¹ અને ઇબ્રાહીમે ફરી બાયડી કીધી, કે જેનું નામ કટૂરાહ હતું.

² અને તેને તેણીને પેટે ઝીમ્રાન તથા યોક્શાન તથા મદાન તથા મિદ્યાન તથા યીશ્બાક તથા શુઆહ, એ દીકરા થયા.

³ અને યોક્શાનથી શબા તથા દદાન થયા, ને આશૂરીમ તથા લટ્શીમ તથા લઉમીમ એ દદાનના દીકરા હતા;

⁴ ને એફાહ તથા એફેર તથા હનોખ તથા અબીદા તથા એલ્દાઆહ એ મીદ્યાનના દીકરા; એ સર્વ કટૂરાહના ફરજન હતા.

⁵ અને ઇબ્રાહીમે પોતાનું જે સર્વ હતું, તે ઇસ્હાકને આપ્યું.

⁶ પણ ઈબ્રાહીમની ઉપપત્નીના દીકરાઓને ઇબ્રાહીમે કંઈ બક્ષીસો આપીને તેઓને પોતાની હયાતીમાં પોતાના દીકરા ઇસ્હાક પાસેથી પૂર્વ ગામના દેશમાં મોકલી દીધા.

⁷ અને ઇબ્રાહીમે જે આયુષ્ય ભોગવ્યું તેના વર્ષ એક સૌ પંચોત્તેર હર્ષ હતા.

⁸ ત્યાર પછી ઇબ્રાહીમે પ્રાણ મુક્યો, અને ઘરડો તથા પાકી વયનો થઈને તે બહુ ઘડપણમાં મરણ પામ્યો; ને તે પોતાના પૂર્વજોની સાથે મળી ગયો.

⁹ અને તેના દીકરા ઇસ્હાકે તથા ઈશ્માએલે માખ્પેલાહની ગુફામા, એટલે મામ્રેની સામે સોહાર હિત્તીના દીકરા એફ્રોનના ખેતરમાં તેને દાટ્યો.

¹⁰ હેથના દીકરાઓ પાસેથી જે ખેતર ઇબ્રાહીમે વેચાતું લીધું હતું, તેમાં ઈબ્રાહીમ તથા તેની બાયડી સારાહ દટાયાં.

¹¹ અને એમ થયું કે ઈબ્રાહીમના મુઆ પછી તેના દીકરા ઇસ્હાકને દેવે આશીર્વાદ દીધો, ને ઇસ્હાક બેર-લાહાય-રોઈ પાસે રહ્યો.

¹² હવે ઇબ્રાહીમનો દીકરો ઈશ્માએલ જે સારહની દાસી હાગાર મિસરીને પેટે ઇબ્રાહીમથી જન્મ્યો હતો, તેની વંશાવળી.

¹³ અને ઈશ્માંએલના દીકરાઓના નામ પોતપોતાના નામ તથા પોતપોતાની પેઢીઓ પ્રમાણે આ છે, એટલે ઈશ્માએલનો પ્રથમજનિત નબાયોથ, પછી કેદાર તથા આદબએલ તથા મીબ્સામ,

¹⁴ ને મિશ્મા તથા દુમાહ તથા માસ્સા,

¹⁵ ને હદાદ તથા તેમા તથા યટુર તથા નાફીશ તથા કેદમાહ.

¹⁶ ઈશ્માએલના દીકરા એ, ને તેઓનાં ગામો તથા મુકામો પ્રમાણે તેઓનાં નામ એ હતાં, અને તેઓનાં કુળોના બાર સરદારો હતા.

¹⁷ અને ઈશ્માએલના આયુષ્યનાં વર્ષ એક સો સાડત્રીસ હતાં; ને તે પ્રાણ છોડીને મરી ગયો, ને તેના પૂર્વજોની સાથે મળી ગયો.

¹⁸ અને હવીલાહથી આશૂર જતાં મિસર દેશની સામેના શૂર લગી તેઓ વસ્યા હતા, ને તે પોતાના સર્વ ભાઈઓની સામે વસ્યો હતો.

