¹ અને તે અરસામાં એક દિવસે એમ થયું કે મંદિરમાં લોકોને તે બોડ કરતો ને સુવાર્તા પ્રગટ કરતો હતો, ત્યારે મુખ્ય યાજકો તથા શાસ્ત્રીઓ, વડીલો સુદ્ધાં, પાસે આવીને ઉભા રહ્યા.

² અને તેની સાથે વાત કરતા કહ્યું કે, અમને કહે કે, કયા અધિકારથી તું આ કામો કરે છે? અથવા આ અધિકાર તને કોણ આપ્યો છે?

³ અને તેણે તેઓને ઉત્તર આપતા કહ્યું કે, હું પણ તમને એક વાત પુછું છું, તે મને કહો:

⁴ યોહાનનો બપ્તિસમા આકાશથી હતું કે માણસોથી?

⁵ ને તેઓએ માહોમાંહે વિચાર કરીને કહ્યું કે, જો કહીએ કે આકાશથી તો તે કહેશે, તો તમે તેનું કેમ માન્યું નહિ?

⁶ પણ જો કહીએ કે માણસોથી, તો બધા લોક આપણને પત્થર મારશે, કેમકે તેઓને ખાતરી છે કે યોહાન ભવિષ્યવાદી હતો.

⁷ અને તેઓએ ઉત્તર આપ્યો કે, તે ક્યાંથી હતું એ અમે નથી જાણતા.

⁸ અને ઇસુએ તેઓને કહ્યું કે, હું પણ તમને કહેતો નથી કે કયા અધિકારથી હું આ કામો કરું છું.

⁹ અને તે લોકોને એ દ્રષ્ટાંત કહેવા લાગ્યો કે, એક માણસે દ્રાક્ષવાડી રોપી, ને તે ખેડુતોને ઇજારો આપી, ને લાંબી મુદત સુધી પરદેશ જઇ રહ્યો.

¹⁰ અને મોસમે તેણે ખેડુતોની પાસે એક ચાકરને મોકલ્યો કે તેઓ દ્રાક્ષવાડીનાં ફળનો [ભાગ] તેને આપે; પણ ખેડૂતોએ તેને મારીને ખાલી હાથે પાછો મોકલ્યો.

¹¹ વળી તેણે બીજા એક ચાકરને મોકલ્યો; ને તેઓએ તેને પણ મારીને તથા અપમાન કરીને ખાલી હાથે પાછો મોકલ્યો.

¹² અને તેણે વળી ત્રીજાને મોકલ્યો; ને તેઓએ તેને પણ ઘાએલ કરીને બહાર કાઢ્યો.

¹³ અને દ્રાક્ષવાડીના ઘણીએ કહ્યું કે, હું શું કરું? હું મારા વહાલા દીકરાને મોકલીશ, તેને જોઇને કદાપિ તેઓ તની અદબ રાખશે.

¹⁴ પણ ખેડૂતોએ જયારે તેને જોયો ત્યારે તેઓએ માહોમાંહે મનસુબો કરીને કહ્યું કે, આ વારસ છે, ચાલો, આપણે તેને મારી નાખીએ કે વારસો આપણને મળે.

¹⁵ અને તેઓએ તેને વાડીમાંથી કાઢીને મારી નાખ્યા. માટે દ્રાક્ષવાડીનો ઘણી તેઓને શું કરશે?

¹⁶ તે આવીને તે ખેડૂતોનો નાશ કરશે, ને દ્રાક્ષવાડી બીજાઓને આપશે. અને એ સાંભળીને તેઓએ કહ્યું કે, એવું ન થાઓ.

¹⁷ પણ તેણે તેઓની તરફ જોઇને કહ્યું, તો આ જે લખેલું છે તે શું છે, એટલે, જે પત્થરનો બાંધનારાઓએ નકાર કીધો તે ખૂણાનું મથાળું થયો.

¹⁸ તે પત્થર પર જે કોઈ પડશે તેના ટુકડેટુકડા થઇ જશે, પણ જેના પર તે પડશે તેનો t ભૂકો કરી નાખશે.

¹⁹ અને શાસ્ત્રીઓએ તથા મુખ્ય યાજકોએ તેજ ઘડીએ તેના પર હાથ નાખવાની કોશિષ કીધી; પણ તેઓ લોકથી બીધા, કેમકે તેઓએ જાણ્યું કે, તેણે આ દ્રષ્ટાંત આપણા પર કહ્યું છે.

²⁰ અને તેના પર નજર રાખીને તેઓએ ન્યાયી હોવાનું ડોળ રાખનારા જાસુસોને મોકલ્યા, એ સારૂ કે તેઓ તેને વાતમાં પકડીને તેને હાકેમના કબજામાં તથા અધિકારમાં સોંપી દે.

