¹ અને તેણે ઉંચે જોયું તો શ્રીમંતોને [ધર્મ] ભંડારમાં પોતાનાં દાન નાખતા દીઠા.

² અને એક દરિદ્રી વિધવાન તેમાં બે દમડી નાખતી દીઠી,

³ ને તેણે કહ્યું કે, હું તમને સાચું કહું છું કે, આ દરિદ્રી વિધવાએ એ સઘળો કરતા વધારે નાખ્યું છે.

⁴ કેમકે એ સહુએ પોતાના વધારામાંથી દનોમાં કંઈ નાખ્યું, પણ એણીએ પોતાની તંગીમાંથી પોતાની જે ઉપજીવિકા હતી તે બધી નાખી દીધી.

⁵ અને સુંદર પત્થરોથી તથા દાનોથી મંદિર કેવું સુશોભિત કરેલું છે તે વિષે કેટલાએક વાત કરતા હતા, ત્યારે તેણે કહ્યું કે,

⁶ આ બધું તમે જુઓ છો ખરા, પણ એવા દિવસો આવશે કે જેમાં અહીં પાડી નંખાશે નહિ એવો એક પત્થર બીજા પર રહેવા દેવાશે નહિ.

⁷ અને તેઓએ તેને પુછ્યું કે, ઉપદેશક, તો એ ક્યારે થશે? ને જયારે આ વાતો પુરી થવાની હશે ત્યારે શું ચિન્હ થશે?

⁸ ને તેણે કહ્યું કે, કોઈ તમને નાં ભુલાવે માટે સાવધાન રહો; કેમકે મારે નામે ઘણા આવીને કહેશે કે, તે હું છું, ને, સમય પાસે આવ્યો છે; તમે તો તેઓની પછવાડે જશો મા.

⁹ અને જયારે તમે લડાઈઓ તથા હુલ્લડોના સમાચાર સાંભળશો ત્યારે ગભરાશો મા, કેમકે આ બધું પ્રથમ થવું જોઈએ; પણ એટલેથી અંત નથી.

¹⁰ ત્યારે તેણે તેઓને કહ્યું કે, પ્રજા પ્રજા વિરુદ્ધ તથા રાજ્ય રાજ્ય વિરુદ્ધ ઉઠશે;

¹¹ આને મોટા ધરતીકંપો [થશે], તથા ઠામેઠામ દુકાળો તથા મરકીઓ થશે; ને આકાશમાંથી ભયંકર ઉત્પાત તથા મોટાં ચિન્હો થશે.

¹² પણ એ સર્વ થયા પહેલાં મારા નામને લીધે તેઓ તમારા પર હાથ નાખશે, ને તમને સતાવીને સભાસ્થાનો તથા બંદીખાના[ના અધિકારીઓને] હવાલે કરશે, ને રાજાઓ તથા હાકેમોની આગળ લઇ જશે.

¹³ એ તમારે સારૂ સાક્ષીરૂપ થઇ પડશે.

¹⁴ માટે તમે પોતાના મનમાં નિશ્ચય કરો કે પ્રત્યુત્તર કેવી રીતે દેવો તે વિષે આગળથી ચિંતા ન કરવી.

¹⁵ કેમકે હું તમને એવું મુખ તથા એવી બુદ્ધિ આપીશ, કે તમારો કોઈ પણ વિરોધી પ્રત્યુત્તર આપી અથવા સામો થઇ નહિ શકશે.

¹⁶ પણ માબાપથી તથા ભાઇઓથી તથા સંગાથી તથા મિત્રોથી પણ તમે પરસ્વાધીન કરશો; ને તમારામાંના કેટલાએકને તેઓ મારી નંખાવશે.

¹⁷ અને મારા નામને લીધે સઘળા તમારો દ્વેષ કરશે.

¹⁸ પણ તમારા માથાનો એમ નિમાળો પણ નાશ પામશે નહિ.

¹⁹ તમારી ધીરજથી તમારા જીવને તમે બચાવશો.