¹⁹ અને ઈબ્રાહીમના દીકરા ઇસ્હાકની વંશાવળી આ છે; ઇબ્રાહીમથી ઇસ્હાક થયો.

²⁰ અને ઇસ્હાક અરામી લાબાનની બહેન પાદ્દ્નારામના અરામી બેથૂએલની દીકરી રિબકાહ સાથે પરણ્યો ત્યારે તે ચાળીસ વર્ષનો હતો.

²¹ ને ઇસ્હાકની બાયડી વાંઝણી હતી માટે તેને તેને સારૂ યહોવાહની પ્રાર્થના કીધી. અને યહોવાહે તે પ્રાર્થના માન્ય કીધી, ને તેની બાયડી રિબકાહ ગર્ભવતી થઇ.

²² અને છોકરાએ તેના પેટમાં બઝાબાઝ કીધી, ને તેણે કહ્યું, જો એમ છે, તો હું કેમ જીવતી છે? તે યહોવાહને પૂછવાને ગઈ.

²³ અને યહોવાહે તેને કહ્યું, “તારા પેટમાં બે કુળ છે, ને તારા પેટથીજ બે પ્રજાઓ ભિન્ન થશે; અને એક પ્રજા બીજી પ્રજા કરતાં બળવાન થશે, ને વડો નાનો દાસ થશે.”

²⁴ અને તેને જણવાના દહાડા પુરા થયા, ત્યારે જુઓ, તેના પેટમાં જોળ હતી.

²⁵ અને પહેલો લાલ નીકળ્યો, તે તમામ રૂઆંટીવાળા લૂગડા સરખો હતો, ને તેઓએ તેનું નામ એસાવ પાડ્યું.

²⁶ ત્યાર પછી તેનો ભાઈ એસાવની એડી હાથમાં પકડીને નીકળ્યો, ને તેનું નામ યાકૂબ પાડવામાં આવ્યું; ને તે તેઓને જણી, ત્યારે ઇસ્હાક સાઠ વર્ષનો હતો.

²⁷ અને તે છોકરા મોટા થયા, ને એસાવ ચતુર શિકારી તથા જંગલમાં ફરનાર માણસ હતો, પણ યાકૂબ સુંવાળો માણસ ને માંડવાઓમાં રહેનાર હતો.

²⁸ હવે ઇસ્હાક એસાવ પર પ્રીતિ કરતો હતો, કેમકે તેનો શિકાર તે ખાતો હતો; પણ રિબકાહ યાકૂબ પર પ્રીતિ કરતી હતી.

²⁹ હવે યાકૂબે શાક રાંધ્યું હતું, એવામાં એસાવ ખેતરમાંથી આવ્યો, ને તે થાકેલો હતો.

³⁰ અને એસાવ વિનંતી કરીને યાકૂબને કહ્યું, પેલા લાલ શાકમાંથી મને ખાવાને આપ, કેમકે હું નિર્ગત થયો છું; માટે તેનું નામ અદોમ કહેવાયું.

³¹ અને યાકૂબે કહ્યું, આજ તું પોતાનું જ્યેષ્ઠપણું અને વેચાતું આપ.

³² અને એસાવે કહ્યું કે, જો, હું મરવા પડ્યો છું, ને એ જ્યેષ્ઠપણું મને શા કામમાં આવવાનું?

³³ ને યાકૂબે કહ્યું, આજે મારી આગળ સમ ખા; ને તેણે તેની આગળ સમ ખાધા; ને પોતાનું જ્યેષ્ઠપણું યાકૂબને વેંચી દીધું.

³⁴ અને યાકૂબે એસાવને રોટલી તથા દાળનું બનાવેલું શાક આપ્યા; ને તેણે ખાધું પીધું, ને ઉઠીને ચાલ્યો ગયો. એમ એસાવે પોતાનું જ્યેષ્ઠપણું હલકું ગણ્યું.