¹ હવે ભાઈઓ, આપણા પ્રભુ ઇસુ ખ્રીસ્તના આવવા તથા તેની પાસે આપણે એકઠા થવા વિષે, અમે તમને વિનંતી કરીએ છીએ કે,

² પ્રભુનો દહાડો જાણે હમણાંજ આવ્યો હોય તેમ તમે એકએક મનમાં ન ધુજો, ને ગભરાઓ ના, આત્માથી નહિ, વાતથી નહિ, ને અમારા [લખેલા] એવા પત્રથી નહિ.

³ કોઈ પ્રકારે કોઈ તમને ન ભુલાવે, કેમકે ત્યાર પહેલાં ધર્મત્યાગ થશે તથા પાપનું માણસ જે વિનાશનો દીકરો, તે પ્રગટ થશે;

⁴ તે અટકાવીને જે સર્વ દેવ અથવા પૂજ્ય કહેવાય છે તેઓ સામે પોતાને ઉંચો કરે છે, એવો કે પોતે દેવ છે એમ પોતાને દેખડાવતાં દેવના મંદિરમાં દેવ તરીકે બેસે છે.

⁵ શું તમને યાદ નથી કે, હું તમારી સાથે હતો, ત્યારે મેં એ વાતો તમને કહી હતી?

⁶ અને તે પોતાના વખતમાં પ્રગટ થાય, માટે શું અટકાવ કરે છે તે હવે તમે જાણો છો.

⁷ કેમકે અધર્મનો મર્મ હમણાં અસર કરે છે, પણ જે હાલ અટકાવનાર છે તે વચમાંથી કઢાય ત્યાં સુધી [અટકાવશે];

⁸ ને ત્યારે તે અધર્મી પ્રગટ થશે, જેમે પ્રભુ ઇસુ પોતાના મુખના શ્વાસથી તેનો સંહાર કરશે તથા પોતાના આવવાના પ્રકાશથી તેનો નાશ કરશે;

⁹ એટલે તેનો નાશ જેનું આવવું શેતાનના કરાવ્યા પ્રમાણે જુઠાઈનાં સર્વ પરાક્રમ તથા ચિન્હો તથ ચમત્કારો સાથે છે,

¹⁰ ને જેઓ નાશ પામે છે તેઓને સારૂ અન્યાયની સર્વ ઠગાઈ સાથે છે, કેમકે તેઓએ પોતાના તારણને અર્થે સત્યની પ્રીતિ પામી લીધી નહિ.

¹¹ અને તે માટે દેવ તેઓમાં ભ્રાંતિની ઉશ્કેરણી મોકલે છે કે, તેઓ તે જૂઠાઈ માને;

¹² એ સારૂ કે જેઓએ સત્ય પર વિશ્વાસ કીધો નથી, પણ અન્યાયમાં સંતોષી હતા, તે સઘળા પર દંડ ઠરાવાય.

¹³ પણ ભાઈઓ, પ્રભુથી પ્રીતિ પામેલા, તમારા વિષે સદા દેવની સ્તુતિ કરવાને અમે બંધાએલા છીએ, કેમકે આત્માના પવિત્રીકરણથી તથા સત્યના વિશ્વાસથી તારણને અર્થે દેવે તમને આરંભથી પસંદ કીધા છે.

¹⁴ અને સારૂ તેણે તમને આપણા પ્રભુ ઇસુ ખ્રીસ્તનો મહિમા પામવાને અર્થે અમારી સુવાર્તાથી તેડ્યા છે.

¹⁵ માટે, ભાઈઓ, સ્થિર રહો, ને જે સંપ્રદાય તને વાતથી કે અમારા પત્રથી શિખ્યા તે પકડી રાખો.

¹⁶ હવે આપણો પ્રભુ ઇસુ ખ્રીસ્ત પોતે તે દેવ આપણો બાપ, જેણે આપણા પર પ્રેમ કીધો, ને સર્વકાળનો દિલાસો ને સારી આશા કૃપાથી આપણને આપ્યાં,

¹⁷ તે તમારાં હૃદયને દિલાસો આપો, ને સર્વ સારાં કામમાં તથા વાતમાં તમને સ્થિર કરો.