¹ ત્યારે પાઉલે ન્યાય્સભાની સાને એકી નજરે જોઇને કહ્યું કે, ભાઈઓ, હું આજ સુધી શુદ્ધ અંતઃકરણથી દેવ પ્રત્યે વર્ત્યો છું.

² ત્યારે અનાન્યા પ્રમુખ્ય યાજકે તેની પાસે ઉભા રહેનારાઓને તેના મ્હો પર મારની આજ્ઞા કીધી.

³ ત્યારે પાઉલે તેને કહ્યું કે, ઓ ધોળેલી ભીંત, દેવ તને મારશે; તું નિયમશાસ્ત્ર પ્રમાણે મારો ન્યાય કરવા બેઠેલો છતાં નિયમશાસ્ત્ર વિરુદ્ધ મને મારવાની આજ્ઞા કરે છે શું?

⁴ અને પાસે ઉભા રહેનારાઓએ કહ્યું કે, શું તું દેવના પ્રમુખ્ય યાજકની નિંદા કરે છે?

⁵ ત્યારે પાઉંલે કહ્યું કે, ભાઈઓ, એ પ્રમુખ્ય યાજક છે, તે હું જાણો ન હતો, કેમકે એમ લખ્યું છે કે, તારા લોકોના અધિકારીનું તારે ભુંડું બોલવું નહિ.

⁶ પણ પાઉલે જોયું કે કે એક ભાગ સાદુકીઓનો, ને બીજો ફરીશીઓનો છે, ત્યારે તેણે સભામાં બૂમ પાડી કે,, ઓ ભાઈઓ, હું ફરોશી છું ને મારા બાપદાદા ફરોશી હતા,ને મુએલાઓના પુનરુત્થાન સંબંધી આશા બાબત મારો ન્યાય કરવામાં આવે છે.

⁷ અને તેણે એમ કહ્યું, ત્યારે ફરોશીઓ તથા સાદુકીઓની વચ્ચે તકરાર ઉભી થઇ, ને સભામાં પક્ષ પડયા.

⁸ કેમકે સાદુકીઓ કહે છે કે, પુનરુત્થાન નથી, ને દૂત કે આત્મા પણ નથી; પણ ફરોશીઓ એ બેઉ વાત કબૂલ કરે છે.

⁹ ત્યારે મોટી હોહા થઇ; ને ફરોશીઓનાપક્ષના કેટલાક શાસ્ત્રીઓ ઉઠ્યા, ને રકઝક કરતાં કહેવા લાગ્યાં કે, આ માણસમાં અમે કાઈ અપરાધ જોતા નથી; અને કદાચને આત્માએ અથવા દૂતેને કંઈ કહ્યું હોય કે શું?

¹⁰ અને તકરાર વધી પડી, ત્યારે તેઓ પાઉલના કકડે કકડા કરશે, એવું ભય લાગ્યાથી સરદારે સિપાઈઓને આજ્ઞા કીધી કે, જઈને જબરદસ્તીથી તેને તેઓ મધ્યેથી ખેંચી લાવીને કિલ્લામાં આણો.

¹¹ અને તેજ રાત્રે પ્રભુએ તેની પાસે ઉભા રહીને કહ્યું કે, હિમ્મત રાખ; કેમકે જેમ મારે વિષે તે યરુશાલેમમાં સાક્ષી આપી છે, તેમ રૂમમાં પણ તારે સાક્ષી આપવી પડશે.

¹² અને દિવસ ઉગ્યા પછી યહુદીઓએ સંપ કીધો,ને સોગનથી બંધાયા કે, પાઉલને મારી નાખીએ ત્યાં સુધી આપણે અન્નજળ લેવું નહિ.

¹³ અને આ સંપ કરનારા ચાલીસથી વધારે હતા.

¹⁴ અને તેઓએ મુખ્ય યાજક તથા વડીલોની પાસે જઈને કહ્યું કે, અમે આક્ર સોગનથી બંધાયા છીએ કે, પાઉલને મારી નાખીએ ત્યાં સુધી અમારે કંઈ પણ જીભ પર નુકવું નહિ.

¹⁵ માટે જાણે કે તેની બાબત તમારે વધારે બારીકીથી તજવીજ કરવી હોય [એવી બહાને] સભા સુદ્ધાં તમે સરદારને એવી સુચના આપી કે, તે તેને તમારી પાસે રજુ કરે, ને અમે, તે પહોંચે ત્યાર પેહેલાં તેને મારી નાખવાને તૈયાર છીએ.

¹⁶ પણ પાઉલના ભાણેજ તેઓના સંતાઈ રહેવા વિષે સાંભળ્યું, ત્યારે તેણે કીલ્લામાં જઈને પાઉલને ખબર આપી.

