¹ તો ભાઈઓ, છેલ્લું, પ્રભુ ઇસુમાં તમને વિનંતી તથા સુબોધ કરીએ છીએ કે, તમારે કેવી રીતે ચાલવું ને દેવે પ્રસન્ન કરવો, એ અમારાથી સાંભળ્યું તે પ્રમાણે જેમ તમે ચાલો છો, તેમ વધારે ને વધારે ચાલતા જાઓ.

² કેમકે અમે પ્રભુ ઇસુથી તમને કઈ કઈ આજ્ઞાઓ આપી તે તમે જાણો છો.

³ કારણ એ દેવની ઈચ્છા એવી છે કે, તમારું પવિત્રીકરણ થાય કે છિનાળાથી તમે દૂર રહો;

⁴ કે તમારામાંના હરેક, દેવને ન જાણનારા વિદેશીઓની પેઠે વિષયની ઈચ્છા નહિ,

⁵ પણ પવિત્રાઈમાં તથા માનમાં પોતાનું પાત્ર રાખી જાણે;

⁶ કે તે બાબતમાં કોઈ ઉલ્લંઘન કરીને પોતાના ભાઈને છેતરે નહિ, કારણ કે પ્રભુ એવા સઘળાને બદલો લેનાર છે, જેમ અમે અગાઉ પણ તમને કહ્યું ને પ્રમાણે આપ્યું તેમ.

⁷ કેમકે દેવે આપણને અશુદ્ધપણાને સારૂ નહિ, પણ પવિત્રાઈમાં તેડ્યા છે.

⁸ એ માટે જે અનાદર કરે છે તે તો માણસનો નહિ, પણ દેવ જે પોતાનો પવિત્ર આત્મા તમને આપે છે, તેનો અનાદર કરે છે.

⁹ પણ ભાઇ પરની પ્રીતિ વિષે કી તમારા પર લખે, ત=એની તમને કંઈ જરૂર નથી, કેમકે તમે પોતે એક બીજા પર પ્રેમ રાખવાને દેવથી શિખાવેલા છો.

¹⁰ અને આખા માકેદોન્યાના સઘળા ભાઈઓ પર તેમ એજ કરો છો; પણ ભાઈઓ, અમે તમને વિનંતી કરીએ છીએ કે, તમે વધારે ને વધારે કરો;

¹¹ ને જેમ અમે તમને આજ્ઞા આપી, તેમ શાંત રહેવાને તથા પોતપોતાનાંજ કામ કરવાને, તથા પોતાને હાથે ઉદ્યોગ કરવાને, તમે યત્ન કરો;

¹² એ સારૂ કે બહારનાઓની આગળ તમે સારી રીતે ચાલો, ને તમને કશાની અગત્ય ન રહે.

¹³ પણ, ભાઈઓ, ઉંઘી ગયલા વિષે તમે અજાણ્યા રહો એવી અમારી ઈચ્છા નથી, એ સારૂ કે બીજા જેઓને આશા નથી તેઓની પેઠે તમે ખેદ ન કરો.

¹⁴ જો આપણે વિશ્વાસ કરીએ છીએ કે, ઇસુ મરણ પામ્યો ને પાછો ઉઠ્યો, તો તેમજ ઇસુમાં જેઓ ઉંઘી ગયા તેઓને પણ દેવ તેની સાથે લાવશે.

¹⁵ કેમકે પ્રભુની વાતથી અને તમને કહીએ છીએ કે, કે પ્રભુના આવવાની વેળાએ આપણે જે જીવતા રહેનારા તે ઉંઘેલાઓની આગળ જનારા નથી.

¹⁶ કેમકે સાદથી, પ્રમુખ્ય દૂતની વાણીથી, તથા દેવના રણશિંગડાથી પ્રભુ પોતે આકાશથી ઉતરશે; ને ખ્રીસ્તમાં જેઓ મુએલા તેઓ પહેલે ઉઠશે.

¹⁷ પછી આપણ જીવતા રહેનારા ગગનમાં પ્રભુને મળવા સારૂ તેઓની અઠે વાદળોમાં તણાઈ જઈશું, ને તેમજ સદા પ્રભુની સાથે થઈશું.

¹⁸ તો એ વાતોથી એક બીજાને સુબોધ કરો.