¹ અને મંદિરમાંથી તે નીકળતો હતો ત્યારે તેનો એક શિષ્ય તેને કહે છે કે, ઉપદેશક, જો, કેવા પત્થર તથા કેવાં બાંધકામો!

² અને ઇસુએ તેણે કહ્યું કે, શું તું એ મોટાં બાંધકામો જુએ છે? પાડી નહિ નંખાય એવો એક પણ પત્થર બીજા પર અહીં રહેવા દેવાશે નહિ.

³ અને જૈતુનના પહાડ પર, મંદિરની સામે તે બેઠો હતો એટલે પીતરે તથા યાકુબે તથા યોહાને તથા આંદ્રયાએ તેને એકાંતમાં પુછ્યું,

⁴ અમે કહે, એ ક્યારે થશે? ને જયારે તે બધાં પુરા થવાનાં હશે, ત્યારે શું ચિન્હ થશે?

⁵ ને ઇસુ તેઓને કહેવા લાગ્યા કે, કોઇ તમને ભુલાવામાં ન નાખે, માટે સાવધાન રહો.

⁶ ઘણા મારે નામે આવીનને કહેશે કે, તે હું છું; ને ઘણાઓને ભુલાવામાં નાખશે.

⁷ પણ જયારે લડાઈઓ વિષે તથા લડાઈની અફવા સાંભળશો, ત્યારે ગભરાશો માં; એમ થવુંજ જોઈએ; પણ તેટલેથી અંત નહિ આવે.

⁸ કેમકે પ્રજા પ્રજા વિરુદ્ધ તથા રાજ્ય રાજ્ય વિરુદ્ધ ઉઠશે; ઠામોઠામ ધરતીકંપારા થશે, ને દુકાળો પડશે; મહા દુઃખોના આ તો આરંભ છે.

⁹ પણ પોતા વિષે સાવધાન રહો; કેમકે તેઓ તમને ન્યાયસભાઓનેસોંપશે; ને સભાસ્થાનોમાં તમે કોરડાના માર ખાશો; ને તમે મારે લીધે હાકેમો તથા રાજાઓ આગળ, તેઓને માટે શાહેદી થવા સારૂ, ઉભો થશો.

¹⁰ અને પહેલાં સર્વ દેશોમાં સુવાર્ત્તા પ્રગટ થવી જોઈએ.

¹¹ અને જયારે તેઓ તમને લઇ જઈને પરસ્વાધીન કરશે, ત્યારે શું બોલીશું તે વિષે અગાઉથી ચિંતા ન કરો; પણ તે વેળા તમે જે આપવામાં આવશે તે બોલો; કેમકે બોલનાર તે તમે નહિ, પણ પવિત્ર આત્મા છે.

¹² અને ભાઇ ભાઇને તથા બાપ છોકરાને મરણદંડને સારૂ પરસ્વાધીન કરશે; ને છોકરાં માબાપની સામે ઉઠશે, ને તેઓને મારી નંખાવશે.

¹³ અને મારા નામને લીધે સહુ તમારો દ્વેષ કરશે; પણ જે અંત સુધી ટકશે તેજ તારણ પામશે.

¹⁴ પણ જયરે તમે ઉજડના અમંગળપણા[ની નિશાની] જ્યાં ઘટાર્થ નહિ ત્યાં ઉભી રહેતી જોશો, ( જે વાંચે છે તેણે સમજવું), ત્યારે જેઓ યહુદાહમાં હોય તેઓ પહાડોમાં નાસી જાય.

¹⁵ અને ધાબા પર જે હોય તે ઉતરીને ઘરમાંથી કંઇ લેવા સારૂ માંહે ન પેસે;

¹⁶ ને જે ખેતરમાં હોય તે પોતાનું લુગડું લઇ જવાને પાછો ન ફરે.

¹⁷ અને તે દહાડાઓમાં જેઓ ગર્ભવતી હોય તથા જેઓ ધવાડતી હોય તેઓને અફસોસ છે!