¹⁷ ત્યારે પાઉલે સુબેદારોમાંના એકને પોતાની પાસે બોલાવીને કહ્યું કે, આ જુવાનને સરદારની પાસે લઇ જા; કેમકે એ તેને ઈન કહેવા માગે છે.

¹⁸ ત્યારે તેણે સરદારની પાસે તેને તેડી જઈને કહ્યું કે, પાઉલ બંદીવાને મને પોતાની પાસે બોલાવીને વિનંતી કીધી કે, આ જુવાનને સરદારની પાસે લઇ જા, કેમકે એ તેને કંઈ કહેવા માગે છે.

¹⁹ ત્યારે સરદાર તેનો હાથ પકડીને તને એકાંતમાં લઇ ગયો, ને ખાનગી રીતે પૂછ્યું કે, મને તારે શું કહેવાનું છે?

²⁰ ને તેણે કહ્યું કે, યહુદીઓએ તારી પાસે વિનંતી કરવાનો સંપ કીધો છે કે, જાણે કે તું પાઉલ સંબંધી વધારે બારીકીથી તજવીજ કરવા માગતો હોય એ હેતુથી તું આવતી કાલે તેને ન્યાયસભામાં લઇ આવે.

²¹ એ માટે તું એઓનું માનતો ના, કેમકે તેઓમાંના ચાળીસથી વધારે માણસ તને સારૂ સંતાઈ રહ્યા છે, તેઓ એવા સોગનથી બંધાયા છે કે, તને મારી નાખીએ ત્યાં સુધી અમે અન્નજળ લઈશું નહિ; ને હમણાં તેઓ તૈયાર છે અને તારી વચનની વાત જુએ છે.

²² ત્યારે સરદારે તે જુવાનને એવી તાકીદ આપીને વિદાય કીધો કે, તે આ વાતની ખબર મને આપ્યા વિષે કોઈને કહેતો ના.

²³ પછી તેને સુબેદારોમાંના બેને પોતાની પાસે બોલાવીને કહ્યું કે, બંસે સિપાઈઓને, તથા સિત્તેર સ્વારોને તથા બંસે બરછીવાળાને, પહોર રાત્રે કાઈસારીઆ સુધી જવાને તૈયાર રાખો;

²⁴ ને પાઉલને માટે જાનવર મેળવી રાખો કે તેને બેસાડીને હાકેમ ફેલીકસ પાસે સહીસલામત પહોંચાડવામાં આવે.

²⁵ અને તેણે નીચે પ્રમાણે પત્ર લખ્યો કે,

²⁶ નેક નામદાર ફેલીકસ હાકેમને કલાદીઅસ લુસયસની સલામ.

²⁷ આ માણસને યહુદીઓએ પકડ્યો હતો ને તેઓ એને મારી નાખવાના હતા, ત્યારે એ રૂમી છે એમ સાંભળીને હું સિપાઈઓ સાથે જઈને એને છોડાવી લાવ્યો.

²⁸ અને તેઓ એના પર શા કારણથી દોષ મુકે છે એ જાણવા સારૂ હું તેઓની ન્યાયસભામાં એને લઇ ગયો.

²⁹ ત્યારે મને માલમ પડ્યું કે, તેઓના નિયમશાસ્ત્રની બાબતો સંબંધી તેઓ એનાં પર દોષ મુકે છે, પણ મોતની અથવા કેદની સજા થાય એવો દોષ એના પર મુકતા નથી.

³⁰ અને જયારે મને ક્ખબર મળી કે એ માણસનું વિરુદ્ધ કાવતરું રચવાનું છે, તેજ વેળાએ મેં એને તરત તારી પાસે મોકલ્યો, ને ફરિયાદીઓને પણ આજ્ઞા કીધી કે, એની વિરુદ્ધ [જે કહેવું હોય તે] તેઓ તારી આગળ કહે.

³¹ ત્યારે સિપાઈઓ તેમને મળેલી આજ્ઞા પ્રમાણે પાઉલને લઈને રાતોરાત આંતીપાત્રસમાં આવ્યા.

³² પણ બીજે દિવસે સ્વારોને તેની સાથે જવા સારૂ મુકીને તેઓ કિલ્લામાં પાછા આવ્યા.

³³ અને કાઈસારીઆમાં તેઓ પહોંચ્યા પછી હાકેમને પત્ર આપ્યો, ને પાઉલને પણ તેની આગળ ઉભો કીધો.

³⁴ અને તેણે તે વાંચીને પૂછ્યું કે, એ કયા પ્રાંતનો છે? અને જયારે તેને માલુમ પડ્યું કે, તે કીલકીનો છે,

³⁵ ત્યારે તેણે કહ્યું કે, ફરિયાદીઓ આવ્યા પછી હું તારી મુકરદમાની તપાસ કરીશ; ને તેણે એવી આજ્ઞા કીધી કે, હેરોદના દરબારમાં તેને પહેરામાં રાખો.