² તેઓ એક સંપે યહોશુઆ સામે ને ઇસ્રાએલીઓ સામે યુદ્ધ કરવાને ભેગા થયા.

³ પણ યહોશુઆએ યેરેખોને તથા આયને જે કીધું હતું, તે ગિબઓનના રહેવાસીઓએ સાંભળ્યું,

⁴ ત્યારે તેઓએ પણ કપટ કીધું, ને તેઓએ એલચીઓનો વેશ ધરીને પોતાનાં ગધેડાપર જુની ગુણપાટો, ને દ્રાક્ષરસની જુની ને ફાટેલી ને થિગડાં મારેલી મસકો;

⁵ ને પોતાના પગોમાં જૂનાં ને થિગડાં મારેલાં ખાસડાં, ને પોતાના અંગ પર જૂનાં વસ્ત્રો લીધાં; ને તેઓના ભાથાની બધી રોટલી સુકાઇને ફુગાઇ ગએલી હતી.

⁶ અને તેઓ ગિલ્ગાલ આગળની છાવણીમાં યહોશુઆ પાસે ગયા, ને તેઓએ તેને તથા ઇસ્રાએલના માણસોને કહ્યું કે, અમે એક દૂર દેશથી આવ્યા છીએ, એ માટે હવે તમે અમારી સાથે કોલકરાર કરો.

⁷ અને ઇસ્રાએલના માણસોએ હિવ્વીઓને કહ્યું, કદાપિ તમે અમારામાં રહેતા હશો, તો અમે તમારી સાથે કોલકરાર શી રીતે કરીએ.

⁸ ને તેઓએ યહોશુઆને કહ્યું, અમે તારા દાસ છીએ. અને યહોશુઆએ તેઓને કહ્યું, તમે કોણ છો ને ક્યાંથી આવ્યા છો?

⁹ ને તેઓએ તેને કહ્યું, તારા દેવ યહોવાહના નામને સારૂ અમે તારા દાસો એક ઘણા દૂર દેશથી આવ્યા છીએ; કેમકે તેની કીર્તિ, ને તેણે મિસરમાં જે સર્વ કીધું, તે અમે સાંભળ્યું છે.

¹⁰ અને યરદન પારના અમોરીઓના બે રાજા, એટલે હેશ્બોનનો રાજા સીહોન, ને અશ્તારોથમાં રહેનાર બાશાનનો રાજા ઓગ, તેઓને તેણે જે સર્વ કીધા [તે પણ અમે સાંભળ્યું છે].

¹¹ એ માટે અમારા વડીલો તથા અમારા દેશના રહેવાસીઓ અમને એમ કહ્યું કે, વાટને સારૂ ખાવાનું તમારા હાથમાં લઈને, તેઓને મળવાને જાઓ, ને તેઓને કહો, અમે તમારા દાસ છીએ; ને હવે તમે અમારી સાથે કોલકરાર કરો.

¹² અમે તમારી પાસે આવવાને નિકળ્યા તે દિવસે પણ જુઓ,રોટલી અમારાભાથાને સારૂ અમે અમારા ઘરમાંથી ઉન્હી લીધી હતી. પણ જુઓ, હવે તે સુકાઇને ફુગાઇ ગઇ છે;

¹³ ને દ્રાક્ષરસની આ મસકો અમે ભરી હતી તેઓ નવી હતી; પણ જુઓ, હવે તેઓ ફાટી ગઇ છે; ને આ અમારા વસ્ત્રો ને અમારા ખાસડાં ઘણી લાંબી મુસાફરીથી જૂનાં થયા છે.

¹⁴ અને ઇસ્રાએલ પુત્રોએ તેઓના ભાથામાંથી લીધું, ને યહોવાહના મુખથી સલાહ લીધી નહિ.