²⁰ પણ જયારે યરૂશાલેમ ફોજોથી ઘેરાએલું જેશો ત્યારે જાણજો કે તેનો ઉજડ થવાનો [સમય] પાસે આવ્યો છે.

²¹ ત્યારે જેઓ યહુદાહમાં હોય તેઓએ પહાડોમાં નાસી જવું; ને જેઓ તેની મધ્યે હોય તેઓએ બહાર નીકળી જવું; ને જો સીમમાં હોય તેઓએ [શહેર]માં આવવું નહિ.

²² ક્મકે એ વેર વાળવાના દિવસો છે, એ માટે કે જે જે લખ્યું છે, તે બધું પુરૂં થાય.

²³ તે દિવસોમાં જેઓ ગર્ભવતી હશે તથા જેઓ ઘવડાવતી હશે તેઓને અફસોસ છે! કેમકે દેશ પર મોટો વિપત્તિ, ને આ લોક પર કોપ આવી પડશે.

²⁴ અને તેઓ તારવારની ધારથી માર્યા જશે, ને ગુલામ થઈને બધા દેશોમાં લઇ જવાશે; ને વિદેશીઓના સમયો પુરા થશે, ત્યાં લગી યરૂશાલેમ વિદેશીઓથી ખુંદી નંખાશે.

²⁵ અને સુરજ તથા ચંદ્ર તથા તારાઓમાં ચિન્હો થશે; ને પૃથ્વી ઉપર દેશજાતિઓ, સમુદ્ર તથા ચંદ્ર તથા મોજાંઓની ગર્જનાથી અકળાઈને, ગભરાશે;

²⁶ પૃથ્વી ઉપર જે આવી પડવાનું છે તેની બીકથી તથા તેની વકીથી માણસો નિર્ગત થશે; કેમકે આકાશમાંનાં પરાક્રમો હલાવાશે.

²⁷ અને ત્યારે તેઓ માણસના દીકરાને પરાક્રમ તથા મહા મહિમા સહિત વાદળમાં આવતો જોશે.

²⁸ પણ આ વાતો થવા લાગે ત્યારે તમે નજર ઉઠાવીને તમારાં માથા ઉંચા કરો, કેમકે તમારો ઉદ્ધાર પાસે આવ્યો છે.

²⁹ અને તેણે તેઓને દ્રષ્ટાંત કહ્યું કે, અંજીરી તથા સર્વ ઝાડોને જુઓ.

³⁰ હવે તેઓ જયારે ફુટવા માંડે છે ત્યારે તમે તે જોઇને પોતાની મેળે જાણો છો કે ઉનોળો પાસે છે.

³¹ તેમજ તમે પણ આ સઘળા થતાં જુઓ, તારે જાણજો કે દેવનું રાજ્ય પાસે છે.

³² હું તમને ખચિત કહું ચુ કે, સઘળાં પુરા થશે ત્યાં લગી આ પેઢી ટળી જશે નહિ.

³³ આકાશ તથા પૃથ્વી જતી રહેશે, પણ મારી વાતો જતી નહિ રહેશે.

³⁴ પણ તમે પોતા વિષે સાવધાન રહો, રખે કદાપિ અતિશય ખાધાથી કે પીધાથી તથા સંસારી ચિંતાથી તમારાં મન જડ થાય, ને તે દિવસ તમારા પર ફંદાની પેઠે ઓચિંતો આવી પડશે.

³⁵ કેમકે તે દિવસ આખી પૃથ્વી ઉપરના સર્વ વસનારા પર એમજ આવી પડશે.

³⁶ પણ હર વખત જાગતા રહો, ને વિનંતી કરો કે, આ બધું જે થવાનું છે, તેમાંથી બચી જવાને તથા માણસના દીકરાની આગળ ઉભા રહેવાને તમે પ્રબળ થાઓ.

³⁷ અને રોજ તે મંદિરમાં દહાડે બોધ કરતો હતો, ને રાત્રે નીકળીને જૈતુન નામે પહાડ પર રહેતો હતો.

³⁸ અને બધા લોક તેનું સાંભળવા સારૂ પરોઢિયે તેની પાસે મંદિરમાં આવતા હતા.