¹ માટે મારા દીકરા, ખ્રીસ્ત ઇસુમાં જે કૃપા તેમાં તું સમર્થ થા.

² અને જે વાતો ઘણા શાહેદોની આગળ તે મારી પાસેથી સાંભળી તે, જે વિશ્વાસુ માણસો બીજાઓને પણ શિખવવા યોગ્ય થશે તેઓને સોંપી દે.

³ માટે ખ્રીસ્ત ઇસુના સારા સૈનિકની પેઠે તું મારી સાથે દુઃખ સહે.

⁴ કોઇ લડનાર સંસારી કામકાજમાં ગુંથાતો નથી, એ માટે કે તે સેનાપતિને સંતુષ્ટ કરે.

⁵ અને જો કોઇ પણ મલયુદ્ધ કરે, તો નિયમ પ્રમાણે મલયુદ્ધ કીધા વગર તે મુગટ પામતો નથી.

⁶ મહેનત કરનાર ખેડુતને પહેલાં ફળ મળવા જોઈએ.

⁷ હું જે કહું છું તેનો વિચાર કર; કેમકે સર્વ વિષે પ્રભુ તને સમજણ આપશે

⁸ ઇસુ ખ્રીસ્ત જે મારી સુવાર્તા પ્રમાણે મુએલાંમાંથી ઉઠાડ્યો [ને] દાઉદના સંતાનનો છે તેની યાદ રાખ;

⁹ જે [સુવાર્તા]ને સારૂ હું ભુંડું કરનારની પેઠે બંધન સુધી દુઃખ વેઠું છું; પણ દેવની વાત બંધ થઇ નથી.

¹⁰ તે માટે હું પસંદ કરેલાઓને સારૂ સઘળાં સહું છું, કે ખ્રીસ્ત ઇસુમાં જે તારણ તે અનંત મહિમાની સાથે તેઓ પામે.

¹¹ આ વિશ્વાસુ વાત છે-કેમકે જો આપણે તેની સાથે મુઆ, તો તેની સાથે જીવીશું;

¹² જો સહીએ તો તેની સાથે રાજ્ય પણ કરીશું; જો તેણે નકારીશું તો તે આપણને પણ નકારશે;

¹³ જો આપણે અવિશ્વાસી હોઈએ તોપણ તે વિશ્વાસુ રહે છે; તે પોતાને નકારી શકતો નથી.

¹⁴ તું આ વાતો તેઓને યાદ કરાવતાં પ્રભુ આગળ [તેઓને] એવો હુકમ કર કે, શબ્દવાદ જે કશામાં ગુણકારી નથી, પણ સાંભળનારાના બગાડને મટે છે, તે કોઈ ન કરે.

¹⁵ લજ્જાના કારણરહિત કામ કરનાર, સત્યની વાત બરાબર વહેંચનાર, દેવ આગળ પસંદ થએલો, એવો થવાને મહેનત કર.

¹⁶ પણ અધર્મી તથા અમથી વાતોથી અલગ રહે, કેમકે તેઓ અભક્તિમાં ઘણા વધતો જશે,

¹⁷ અને તેઓની વાત ધારાની પેઠે ખવાતી જશે, તેઓમાંના હુમનાયસ તથા ફીલેતસ છે,

¹⁸ પુનરુત્થાન થઇ ગયું છે એમ કહેતાં તેઓએ સત્ય વિષે ભૂલ ખાધી, ને કેટલાએકનો વિશ્વાસ તેઓ ઉલટાવી નાખે છે.

¹⁹ પણ દેવે કીધેલો પાયો સ્થિર રહે છે, તેણે આ મહોર છે કે, પ્રભુ પોતાના જે છે તેઓને જાણે છે, ને આ કે, જે કોઇ ખ્રીસ્તનું નામ લે છે તેણે ભુંડાઈથી દૂર થવું.

²⁰ પણ મોટા ઘરમાં કેવળ સોના તથા રૂપાનાં નહિ, પણ લાકડાંના તથા માટીનાં પાત્રો પણ હોય છે, ને કોઈ માનને સારૂ ને કોઇ અપમાનને સારૂ હોય છે.

²¹ એ માટે જો કોઇ તેઓથી પોતાને શુદ્ધ કરે, તો માનને સારું પવિત્ર કરેલું, સ્વામીને ઉપયોગી તથા સર્વ સારાં કામને સારૂ સિદ્ધ કરેલું પાત્ર તે થશે.

²² વળી જુવાનીના વિષયોથી નાસ, પણ પ્રભુનું નામ શુદ્ધ હૃદયથી લેનારાઓની સાથે ન્યાયીપણું, વિશ્વાસ, પ્રેમમ શાંતિની પાછળ લાગ.

²³ મૂર્ખ તથા અજ્ઞાન વાદોને તજ; એ જાણીને કે તેઓ વઢવાડ ઉપજાવે છે.

²⁴ પણ પ્રભુના દાસે વઢવાડ કરવી નહિ, પણ સઘળાની સાથે નમ્ર, શિખવી શકે એવો, સહનશીલ,

²⁵ અટકાવનારાઓને નમ્રતાથી સમજાવનાર થવો જોઈએ, કે કદાચ સત્ય જાણવા સારૂ દેવ તેઓને પસ્તાવો [કરવાનું મન] આપે;

²⁶ ને શેતાનથી જેઓ પકડાયા છે તેઓ સાવધ થઈને તેના ફાંદામાંથી દેવની ઈચ્છા પ્રમાણે છુટે.