¹⁵ અને યહોશુઆએ તેઓની સાથે સલાહ કીધી, ને તેઓને જીવતા રહેવા દેવા અને શાંતિના કરારકોષ તેઓની સાથે કીધો, ને જમાતના આગેવાનોએ પણ એઓની આગળ વચન આપીને મંજૂરી કરી.

¹⁶ અને તેઓની સાથે તેઓએ કરાર કીધો ત્યાર પછી ત્રણ દિવસને થઇ ગયા કે, તેઓ અમારા પડોશી, ને અમારા મધ્યે રહેનારા છે, એવું તેઓએ સાંભળ્યું.

¹⁷ અને ઇસ્રાએલપુત્રો ચાલી નિકળીને ત્રીજે દિવસે તેઓના નગરોમાં પહોંચ્યા; હવે તેઓનાં નગરો તો ગિબઓન ને કફીરાહ બે બએરોથ ને કીર્યાથ-યઆરીમ હતાં.

¹⁸ અને ઇસ્રાએલપુત્રોએ તેઓને માર્યા નહિ; કેમકે જમાતના આગેવાનો ઇસ્રાએલના દેવ યહોવાહના સમ તેઓની આગળ ખાધા હતાં; અને આખી જમાતે આગેવાનોની વિરુદ્ધ કચકચ કીધી.

¹⁹ અને સર્વ આગેવાનોએ આખી જમાતને કહ્યું, અમે ઇસ્રાએલના દેવ યહોવાહના સમ તેઓની આગળ ખાધા છે. માટે અમારાથી તેઓને ન અડકાય.

²⁰ તેઓને આ પ્રમાણે કરીને અમે જીવવા દઈશું, નહિ તો જે સમ તેઓની આગળ અમે ખાધા, તેના કારણથી અમારા ઉપર કોપ આવે.

²¹ અંને આગેવાનોએ તેઓને કહ્યું, તેઓને જીવવા ડો, પણ એ સરતે કે, તેઓ આખી જમાતને સારૂ લાકડાં કાપનારા ને પાણી ભરનારા થાય, જેમ આગેવાનોએ તેઓને કહ્યું હતું તેમ.

²² અને યહોશુઆએ તેઓને બોલાવીને એમ કહ્યું કે, તમે અમારામાં રહો છો મ છતાં તમે અમને એમ કહીને કેમ ઠગ્યા, કે અમે તમારાથી ઘણો દૂરનો છીએ?

²³ તો હવે તમે શ્રાપિત થયાં છો, ને તમારામાંનો કોઇ દાસ થયા વગર, એટલે કે મારા દેવના ઘરમાં લાકડાં કાપનાર તેમજ પાણી ભરનાર થયા વગર, રહેશે નહિ.

²⁴ અને તેઓએ યહોશુઆને ઉત્તર આપીને કહ્યું, અમે અમારા જીવ વિષે તમારાથી ભયભીત થઈને આ કામ કર્યું છે; કેમકે સઘળો દેશ તમને આપવાની તથા તમારી આગળથી દેશના સર્વ રહેવાસીઓનો વિનાશ કરવાની જે આજ્ઞા તમારા દેવ યહોવાહે પોતાના સેવક મુસાને આપી હતી, તે ખચિત તારા દાસોના સાંભળવામાં આવી હતી.

²⁵ અને હવે, જો, અમે તારા હાથમાં છીએ; જે કરવાનું તને સારૂ તથા વાજબી લાગે તે અમને કર.

²⁶ તેથી તેઓને તેજ પ્રમાણે કરીને તેણે તેઓને ઇસ્રાએલપુત્રોના હાથમાંથી છોડાવ્યા, ને તેઓએ તેઓને માર્યા નહિ.

²⁷ અને યહોશુઆએ તેઓને, તે દિવસે, જમાતને સારૂ તથા જે જગ્યા તેઓ પસંદ કરે ત્યાં, યહોવાહની વેદીને સારૂ લાકડાં ફાડનારા તથા પાણી ભરનારા ઠરાવ્યા હતા; તે આજ સુધી [તેમજ છે].