¹⁸ અને [તમારું નાસવું] શિયાળામાં ન થાય, માટે પ્રાર્થના કરો;

¹⁹ કેમકે તે દહાડાઓમાં જેવી વિપત્તિ થશે, તેવી દેવે સૃજેલી સૃષ્ટિના આરંભથી તે હજી સુધી થઇ નથી ને થશે પણ નહિ.

²⁰ અને જો પ્રભુએ તે દહાડાઓને ઓછા કીધા ન હોત, તો કોઇ માણસ ન બચત; પણ જે પસંદ કીધેલાઓને તેણે પસંદ કીધા તેઓને લીધે તેણે આ દહાડાઓને ઓછા કર્યા છે.

²¹ અને તે વેળાએ જો કોઇ તમે કહે કે, જુઓ, અહીં ખ્રીસ્ત છે, કે, જુઓ, તે ત્યાં છે,, તો માનતા ના.

²² કેમકે જુઠા ખ્રીસ્તો તથા જુઠા ભવિષ્યવાદીઓ ઉઠશે; ને ચમત્કારો તથા અદભૂત કામો દેખાડશે, એ માટે કે, જો બની શકે તો, તેઓ પસંદ કીધેલાઓને ભુલાવામાં નાખે.

²³ પણ તમે સાવધાન રહો; જુઓ, મેં તમને સઘળું અગાઉથી કહ્યું છે.

²⁴ પણ તે દહાડાઓમાં, એ વિપત્તિ પછી, સુરજ અંધકારરૂપ થઇ જશે, ને ચંદ્ર પોતાનું અજવાળું નહિ આપશે,

²⁵ ને આકાશના તારાઓ ખરવા લાગશે; ને આકાશમાંનો પરાક્રમ હલાવાશે.

²⁶ ત્યારે તેઓ માણસના દીકરાને બહુ પરાક્રમ તથા મહિમાસહિત વાદળામાં આવતો જોશે.

²⁷ અને ત્યારે તે પોતાના દૂતોને મોકલીને પૃથ્વીના છોડથી આકાશના છેડા સુધી, ચારે દિશાથી પોતાના પસંદ કીધેલાઓને એકઠા કરશે.

²⁸ હવે અંજીરી પરથી તેનું દૃષ્ટાંત શિખો; જયારે તેની ડાળી કુમળીજ છે, ને પાંદડાં ફુટી નીકળે છે, ત્યારે તમે જાણો છો કે ઉનાળો પાસે છે.

²⁹ એમજ તમે પણ જયારે તે બધાં થતાં જુઓ, ત્યારે તમને જાણવું કે તે પાસે, બારણા આગળજ છે.

³⁰ હું તમને ખચિત કહું છું કે આ બધાં પુરાં થાય ત્યાં સુધી આ પેઢી ગુજરી નહિ જશે.

³¹ આકાશ તથા પૃથ્વી જતાં રહેશે, પણ મારી વાતો જતી રહેશે નહિ.

³² પણ તે દહાડા તથા તે ઘડી સંબંધી બાપ વગર કોઇ જાણતો નથી, આકાશમાંના દૂતો નહિ ને દીકરો પણ નહિ.

³³ સાવધાન રહો, જાગતા રહીને પ્રાર્થના કરો; કેમકે સમય ક્યારે આવશે તે તમે જાણતા નથી.

³⁴ તે આ પ્રમાણે છે કે જાણે કોઇ પરદેશમાં પ્રવાસ કરનાર માણસે પોતાનું ઘ્હાર છોડીને ને પોતાના ચાકરોને અધિકાર આપીને, એટલે પ્રત્યેકને પોતપોતાનું કામ સોંપીને, દરવાનને પણ જાગતો રહેવાની આજ્ઞા આપી હોય.

³⁵ માટે તમે જાગતા રહો; કેમકે તમે જાણતા નથી કે ઘરનો ઘણી ક્યારે આવશે, સાંજે, કે મધરાતે, કે મરઘો બોલતી વખતે, કે સવારે;

³⁶ રખે તે અચાનક આવીને તમને ઉંઘતા જુઓ.

³⁷ અને જે હું તમને કહું છું તે સર્વને કહું છું કે, જાગતા રહો.