² મેં તમે દૂધથી પાળ્યા છે, ને અન્નથી નહિ; કેમકે હજુ સુધી તમે સમર્થ ન હતા, ને હમણાં પણ સમર્થ નથી; કેમકે તમે હજી દૈહિક છો.

³ કેમકે તમારામાં અદેખાઈ તથા કજીઆ તથા ફાટફૂટો છે, માટે તમે દૈહિક છો કે નહિ, ને માણસોની પેઠે ચાલો છો કે નહિ?

⁴ કેમકે જયારે એક કહે કે, હું પાઉલનો છું, ને બીજા કહે કે હું અપોલાનો, ત્યારે તમે દૈહિક છો કે નહિ?

⁵ તો પાઉલ તે શું છે? ને અપોલો તે શું? તેઓ સેવાકોજ, જેમ પ્રભુએ પ્રત્યેકને દીધું તેમ તમે તેઓને આસરે વિશ્વાસ કીધો.

⁶ મેં તો રોપ્યું, અપોલાએ પાયું, પણ દેવે ઉગાવ્યું.

⁷ રોપનાર કંઈ નથી; ને પાનાર કંઈ નથી; પણ ઉગાવનાર દેવ તેજ [બધું] છે.

⁸ રોપનાર તથા પાનાર એક છે; ને પ્રત્યેક પોતાની મહેનત પ્રમાણે પોતાનું વેતન પામશે.

⁹ કેમકે અમે દેવની સાથે કામ કરનારા છીએ; તમે દેવની ખેતી, દેવની રચના છો.

¹⁰ દેવની જે કૃપા મને અપાઇ, તે પ્રમાણે જ્ઞાની મુખ્ય બાંધનાર થઈને મેં પાયો નાખ્યો છે, ને બીજો તે પર બાંધે છે; પણ પ્રત્યેક સાવધાન રહેવું કે તે પર કેવી રીતે બાંધે.

¹¹ કેમકે નંખાયલો પાયો જે ઇસુ ખ્રીસ્ત તે વિના બીજાને કોઇ નાખી શકતું નથી.

¹² પણ જો આ પાયા પર કોઇ સોનું, રૂપું, મૂલ્યવાન પાષાણ, કાષ્ટ, ઘાસ, ખુંપરા, બાંધે,

¹³ તો પ્રત્યેકનું કામ પ્રગટ કરાશે; કાંજે તે દિવસ તે દેખાડશે; કેમકે અગ્નિથી તે પ્રગટ કરાશે; ને પ્રત્યેકનું કામ કેવું છે એ અગ્નિ પારખશે.

¹⁴ જે કામ કોઇએ તે પર બાંધ્યું હોય, તે જો ટકે તો તે વેતન પામશે.

¹⁵ જો કોઈનું કામ બાળી નંખાશે, તો તેને નુકસાન થશે; પણ જાણે કે અગ્નિમાં થઈને તે જાતે બચશે.

¹⁶ તમે દેવનું મંદિર છો, ને દેવનો આત્મા તમારામાં વસે છે, એ શું તમે જાણતા નથી?

¹⁷ જો કોઇ દેવના મંદિરનો નાશ કરે, તો દેવ તેનો નાશ કરશે.કેમકે દેવનું મંદિર જે તમે છો તે પવિત્ર છે.

¹⁸ કોઇ પોતાને ન ભુલાવે; જો આ કાળમાં તમારામાંનો કોઇ પોતાને જ્ઞાની જાણે તો જ્ઞાની થવા સારૂ તે મૂર્ખ થાય.

¹⁹ કેમકે જગતનું જ્ઞાન દેવની આગળ મૂર્ખપણું છે; કેમકે લખ્યું છે કે, જ્ઞાનીઓને તેઓની ચતુરાઈમાં તે પકડે છે.

²⁰ અને વળી, પ્રભુ જ્ઞાનીઓના વિચાર જાણે છે કે તેઓ વ્યર્થ છે.

²¹ તો માણસો વિષે અભિમાન કોઇ ન કરે, કેમકે સર્વ તમારાં છે.

²² પાઉલ કે અપોલો કે કેફા કે જગત કે જીવન કે મરણ કે વર્તમાન વસ્તુઓ કે ભવિષ્ય વસ્તુઓ, સર્વ તમારાં છે;

²³ ને તમે ખ્રીસ્તના; ને ખ્રીસ્ત દેવનો.