² ને સર્વ મુસાને સારૂ મેઘમાં તથા સમુદ્રમાં બાપ્તિસ્મા પામ્યા;

³ ને સર્વએ એકજ આત્મિક અન્ન ખાધું,

⁴ ને સર્વેએ એકજ આત્મિક પાણી પીધું; કેમકે સાથે ચાલનાર આત્મિક ખડકનું તેઓએ પીધું; તે ખડક તો ખ્રીસ્ત હતો.

⁵ પણ તેઓમાંના ઘણાખરા પર દેક પ્રસન્ન ન હતો, કેમકે તેઓ રાનમાં પાડી નંખાયા.

⁶ હવે આ વાત આપણને નિદર્શન જેવી થઇ, એ સારૂ કે જેમ તેઓએ ભુંડી વસ્તુઓનો લોભ કર્યો તેમ આપણે ન કરીએ.

⁷ અને જેમ તેઓમાંના કેટલાએક મૂર્તિભક્ત થયા, તેમ તમે ન થાઓ; જેમ લખ્યું છે તેમ, કે લોક ખાવા પીવા બેઠા ને રમવા ઉઠ્યા.

⁸ અને જેમ તેઓમાંના કેટલાએકે વ્યભિચાર કર્યો, ને એક દિવસમાં તેવીસ હજાર પડ્યા, તેમ તમે ન કરો.

⁹ અને જેમ તેઓમાંના કેટલાએકે ખ્રીસ્તનું પરીક્ષણ કીધું, ને સર્પોથી નાશ પામ્યા, તેમ આપણે તેનું પરીક્ષણ કરવું નહિ.

¹⁰ અને જેમ તેઓમાંના કેટલાંએકે કચકચ કીધી, ને સંહારકથી નાશ પામ્યા, તેમ તમે કચકચ ન કરો.

¹¹ એ સર્વ નિદર્શન થવા સારૂ તેઓને થયાં. અને આપણા બોધને સારૂ તે લખ્યું છે જેઓના ઉપર કાળોનો અંત આવ્યો છે.

¹² એ માટે જે પોતાને સ્થિર ધારે છે, તે ન પડે માટે સંભાળે.

¹³ માણસથી સહેવાય તે વગર બીજું કંઈ પરીક્ષણ તમને થયું નથી. પણ દેવ વિશ્વાસુ છે, તે તમારી શક્તિ કરતાં વત્તા પરીક્ષણ તમ પર આવવા ન દેશે, પણ તમે સહી શકો, માટે પરીક્ષણ સાથે છુટકાનો રસ્તો કરશે.

¹⁴ એ માટે, મારા વહાલાઓ, મૂર્તિપૂજાથી નાસી જાઓ.

¹⁵ જેમ સમજુકોને, તેમ હું તમને કહું છું, મારી વાતનો વિચાર કરો.

¹⁶ આશીર્વાદનો વાટકો જે પર અમે આશીર્વાદ માગીએ છીએ, તે શું ખ્રીસ્તના રક્તની સંગત નથી? અમે જે રોટલી ભાંગીએ છીએ, તે શું ખ્રીસ્તના શરીરની સંગત નથી?

¹⁷ માટે આપણે ઘણા છતાં એક રોટલી, એક શરીર, એવા છીએ, કેમકે આપણ સર્વ એજક રોટલીના ભાગીઆ છીએ.

¹⁸ દેહ પ્રમાણે ઇસ્રાએલને જુઓ, શું હોમનું ખાનારાં હોમવેદીના સહભાગીદાર નથી?

¹⁹ તો હું શું કહું છું? કે મૂર્તિનું નૈવેદ કંઈ છે? અથવા મૂર્તિ કંઈ છે?

²⁰ પણ વિદેશીઓ જે હોમ કરે છે તે દેવને નહિ, પણ ભૂતોને કરે છે. તમે ભૂતોની સંગત કરનારા થાઓ, એવી મારી ઈચ્છા નથી. તમે પ્રભુના વાટકામાનું તથા ભૂતોના વાટકામાનું પી શકતા નથી.

²¹ તમે પ્રભુની મેજના તથા ભૂતોની મેજના ભાગીદાર થઇ શકતા નથી.

²² શું આપણે પ્રભુને ચીડવીએ? શું આપણે તેના કરતાં જોરાવર છીએ?

²³ સઘળાં તો મને ઉચિત છે, પણ સઘળાં ઉપયોગી નથી; સઘળાં મને ઉચિત છે, પણ સઘળાં સંસ્થાપનકારક નથી.

²⁴ કોઇ પોતાનુંજ નહિ, પણ પ્રત્યેક બીજાનું હિત શોધે.

²⁵ જે કંઈ બજારમાં વેચાય છે, તે પ્રેરકબુદ્ધિને લીધે કંઈ પુછ્યા વિના ખાઓ.

²⁶ કેમકે પૃથ્વી તથા તેનું ભરપુરપણું પ્રભુના છે.

²⁷ જો કોઈઓ અવિશ્વાસી તમને નહોતરૂં કરે, ને તમે જવા ચાહો, તો તમને જે કંઈ પિરસાય તે પ્રેરકબુદ્ધિને લીધે કંઈ પુછ્યા વિના ખાઓ.

²⁸ પણ જો કોઇ તમને કહે કે, તે મૂર્તિનું નૈવેદ છે, તો જેણે તે દેખાડ્યું તેને લીધે તથા પ્રેરકબુદ્ધિને લીધે ન ખાઓ.

²⁹ પ્રેરકબુદ્ધિ, હું તો કહું છું, તારી નહિ પણ બીજાની; કેમકે બીજાની પ્રેરકબુદ્ધિ મારા મોકળાપણા વિષે ઇનસાફ કેમ ઠરાવાય છે.

³⁰ પણ જો હું કૃપાએ ભાગીદાર થાઉં, તો જેને સારૂ હું ઉપકાર માનું છું, તે વિષે મારી નિંદા કેમ કરાય છે?

³¹ એ માટે જો તમે ખાઓ, કે પીઓ , કે જે કંઈ કરો તો દેવના મહિમાને અર્થે સર્વ કરો.

³² તમે યહુદીઓને તથા હેલેનીઓને તથા દેવની મંડળીને ઠોકર ખવડાવનાર ન થાઓ;

³³ એ પ્રમાણે હું પણ સર્વને રાજી કરીને પોતાનો નહિ, પણ ઘણાઓનો લાભ શોધું છું, એ સારૂ ક તેઓ તારણ પામે.