¹ છેલ્લું, ભાઈઓ, અમારે માટે પ્રાર્થના કરો કે પ્રભુની વાત વેગે ચાલે ને મહિમાવાન થાય, જેમ તમારે ત્યાં થાય છે તેમ;

² અને કે અમે અડીએલ તથા દુષ્ટ માણસોથી બચાવ પામીએ; સઘળાને વિશ્વાસ નથી,

³ પણ પ્રભુ વિશ્વાસુ છે, તે તમને સ્થિર કરશે ને ભુંડાથી બચાવશે.

⁴ અને તમારા વિષે અમે પ્રભુમાં ભરોસો રાખીએ છીએ કે, જે આજ્ઞા અમે કરીએ છીએ તે તમે પાળો છો તથા પાળશો.

⁵ અને દેવના પ્રેમમાં તથા ખ્રીસ્તની ધીરજમાં પ્રભુ તમારાં હૃદયોને લાવો.

⁶ હવે, ભાઈઓ, આપણા પ્રભુ ઇસુ ખ્રીસ્તને નામે અમે તમને આજ્ઞા કરીએ છીએ કે, જે હરેક ભાઇ આડો ચાલે છે, ને અમારાથી પામેલા સંપ્રદાય પ્રમાણે ચાલતો નથી, તેનાથી તમે જુદા થાઓ.

⁷ કેમકે અમને કઈ રીતે અનુસરવા જોઈએ એ તમે પોતે જાણો છો; કેમકે અમે તમારામાં આડા ચાલ્યા નહોતા;

⁸ ને કોઈ માણસનું અન્ન અમે મફત ખાધું નહોતું; પણ તમારામાંના કોઈ પર ભાર ન મુકીએ, માટે રાત દહાડો મહેનત તથા કષ્ટથી કામ કીધું;

⁹ અમને અધિકાર નથી એમ નહિ, પણ તમે અમને અનુસરો માટે અમે તમને નમુનારૂપ થઈએ.

¹⁰ અને જયારે અમે તમારી પાસે હતા ત્યારે પણ આ અજ્ઞા કીધી કે, જો કોઈ માણસ કામ કરવા ન ઈચ્છે, તો તે ખાય પણ નહિ.

¹¹ કેમકે તમારામાંના કેટલાએક આડાપણાથી ચાલે છે, ને કંઈ કામ કરતા નથી પણ ઘાલમેલ કરે છે એવું સાંભળીએ છીએ.

¹² પણ એવાઓને આપણા પ્રભુ ઇસુ ખ્રીસ્તથી આજ્ઞા કરીએ છીએ તથા બોધ કરીએ છીએ કે, તેઓ શાંતિસહિત કામ કરીને પોતાનું અન્ન ખાય.

¹³ પણ, ભાઈઓ, તમે સારૂં કરતાં થાકશો ના.

¹⁴ અને જો કોઈ અમારી આ પત્રમાંની વાત ન માને, તો તેને ધારી રાખો ને તમે તેની સાથે મળતા ન રહો એ માટે કે તે શરમાય.

¹⁵ તોપણ તેને શત્રુ ન ગણો, પણ ભાઈ જાણીને તેને બોધ કરો.

¹⁶ હવે શાંતિનો પ્રભુ પોતે સદા સર્વ પ્રકારે તમને શાંતિ આપો. પ્રભુ તમ સર્વની સાથે થાઓ.

¹⁷ હું પાઉલનું પોતાને હાથે ક્ષેમ કુશળ, એ નિશાણી સર્વ પત્રમાં છે, એમ હું લખું છું.

¹⁸ આપણા પ્રભુ ઇસુ ખ્રીસ્તની કૃપા તમ સર્વ પર થાઓ.