¹ પણ આત્મ સાફ કહે છે કે, પાછલા કાળોમાં કેટલાએક માણસો, ભુલાવનાર આત્માઓ પર તથા ભૂતોના ઉપદેશ પર લક્ષ રાખીને,

² જુઠું બોલનારા તથા જેઓનું અંતઃકરણ ડામેલું એવાઓના ઢોંગથી વિશ્વાસનો ત્યાગ કરશે;

³ ને એઓ પરણવાને મના કરશે, ને જે ખોરાક ઉપકારસ્તુતિ કરીને લેવા સારૂ દેવે વિશ્વાસીઓને તથા સત્ય જાણનારાઓને વાસ્તે ઉત્પન્ન કીધા, તેથી દૂર રહેવાનું કહેશે.

⁴ કેમકે દેવનું સર્વ ઉત્પન્ન કરેલું સારૂ છે, કંઈ નાખી દેવા સારૂ નથી, જો ઉપકારસ્તુતિની સાથ તે લેવાયા તો,

⁵ કેમકે દવની વાતથી તથા પ્રાર્થનાથી તે શુદ્ધ કરાય છે.

⁶ એ વાતો ભાઈઓને જણાવીને, હું ખ્રીસ્ત ઇસુનો સારો સેવક થઈશ, ને જે વિશ્વાસની તથા સારા ઉપદેશની વાતોની પાછળ તું ચાલતો આવ્યો તેઓથી પાળેલા થઈશ.

⁷ પણ અધર્મી તથા વ્યર્થ કહાણીઓને ટાળ, ને સુભક્તિને સારૂ પોતાની કસરત કર;

⁸ કેમકે શરીરની કસરત થોડીજ ઉપયોગી છે, પણ સુભક્તિ સઘળાંને સારૂ ઉપયોગી છે, તેને હમણાંના તથા આવતા કાળના પણ જીવનનું વચન છે.

⁹ આ વાત વિશ્વાસુ તથા સંપૂર્ણ અંગીકાર કરવા યોગ્ય છે.

¹⁰ અને આ કારણ માટે આપણે એ સારૂ મહેનત કરીએ છીએ તથા કષ્ટ કરીએ છીએ, કેમકે સર્વ માણસોનો ને વિશેષે કરીને વિશ્વાસીઓનો જે તારનાર છે, તે જીવતા દેવ પર આપણે આશા રાખેલી છે.

¹¹ આ વાતો ફરમાવ તથા શિખવ.

¹² કોઇ પણ તારા જુવાનપણાને ધિક્કારે નહિ; પણ વાતમાં, ચાલમાં, પ્રીતિમાં, વિશ્વાસમાં, પવિત્રાઈમાં વિશ્વાસીઓને નમુનો થા.

¹³ હું આવું ત્યાં સુધી વાંચવામાં, બોધ કરવામાં, શિખવવામાં તત્પર રહે.

¹⁴ જે કૃપાદન તારમાં છે, જે ભવિષ્યવાદને આસરે વડીલસભાના હાથો મુકવાથી તને અપાએલું હતું, તે વિષે તમે નિશ્ચિંત ન થાઓ.

¹⁵ એ વાતોમાં ખંતીલો થજે, એઓમાં તત્પર રહે, કે તારું પ્રવીણપણું સઘળાને પ્રગટ થાય.

¹⁶ પોતા વિષે તથા ઉપદેશ વિષે સાવધાન થા. આ વાતોમાં ટકી રહે, કેમકે આ કીધાથી તું પોતાને તથા તારા સાંભળનારાઓને પણ તારીશ.