¹ અને તે દહાડાઓમાં યોહન બાપ્તિસ્મા કરનાર પ્રગટ થયો, અને યહુદાહના રાનમાં ઉપદેશ કરતાં, એમ કહેતો કે,

² પસ્તાવો કરો; કેમકે આકાશનું રાજ્ય પાસે આવ્યું છે.

³ કારણ કે જેનાં વિષે યશાયાહ ભવિષ્યવાદીએ કહ્યું હતું કે, રાનમાં પોકારનારની વાણી, એટલે પ્રભુનો માર્ગ તૈયાર કરો, તેના રસ્તા સીધા કરો, તે એજ છે.

⁴ અને તે યુહાનના લૂગડાં ઉંટનાં રૂઆંનાં હતાં, અને તેની કમરે ચામડાનો પટો હતો, ને તીડો તથા રાની મધ તેનો ખોરાક હતો.

⁵ ત્યારે યરુશાલેમના તથા યહુદાહના તથા યરદનની આસપાસના સર્વ લોક તેની પાસે બહાર ગયા.

⁶ અને પોતાના પાપ કબુલ કરીને યરદન નદીમાં તેનાથી બાપ્તિસ્મા પામ્યા.

⁷ પણ ફરોશીઓમાંના તથા સાદુકીઓમાંના ઘણાને તેની બાપ્તિસ્મા સારૂ આવવા જોઇને તેણે તેઓને કહ્યું કે, ઓ સર્પોના વંશ, આવનાર ક્રોધથી નાસવાને કોણે તમને ચેતાવ્યા?

⁸ તો પસ્તાવો [કરનારાને] શોભે એવું ફળ ઉપજાવો;

⁹ અને એમ કહેવાનું તમારા મનમાં ન ધરો કે, ઈબ્રાહીમ અમારો બાપ છે, કેમકે હું તમને કહું છું કે, આ પત્થરોમાંથી દેવ ઇબ્રાહીમને સારૂ છોકરાં ઉપજાવી શકે છે.

¹⁰ અને હમણાંજ ઝાડોની જડ પર કુહાડો મૂક્યો છે, માટે દરેક ઝાડ જે સારૂ ફળ નથી આપતું તે કપાય છે, ને અગ્નિમાં નંખાય છે.

¹¹ પસ્તાવાને સારૂ હું પાણીએ તમારું બાપ્તિસ્મા કરું છું ખરો, પણ જે મારી પાછળ આવનાર છે તે મારા કરતાં સમર્થ છે, તું તેના ચંપલ ઉચકવા યોગ્ય નથી; તે પવિત્ર આત્માએ તથા અગ્નિએ તમારું બાપ્તિસ્મા કરશે. .

¹² તેનું સુપડું તેના હાથમાં છે, ને તે પોતાની ખળીને પુરેપુરી સાફ કરશે, ને પોતાના ઘઉં ભંડારમાં ભરશે, પણ ભુસું ન હોલવાનાર અગ્નિમાં બાળી નાખશે.

¹³ ત્યારે ઇસુ યોહાનથી બાપ્તિસ્મા પામવા સારૂ ગાલીલથી યરદન [નદીએ] તેની પાસે આવ્યો.

¹⁴ પણ યોહાને તેને વારતાં કહ્યું કે, તારાથી મારે બાપ્તિસ્મા પામવું જોઈએ, ને શું તું મારી પાસે આવે છે?

¹⁵ પછી ઇસુએ ઉત્તર આપતાં તેને કહ્યું કે, હમણાં એમ થવા દે, કેમકે સઘળું ન્યાયીપણું એમ પુરું કરવું આપણને ઘટાર્થ છે. ત્યારે તેણે તેને પામવા દીધું.

¹⁶ અને ઇસુ બાપ્તિસ્મા પામીને તરત પાણીથી ઉપર આવ્યો; ને જુઓ, તેને સારૂ આકાશ ઉધડાયું, ને દેવના આત્માને કબુતરની પેઠે ઉતરતો, ને પોતા પર આવતો તેણે દીઠો.

¹⁷ અને જુઓ આકાશવાણી થઇ કે, આ મારો વહાલો દીકરો છે, એના પર હું પ્રસન્ન છું.