¹ એ વાતો પછી એમ થયું કે મિસરના રાજાના પાત્રવાહકે તથા ભઠીયારાએ તેમના ઘણી મિસરના રાજાનો અપરાધ કીધો.

² અને ફારુન તેના બન્ને સેવકો પર તળે મુખ્ય પાત્રવાહક તથા મુખ્ય ભઠીયારા પર કોપાયમાન થયો.

³ અને જ્યાં યુસફ બંદીવાન હતો તે તુરંગમાં એટલે પહેરેગીરોના ઉપરીના ઘરમાં તેણે તેઓને કેદ કર્યા.

⁴ અને પહેરેગીરોના ઉપરીએ યુસફ્ને તેઓનો ખીજમતગારનીમ્યો; ને તેણે તેઓની સેવા કરી, અને તેઓ કેટલીક મુદત સુધી કેદમાં રહ્યા.

⁵ અને મિસરના રાજાનો પાત્રવાહક તથા ભઠીયારો જે તુરંગમાં કેદી હતા તે બન્ને માણસોને એકજ રાત્રે પોતાના સ્વપ્નના અર્થ પ્રમાણે સ્વપ્ન આવ્યું.

⁶ અને યુસફે સવારે તેઓની પાસે અંદર આવીને તેઓને જોયા, ત્યારે જુઓ તેઓ ઉદાસ હતા.

⁷ અને ફારુનના જે અમલદારો તેની પાસે તેના ઘણીના ઘરમાં કેડી હતા તેઓને તેણે પૂછ્યું, કે આજ તમે કેમ ઉદાસ દેખાઓ છો?

⁸ ને તેઓએ તેને કહ્યું, અમને સ્વપ્ન આવ્યું હતું, ને તેનો અર્થ બતાવે એવો કોઈ નથી. અને યુસફે તેઓને કહ્યું, અર્થ બતાવવો એ શું દેવનું કામ નથી? તે શું છે તે કૃપા કરી મને કહો.

⁹ અને મુખ્ય પાત્રવાહકે પોતાનું સ્વપ્ન યુસફ્ને જણાવીને કહ્યું, જુઓ, મારા સ્વપ્નમાં મારી સામા એક દ્રાક્ષવેલો દેખાયો,

¹⁰ ને દ્રાક્ષવેલાને ત્રણ ડાળીઓ હતી, ને તેઓને જાણે કળીઓ આવી, ને મોર ખીલ્યો, ને તેના ગુચ્છામાં દ્રાક્ષો પાકી.

¹¹ અને ફારુનનું પ્યાલું મારા હાથમાં હતું; ને મેં દ્રાક્ષો લઈને ફારુનના પ્યાલામાં તેનો રસ નીચોવી કાઢ્યો, ને પ્યાલું ફારુનના હાથમાં આપ્યું.

¹² અને યુસફે તેને કહ્યું, એનો અર્થ આ છે, ત્રણ ડાળી તે ત્રણ દહાડા છે.

¹³ ત્રણ દહાડામાં ફારુન તારું માથું ઊંચું કરશે, ને તને પાછો તારા કામ પર ઠરાવશે; ને તું તેનો પાત્રવાહક હતો ત્યારની રીત પ્રમાણે તું ફારુનનું પ્યાલું તેના હાથમાં આપીશ.

¹⁴ પણ તારું સારૂં થાય ત્યારે કૃપા કરી મને સંભારજે, ને મારા પર ડાય કરજે, ને મારા વિષે ફારુનને કહીને આ ઘરમાંથી મને કઢાવજે.

¹⁵ કેમકે હેબ્રીઓના દેશમાંથી હું ખરેખર ચોરાએલો છું; ને અહીં પણ મેં તુરંગમાં નખવા લાયક કંઈ કીધું નથી.

¹⁶ અને મુખ્ય ભઠીયારાએ જોયું કે અર્થ સારો છે, ત્યારે તેણે યુસફ્ને કહ્યું કે, મને પણ સ્વપ્ન આવ્યું હતું. ને જુઓ, મારા માથા પર સફેદ રોટલી ભરેલી ત્રણ ટોપલી હતી.

¹⁷ અને ઉપલી ટોપલીમાં ફારુનને સારૂ સર્વ પ્રકારનાં પકવાન હતા; ને મારા માથા પરની ટોપલીમાંથી પક્ષીઓ ખાતા હતા.

¹⁸ અને યુસફે ઉતર આપ્યો, એનો અર્થ એ છે કે તે ત્રણ ટોપલી ત્રણ દહાડા છે.

¹⁹ અને ત્રણ દહાડામાં ફારુન તારું માથું તારા પરથી ઊચકશે, ને તને ઝાડ પર ટાંગશે; ને પક્ષીઓ તારા પરથી તારું માંસ ખાશે.

²⁰ ને ત્રીજે દહાડે, એટલે ફરુનની ફારૂની વર્ષગાંઠને દિવસે એમ થયું, કે તેણે પોતાના સર્વ સેવકોને મિજબાની આપી; ને તેણે પોતાના સેવકોમાં મુખ્ય પાત્રવાહકનું તથા મુખ્ય ભઠીયારનું માથું ઉચક્યું.

²¹ અને તેણે મુખ્ય પાત્રવાહકને તેની પાત્રવાહકની પદવી પર પાછો ઠરાવ્યો, ને તેણે ફારૂનના હાથમાં પાત્ર આપ્યું.

²² અને યુસફે અર્થ બતાવ્યો હતો તે પ્રમાણે તેણે મુખ્ય ભઠીયારાને ફાંસી દીધી.

²³ અને મુખ્ય પાત્રવાહકે યુસફ્ને સંભાર્યો નહિ, પણ તેને ભુલી ગયો.