¹ પણ ભાઈઓ, વખતો તથા સમયો વિષે તમને લખવું એની કંઈ તમને અગત્ય નથી.

² કેમકે તમે પોતે સારી પેઠે જાણો છો કે, જેમ રાતમાં ચોર એમ પ્રભુનો દિવસ આવે છે.

³ કેમકે જયારે તેઓ કહેશે કે, શાંતિ તથા કુશળતા છે ત્યારે જેમ ગર્ભવતીનું દુઃખ તેમ તેઓ પર અકસ્માત નાશ આવશે, ને તેઓ નહિજ બચશે.

⁴ પણ ભાઈઓ, તમે અંધારામાં નથી, કે તે દિવસ ચોરની પેઠે તમારા પર આવે.

⁵ તમે સઘળા અજવાળાના દીકરા તથા દહાડાના દીકરા છો; આપણે રાત તથા અંધકારનાં નથી.

⁶ એ માટે બીજાઓની પેઠે આપણે ઉંઘીએ નહિ, પણ જાગીએ તથા સાવધાન રહીએ.

⁷ કેમકે ઉંઘનારાઓ રાતમાં ઊંઘે છે, ને છાટકા રાતમાં છાટકા થાય છે.

⁸ પણ આપણે દહાડાના છીએ, માટે વિશ્વાસનું તથા પ્રેમનું બખતર, ને તારણની આશાનો ટોપ પહેરીને સાવધાન રહીએ.

⁹ કેમકે દેવે આપણને કોપનો સારૂ નહિ, પણ આપણા પ્રભુ ઇસુ ખ્રીસ્તથી તારણની પ્રાપ્તિને સારૂ ડરાવ્યા છે;

¹⁰ તે આપણે સારૂ મરણ પામ્યો, જે સારૂ કે આપણે જાગીએ કે ઉંઘીએ તો તેની સંઘાતે જીવીએ.

¹¹ માટે જેમ તમે કરો છો તેમજ અરસપરસ સુબોધ કરો, તથા એકબીજાને સ્થિર કરો.

¹² પણ, ભાઈઓ, અમે તમને વિનંતી કરીએ છીએ કે, જેઓ તમારામાં મહેનત કરે છે તથા પ્રભુમાં તમારા આગેવાન છે તથા તમને બોધ કરે છે તેઓને તને જાણો;

¹³ ને તેઓના કામને લીધે પ્રેમમાં તેઓને અતિ ઘણું માં આપો; તમે માહોમાંહે શાંતિમાં રહો.

¹⁴ અને ભાઈઓ, અમે તમને વિનંતી કરીએ છીએ કે, તમે અડીએલોને બોધ કરો, બીકણોને ઉત્તેજન આપો, અબળોને આધાર આપો, સઘળાની સાથે સહનશીલ થાઓ.

¹⁵ જુઓ, કે કોઈ કોઈને ભુંડાઇને બદલે ભુંડાઇ ન વાળે; પણ સદા એક બીજાનું તથા સઘળાનું સારૂં કરવાને યત્ન કરો.

¹⁶ સદા હરખાઓ.

¹⁷ જાથુ પ્રાર્થના કરો.

¹⁸ હરેક વાતમાં ઉપકારસ્તુતિ કરો, કેમકે તમારા વિષે ખ્રીસ્ત ઇસુમાં દેવની મરજી એવીજ છે.

¹⁹ આત્માને ન હોલવો.

²⁰ ભવિષ્યવાદોને તુચ્છ ન ગણો.

²¹ સઘળાંને પારખો, જે સારૂ તે ઝાલી રાખો.

²² હરેક પ્રકારની ભુંડાઈથી દૂર થાઓ.

²³ અને શાંતિનો દેવ પોતે તમને પુરા પવિત્ર કરો. અને આપણા પ્રભુ ઇસુ ખ્રીસ્તના આવવા સુધી તમારો આત્મા તથા પ્રાણ તથા શરીર સંપૂર્ણ [તથા] નિર્દોષ રખાઓ.

²⁴ તમારો તેડનાર જે વિશ્વાસુ છે, તે તે કરશે.

²⁵ ભાઈઓ, અમારે માટે પ્રાર્થના કરો.

²⁶ પવિત્ર ચુંબનથી સર્વ ભાઈઓને ક્ષેમ કુશળ કહેજો.

²⁷ હું તમને પ્રભુના સમ ઘાલું છું કે, આ પત્ર સઘળા પવિત્ર ભાઈઓને વાંચી સંભળાવવામાં આવે.

²⁸ આપણા પ્રભુ ઇસુ ખ્રીસ્તની કૃપા તમારા પર થાઓ. આમેન.