¹ અને એ જાણે કે છેલ્લા દહાડાઓમાં સંકટના વખતો આવશે.

² કેમકે માણસો સ્વાર્થી, દ્રવ્યલોભી, આપવખાણિયા, ગર્વિષ્ઠ, નિંદક, માબાપને ન માનનારા, અનુપકારી, અશુદ્ધ,

³ અપ્રેમી, ક્રૂર, બટ્ટા મુકનારા, સ્વદમન ન કરનારા, નિર્દય, સુવાતદ્વેષી,

⁴ વિશ્વાસઘાતી, હઠીલા, ગર્વથી ફુલેલા, દેવ પર નહિ પણ વિલાસ ઉપર પ્રીતિ રાખનારા, સુભક્તિનું રૂપ દેખાડીને તેના પરાક્રમનો નકાર કરનારા એવા થશે; તેઓથી તું ફરી જા.

⁵ સુભક્તિનું રૂપ દેખાડીને તેના પરાક્રમનો નકાર કરનારા એવા થશે; તેઓથી તું ફરી જા.

⁶ કેમકે એઓમાંના એવા છે કે જેઓ ઘરમાં પેસીને જે અણસમજુ સ્ત્રીઓ, પાપથી લાદેલી, ઘણા પ્રકારની ઈચ્છાથી ચલાવાએલી,

⁷ હમેશાં શિખતી છતાં પણ સત્યનું જ્ઞાન પામી શક્તિ નથી, તેઓને વશ કરી લે છે.

⁸ અને જેમ જાન્નેસે તથા જામ્બ્રેસે મુસાને અટકાવ્યો, તેમ એ પણ સત્યને અટકાવે છે; એઓ મનમાં બગડેલા, વિશ્વાસ સંબંધી પતિત માણસ છે.

⁹ પણ એઓ બહુ આગળ ચાલવાના નથી; કેમકે જેમ તેઓનું મૂર્ખપણું પ્રગટ થયું, તેમ એઓનું પણ સઘળાની આગળ પ્રગટ થશે.

¹⁰ પણ મારો જે ઉપદેશ, આચરણ, ઠરાવ, વિશ્વાસ, સહનશીલપણું, પ્રેમ, ધીરજ,

¹¹ સતાવણી ને દુઃખો જેવાં કે અંત્યોખમાં, ઇકોનીમાં, લુસ્રામાં મને થયાં, ને સતાવણી જેવી મેં વેઠી તે બધામાં તું મારી પાછળ ચાલ્યો; પણ આ સઘળાં દુઃખોમાંથી પ્રભુએ મને છોડાવ્યો.

¹² અને જેઓ ખ્રીસ્ત ઇસુમાં સુભક્તિથી ચાલવા ઈચ્છે છે, તેઓ સઘળા સતાવણી પામશે.

¹³ પણ ભુંડા માણસ તથા ઘુતારાઓ ભુલવીને તથા ભુલીને ભુંડાઇમાં વધતા જાય છે.

¹⁴ પણ તું જે વાતો શિખ્યો ને જેનાં વિષે તારી ખાતરી થઇ છે તેઓમાં રહે; કેમકે કોણથી શિખ્યો એ તને માલમ છે;

¹⁵ ને એ પણ કે બાળપણથી પવિત્રશાસ્ત્ર તું જાણે છે, તે ઇસુ ખ્રીસ્ત પરના વિશ્વાસથી તારણને સારૂ તને જ્ઞાન આપી શકે છે.

¹⁶ હરેક શાસ્ત્ર જે દેવની પ્રેરણાથી અપાએલું છે, તે ઉપદેશ, નિષેદ, સુધારા, ન્યાયીપણાના શિક્ષણને સારૂ ઉપયોગી છે;

¹⁷ એ માટે કે દેવનું માણસ સંપૂર્ણ તથા સર્વ સારાં કામને સારૂ તૈયાર થાય.