¹ અને યુસફને મિસરમાં આણ્યો; ને ત્યાં જે ઈશ્માએલીઓ તેને લઈને ઉતારી ગયા, તેઓની પાસેથી પોટીફાર નામનો એક મિસરી જે ફારૂનનો એક અમલદાર તથા રક્ષકોનો સરદાર હતો તેણે તેને વેચાતો લીધો.

² અને યહોવાહ યુસફની સાથે હતો; ને તે ભાગ્યવાન હતો; ને તે પોતાના ઘણીના એટલે તે મિસરીના ઘરમાં રહ્યો.

³ અને તેના ઘણીએ જોયું, કે તેની સાથે યહોવાહ છે, ને તે જે કંઈ કરે છે તે તેના હાથમાં યહોવાહ સફળ કરે છે.

⁴ અને યુસફ તેની દ્રષ્ટિમાં કૃપા પામ્યો; ને તેણે તેની સેવા કીધી; ને તેણે તેને પોતાના ઘરનો કારભારી ઠરાવ્યો; ને પોતાનું જે સર્વ હતું તે તેના હાથમાં સોંપ્યું.

⁵ અને એમ થયું, કે તેણે પોતાના ઘરનો તથા પોતાની સર્વ મિલ્કતનો કારભારી તેને ઠરાવ્યો હતો, ત્યારથી યહોવાહે યુસફ્ને લીધે તે મિસરીના ઘરને આશીર્વાદ દીધો; ને ઘરમાં તથા ખેતરમાં જે સર્વ તેનું હતું તે પર યહોવાહનો આશીર્વાદ હતો.

⁶ અને તેણે પોતાનું જે સર્વ તેનું હતું તે યુસફના હાથમાં સોંપ્યું, ને તે જે અન્ન ખાતો તે વિના પોતાનું શું છે, એ કંઈ પણ તે જાણતો નહોતો. અને યુસફ સુંદર તથા રૂપાળો હતો.

⁷ અને ત્યાર પછી એમ થયું, કે તેના ઘણીની બાયડીએ યુસફ પર કુદૃષ્ટિ કરી, ને કહ્યું, મારી સાથે સુ.

⁸ પણ તેણે ના કહી, ને પોતાના ઘણીની બાયડીને કહ્યું, જો, ઘરમાં શું શું મારા હવાલામાં છે તે મારો ઘણી જાણતો નથી; ને તેણે પોતાનું જે સર્વ છે તે મારા હાથમાં સોંપ્યું છે.

⁹ આ ઘરમાં મારા કરતા કોઈ મોટો નથી; ને તેણે તારા વિના બીજું કંઇજ મારાથી પાછુ રાખ્યું નથી; કેમકે તું તેની બાયડી છે; માટે એવું મોટું કુકર્મ કરીને હું દેવનો અપરાધી કેમ થાઉં?

¹⁰ ને એમ થયું, કે રોજ રોજ તે યુસફ્ને એમ કહેતી હતી; પણ તેણે તેની સાથે સુવા વિષે તથા તેની પાસે રહેવા વિષે તેનું કહેવું સાંભળ્યું નહિ.

¹¹ અને આસરે તે સમયે એમ થયું, કે યુસફ પોતાના કામ કરવાને ઘરમાં ગયો, ને ઘરનું કોઈ માણસ ઘરમાં ન હતું.

¹² ત્યારે તેણીએ તેનું વસ્ત્ર પકડ્યું, ને કહ્યું, મારી સાથે સુ; પણ તે પોતાની વસ્ત્ર તેના હાથ્માંમુકી દઈને નાઠો ને બહાર નીકળી ગયો.

¹³ અને એમ થયું કે જયારે તેણે જોયું, કે તે પોતાની વસ્ત્ર તેના હાથમાં મૂકી દઈને ભાર્નાસી ગયો છે,

¹⁴ ત્યારે તેણે પોતાના ઘરમાંનાં માણસોને બોલાવ્યાં, ને તેઓને કહ્યું, જુઓ, આપણું અપમાન કરવાને તેણે આ હેબ્રી માણસને આપણી પાસે આણ્યો છે; ને તે મારી સાથે સુવાને મારે પાસે આવ્યો, ને મેં મોટે સાદે બૂમ પાડી.

¹⁵ અને એમ થયું કે મેં મોટે સાદે બૂમ પાડી, એ તેણે સાંભળ્યું, ત્યારે પોતાનું વસ્ત્ર મારી પાસે મૂકી દઈને નાઠો ને બહાર નીકળી ગયો.

¹⁶ અને તેનો ઘણી ઘરમાં આવ્યા સુધી તેણે તેનું વસ્ત્ર પોતાની પાસે રાખ્યું.

¹⁷ અને તેણે તેને એ પ્રમાણે કહ્યું કે, આ હેબ્રી દાસ જેને તું આપણે ત્યાં લાવ્યો છે, તે મારું અપમાન કરવાને પારી પાસે આવ્યો હતો.

¹⁸ અને એમ થયું કે મેં હાંક મારીને બૂમ પાડી, ત્યારે તે પોતાનું વસ્ત્ર મારી પાસે મૂકી દઈને નાસી ગયો.

¹⁹ અને એમ થયું કે જયારે તેના ઘણીએ પોતાની બાયડીની કહેલી વાત સાંભળી, કે તારા દાસે મને એમ કીધું, ત્યારે તેનો કોપ સળગી ઉઠ્યો.

²⁰ અને યુસફના ઘણીએ તેને પકડ્યો, ને જે ઠેકાણે રાજાના બંદીવાન કેદ કરાતા હતા, તે કેદખાનામાં તેણે તેને નાખ્યો; ને તે ત્યાં કેદખાનામાં રહ્યો.

²¹ પણ યહોવાહ યુસફની સાથે હતો, ને તેણે તેના પર દયા કીધી, ને તેને કેદખાનાના દરોગાની દ્રષ્ટિમાં કૃપા પમાડી.

²² અને જે કેદીઓ કેદખાનામાં હતા તેઓ સર્વને દરોગાએ યુસફના હાથમાં સોપ્યા; ને ત્યાં જે કામ તેઓ કરતા તેનો કરાવનાર તેજ હતો.

²³ અને તે કેદખાનાનો દરોગો તેના હાથના કોઈ પણ કામ પર દેખરેખ રાખતો નહિ, કેમકે યહોવાહ તેની સાથે હતો; ને તેણે જે કંઈ કામ કર્યું તેમાં યહોવાહે તેને ફતેહ પમાડી.