²¹ અને તેઓએ તેને પુછ્યું કે, ઉપદેશક, અમે જાણીએ છીએ, કે તારું કહેવું અને શીખવવું સત્ય છે, ને તું કોઈનું મ્હો રાખતો નથી, પણ સચાઈથી દેવનો માર્ગ શિખવે છે;

²² તો આપણે કાઈસારને કર આપવો ઉચિત છે કે નહિ?

²³ પણ તેણે તેઓનું કપટ જાણીને તેઓને કહ્યું કે,

²⁴ મને એક દીનાર દેખાડો; એનાં પર કોના સુરત તથા લેખ છે? અને તેઓએ કહ્યું કે, કાઈસારનાં.

²⁵ ત્યારે તેણે તેઓને કહ્યું કે, તો જે કાઈસારનાં તે કાઈસારને, ને જે દેવનાં તે દેવને ભરી આપો.

²⁶ અને લોકની આગળ તેઓ આ વાતમાં તેને પકડી શક્યા નહિ, ને તેના ઉત્તરથી અચરત થઈને તેઓ છાના રહ્યા.

²⁷ અને સદુકીઓ જે કહે છે કે પુનરૂત્થાન નથી, તેઓમાંના કેટલાએકે તેની પાસે આવીને તેને પુછ્યું કે,

²⁸ ઉપદેશક, મુસાએ અમારે વાસ્તે લખ્યું છે કે, જો કોઈનો ભાઈ, વહુ [જીવતી] છતાં, સંતાન વિના મારી જાય, તો તેનો ભાઈ તેની વહુને લે, ને પોતાના ભાઈને સારૂ સંતાન ઉપજાવે.

²⁹ વારૂ સાત ભાઈ હતા; ને પહેલો વહુ પરણીને સંતાન વિના મારી ગયો;

³⁰ પછી બીજાએ [તેને લીધી];

³¹ અને ત્રીજાએ તેને લીધી; ને તેજ પ્રમાણે સાતે સંતાન મુક્યા વગર મરી ગયા.

³² પછીથી બાયડી પણ મારી ગઈ.

³³ તો પુનરૂત્થાનમાં તે તેઓમાંના કોની બાયડી થશે? કેમકે સાતેની તે વહુ થઇ હતી.

³⁴ અને ઇસુએ તેઓને કહ્યું કે, આ જગતના છોકરાં પરણે છે તથા પરણાવાય છે;

³⁵ પણ જેઓ તે જગતને તથા મુએલામાંથી પુનરૂત્થાન પામવાને યોગ્ય ગણાય છે, તેઓ પરણતા નથી તથા પરણાવાતા નથી;

³⁶ કેમકે તેઓ ફરીથી મારી નથી શકતા; કારણ કે તેઓ દૂતોના સરખા છે; ને પુનરૂત્થાનના દીકરો હોવાથી તેઓ દેવના દીકરા છે.

³⁷ વળી ઝાડવાં [નામના પ્રકરણ]માં મુસા પ્રભુને ઇબ્રાહીમનો દેવ તથા ઇસ્હાકનો દેવ તથા યાકુબનો દેવ કહે છે, ત્યારે તે પણ એવું જણાવે છે કે મુએલાં ઉઠાડાય છે.

³⁸ હવે તે મુએલાંને દેવ નથી, પણ જીવતાંઓનો છે; કેમકે સઘળા તેની પ્રત્યે જીવે છે.

³⁹ અને શાસ્ત્રીઓમાંના કેટલાએક ઉત્તર આપતાં કહ્યું કે, ઉપદેશક, તેં ઠીક કહ્યું.

⁴⁰ અને પછીથી તેને કંઈ પુછવાને તેઓની ચાટી ચાલી નહિ.

⁴¹ અને તેણે તેઓને કહ્યું કે, ખ્રિસ્ત દાઉદનો દીકરો છે, એમ લોકો કેમ કહે છે!

⁴² કેમકે દાઉદ પોતે ગીતશાસ્ત્રમાં કહે છે કે, પ્રભુએ મારા પ્રભુને કહ્યું કે,

⁴³ હું તારા શત્રુઓને તારું પાયાસન કરું ત્યાં લગી તું મારે જમણે હાથે બેસ.

⁴⁴ દાઉદ તો તેને પ્રભુ કહે છે, માટે તે તેનો દીકરો કેમ હોય?

⁴⁵ અને સઘળા લોકના સાંભળતા તેને પોતાના શિષ્યોને કહ્યું કે,

⁴⁶ શાસ્ત્રીઓથી સાવધાન રહો, કે જેઓ જામા પહેરીને ફરવાનું, તથા ચૌટાઓમાં સલામો તથા સભાસ્થાનોમાં મુખ્ય આસનો તથા જમણવારમાં મુખ્ય જગ્યાઓ ચાહે છે;

⁴⁷ જેઓ વિધવાઓનાં ઘર ખાઈ જાય છે, ને ઢોંગથી લાંબી પ્રાર્થનાઓ કરે છે; તેઓ વિશેષ દંડ ભોગવશે.