસ્તે તેઓને હજાર હજારના સુબેદારો, ને પચાસ પચાસના સુબેદારોને બનાવશે; ને તે પોતાનાં ખેતરો ખેદ્વાને, ને પોતાની ફસલ કાપવાને, ને પોતાના યુદ્ધશસ્ત્રો, ને પોતાના રથોનો સામાન બનાવવાને કામે લગાડશે.

¹³ અને તે કંદોયણો, ને રસોઈએણો, ને ભઠિયારણો થવા સારૂ તમારી દીકરીઓ લેશે.

¹⁴ અને તમારા ખેતરો, ને તમારી દ્રાક્ષવાડીઓ, ને તમારી જૈતવાડીઓ, એટલે તેઓમાંથી જે ઉત્તમ તે લઈને પોતાના ચાકરોને આપશે.

¹⁵ અને તમારા દાણા ને તમારી દ્રાક્ષવાડીઓનો દસમો ભાગ લઈને પોતાના કારભારીઓને તથા પોતાના ચાકરોને આપશે.

¹⁶ અને તે તમારા દાસો, ને તમારી દાસીઓ, ને તમારા જુવાનોમાં જે ઉત્તમ, ને તમારાં ગધેડા, એઓને લઈને પતાના કામમાં લગાડશે.

¹⁷ તમારાં ઘેટાંનો દશમાંશ તે લેશે, ને તમે તેના દાસો થશો.

¹⁸ અને જે રાજા તમે તમારે સારૂં પસંદ કર્યો હશે તેના કારણથી તે દિવસે તમે બૂમ પાડશો, ને યહોવાહ તે દિવસે તમને ઉત્તર આપશે નહિ.

¹⁹ અને લોકોએ શમૂએલની વાણી માનવાને ના પાડી; ને તેઓએ કહ્યું, એમ નહિ; પણ અમારે અમારા ઉપર રાજા જોઈએજ;

²⁰ કે અમે પણ સર્વ દેશજાતિઓના જેવા થઈએ, અને અમારો રાજા અમારો ન્યાય કરે, ને અમારી આગળ ચાલે, ને અમારી લડાઈઓ લડે.

²¹ અને શમૂએલે લોકોનાં સર્વ શબ્દ સાંભળ્યા, ને તેણે તે ય્હોવાહના કાનમાં કહી સંભળાવ્યા.

²² અને યહોવાહે શમૂએલને કહ્યું, તેઓની વાણી સાંભળ, ને તેઓને સારૂ રાજા ઠરાવી આપ. અને શમૂએલે ઇસ્રાએલી માણસોને કહ્યું, તમે પોતપોતાના નગરમાં જાઓ.