² વળી કારભારીઓમાં એમ જોઈએ કે હરેક વિશ્વાસુ જણાય.

³ પણ તમારાથી કે માણસના ઇનસાફથી મારો ન્યાય કરાય, એ વિષે મને કંઈ ચિંતા નથી; હું પોતાનો પણ ન્યાય કરતો નથી.

⁴ કેમકે હું પોતાને ઉલટું કંઈ જાણતો નથી, પણ એથી હું ન્યાયી ઠરતો નથી; પણ મારો ન્યાય કરનાર પ્રભુ છે.

⁵ માટે તમે સમયની અગાઉ, એટલે પ્રભુ આવે ત્યાં સુધી, કંઈ ન્યાય ન ઠરાવો; તે અંધકારની ગુપ્ત વસ્તુઓને દર્શાવશે, ને હૃદયોની ધારણા પ્રગટ કરશે; ને તે વેળા હરેકનું વખાણ દેવથી થશે.

⁶ પણ, ભાઈઓ, મેં એ વાતો દાખલારૂપે તમારે લીધે પોતાને તથા અપોલાને લગાડી છે, એ માટે કે તમે અમારાથી એવું શિખો કે જે લખેલું છે તેથી અધિક વિચારવું નહિ, એ સારૂ કે એકને વાસ્તે બીજાને વિરુદ્ધ કોઇ ન ફુલે.

⁷ કેમકે કોણ તને જુદો પાડે છે? અને તું પામ્યો નહિ એવું તારૂં શું છે? પણ જો તું પામ્યો, તો જેમ પામ્યો ન હોય, તેમ તું કેમ અભિમાન કરે છે?

⁸ હવે તમે તૃપ્ત થયા, હવે દ્રવ્યવંત થયા, અમારા વિના તમે રાજ્ય કર્યું. અમારી ઈચ્છા એ છે કે તમે રાજ્ય કરો, કે અમે પણ તમારી સાથે રાજ્ય કરીએ.

⁹ કેમકે મને એમ દીસે છે, કે દેવે છેલ્લા અમ પ્રેરિતોને જાણે કે મરણાધીન ઠરેલા એવા દેખાડ્યા છે; કેમકે અમે જગતને તથા દૂતોને તથા માણસોને તમાશાના જેવા થયા છીએ.

¹⁰ ખ્રીસ્તને લીધે અમે મૂર્ખો, પણ તમે ખ્રીસ્તમાં બુદ્ધીવંત; અને આબળ પણ તમે જોરાવર; તમે માનવંતા, પણ અમે અપમાન પામેલા.

¹¹ હાલના સમય સુધી અમે ભૂખ્યા તથા તરસ્યા તથા નાગા છીએ, તથા માર ખાઈએ છીએ, તથા ભટકીએ છીએ,

¹² તથા પોતાને હાથે કામ કરીને મહેનત કરીએ છીએ; નિંદાયલા છતાં અમે આશીર્વાદ આપીએ છીએ; સતાવેલા છતાં સહીએ છીએ;

¹³ ધિક્કારેલા છતાં વિનંતી કરીએ છીએ; અમે હજી સુધી જગતના મેલ તથા સર્વના કચરા સરખા થયા છીએ.

¹⁴ હું તમને લજાવવાને એ વાતો લખતો નથી; પણ જેમ મારાં પ્રિય બાળકોને તેમ તમને બોધ કરું છું.

¹⁵ કેમકે જો તમને ખ્રીસ્તમાં દસ હજાર ગુરુઓ હોય, તોપણ ઘણા બાપ નથી; કેમકે ખ્રીસ્ત ઇસુમાં, સુવાર્ત્તાને આસરે, મેં તમને જન્માવ્યા છે.

¹⁶ એ માટે હું તમારી વિનંતી કરું છું કે, મારા અનુસારી થાઓ.

¹⁷ એ કારણ માટે મેં તમારી પાસે તીમોથીને મોકલ્યો, તે ખ્રીસ્તમાં મારૂં પ્રિય બાળક તથા પ્રભુમાં વિશ્વાસુ છે; તે, જેમ હું બધે સર્વ મંડળીમાં શિખવું છું તેમ, ખ્રીસ્તમાં મારા માર્ગો વિષે તમને યાદ દેવડાવશે.

¹⁸ હું તમારી પાસે આવવાનો ન હોઉં, એવું સમજીને કોઇ ફુલ્યા છે.

¹⁹ પણ પ્રભુની ઇચ્છા હોય, તો હું તમારી પાસે વહેલો આવીશ, ને ફુલનારાઓનું બોલવું તે નહિ, પણ તેઓનું સામર્થ્ય જાણીશ.

²⁰ કેમકે દેવનું રાજ્ય બોલવામાં નહિ, પણ સામર્થ્યમાં છે.

²¹ તમારી શી ઈચ્છા છે? હું તમારી પાસે કાઠી લઇને આવું, કે પ્રેમથી તથા નમ્રતાના આત્માથી આવું?