¹ ને શાઉલ તેનો ઘાત કરવામાં રાજી હતો. અને તેજ દહાડે યરૂશાલેમમાંની મંડળી પર ભારે સતવાણી શરૂ થઇ, અને પ્રેરીતો શિવાય તેઓ સર્વ યહુદાહ તથા સમરૂનના પ્રાંતોમાં વિખેરાઈ ગયા.

² અને ધાર્મિક પુરુષોએ સ્તેફનને દાટ્યો, ને તેને સારૂ ઘણો વિલાપ કીધો.

³ પણ શાઉલે મંડળીને ઉજડ કરી મુકી, એટલે ઘેરેઘેર જઈને પુરુષો તથા સ્ત્રીઓને ઘસડી લઇ જઈને બદીખાનામાં નાખ્યાં

⁴ અને વિખરાઈ ગએલાઓ સુવાર્તા પ્રગટ કરતા ચારોગમ ફર્યા.

⁵ અને ફીલીપે સમારીઆ શહેરમાં જઈને તેઓને ખ્રિસ્ત પ્રગટ કર્યો.

⁶ અને ફીલીપે કહેલી વાતોને સાંભળીને તથા તેના કીધેલા ચમત્કારો જોઇને લોકોએ તેની વાતો પર એક ચિત્તે ધ્યાન દીધું.

⁷ કેમકે જોને અશુદ્ધ આત્માઓ વળગ્યા હતા તેઓમાંના ઘણાઓમાંથી તેઓ મોટી બૂમ પાડતા બહાર નીકળ્યો, ને ઘણા પક્ષઘાતી તથા લૂલાઓ સમા થયા.

⁸ અને તે શહેરમાં બહુ આંનદ થયો.

⁹ પણ સીમોન નામે એક જણ તે શહેરમાં અગાઉ જાદુ કરતો હતો, ને હું કોઈ મોટો માણસ છું એમ કહીને સમરુનના લોકોને છક કરી નાખતો હતો;

¹⁰ તેનું તેઓ નાનાથી તે મોટા સુધી સર્વ સાંભળતા, ને એમ કહેતા કે, એ માણસ to દેવનું પરાક્રમ જે મહાન કહેવાય છે તે છે.

¹¹ અને તેણે ઘણી મુદ્દતથી પોતાની જાદુક્રિયાઓથી તેઓને છક કરી નાખ્યા હતા.

¹² પણ ફીલીપ દેવના રાજ્ય તથા ઇસુ ખ્રીસ્તના નામ વિષે સુવાર્તા પ્રગટ કરતો હતો ત્યારે તેઓનો વિશ્વાસ તેના પર બેઠો, ને પુરુષોએ તેમજ સ્ત્રીઓએ પણ બાપ્તિસમાં લીધું.

¹³ અને સિમોને પોતે પણ વિશ્વાસ કીધો, ને બાપ્તિસમાં પામીને ફીલીપ સાથે રહ્યો, ને ચમત્કારો તથા મોટા પરાક્રમી કામો બનતાં જોઇને તે અચરત થયો.

¹⁴ હવે સમરુનીઓએ દેવની વાત અંગીકારી છે એવું યરુશાલેમમાંના પ્રેરિતોએ સાંભળ્યું, ત્યારે તેઓએ પીતરને તથા યોહાનને તેઓની પાસે મોકલ્યા.

¹⁵ અને તેઓએ ત્યાં પહોંચ્યાં પછી તેઓને સારૂ પ્રાર્થના કરી કે તેઓ પવિત્ર આત્મા પામે;

¹⁶ કેમકે તેઓમાંના કોઈ પર ત્યાં લગી તે ઉતર્યો ન હતો; પણ તેઓ પ્રભુ ઈસુને નામે માત્ર બાપ્તિસમાં પામ્યા હતા.

¹⁷ પછી તેઓએ તેઓ પર હાથ મુક્યા, ને તેઓ પવિત્ર આત્મા પામ્યા.

¹⁸ હવે પ્રેરિતોના હાથ મુકવાથી પવિત્ર આત્મા અપાય છે, એ જોઇને સીમોને તેઓને પૈસા આપવા માંડ્યા,

¹⁹ અને કહ્યું કે, તમે મને પણ એ અધિકાર આપો કે જેના પર હું હાથ મુકું તે પવિત્ર આત્મા પામે.

²⁰ પણ પીતરે તેને કહ્યું કે, દેવનું દાન પૈસાથી વેચાતું લેવાનું તે ધાર્યું માટે તારા પૈસા તારી સાથે નાશ પામો.

²¹ આ વાતમાં તારો લાગભાગ નથી કારણ કે તારું અંતઃકરણ દેવની આગળ ચોખ્ખું નથી.

²² એ માટે તારી આ ભૂંડાઈનો પસ્તાવો કર, ને પ્રભુને વિનંતી કર કે, કદાપિ તારા અંતઃકરણની કલ્પના તને માફ થાય.

²³ કેમકે હું જોઉં છું કે તું પિત્તની કડવાસમાં, ને ભૂંડાઈનાં બંધનમાં છે.

²⁴ ત્યારે સીમોને ઉત્તર દેતા કહ્યું કે, તમારી કહેલી વાતોમાંની કોઈ મારા પર ન આવે માટે તમે મારે સારૂ પ્રભુને વિનંતી કરો.

²⁵ હવે [ત્યાં] શાહેદી આપ્યા પછી તથા પ્રભુની વાત પ્રગટ કર્યા પછી સમરુનીઓના ઘણા ગામોમાં સુવાર્તા પ્રગટ કરીને તેઓ યરુશાલેમમાં પાછા આવ્યા.

²⁶ પણ પ્રભુના દૂતે ફીલીપને કહ્યું કે, ઉઠ, યરુશાલેમથી ગાઝા જવાના માર્ગ સુધી દક્ષિણ તરફ જા; ત્યાં રાન છે.

²⁷ અને તે ઉઠીને ગયો. અને જુઓ, એક હબશી ખોજો, જે હબશીઓની રાણી કાંડાકેના હાથ નીચે મોટો અમલદાર તથા તેના સઘળા ભંડારનો કારભારી હતો, તે ભજન કરવા સારૂ યરુશાલેમમાં આવ્યો હતો.

²⁸ અને તે પાછો જતાં પોતાના રથમાં બેસીને યશાયાહ ભવિષ્યવાદીનું પુસ્તક વાંચતો હતો.

²⁹ ત્યારે આત્માએ ફીલીપને કહ્યું કે, તું પાસે જઈને એ રથની સંઘાતે થા.

³⁰ ત્યારે ફીલીપ તેની પાસે દોડી ગયો, ને તેને યશાયાહ ભવિષ્યવાદીનું પુસ્તક વાંચતો સાંભળીને પૂછ્યું કે, તું વાંચ છે તે શું તું સમજે છે?

³¹ ત્યારે તેણે કહ્યું કે, મને કોઈના બતાવ્યા વિના હું કેમ કરીને સમજી શકું? ત્યારે તેણે ફીલીપને વિનંતી કીધી કે, ઉપર ચઢીને મારી પાસે બેસ.

³² અને શાસ્ત્રનું જે પ્રકરણ તે વાંચતો હતો તે એ હતું કે, ઘટની પેઠે મારી નાખવાને તે લઇ જવાયો; ને જેમ હલવાન પોતાના કાતાર્નારની આગળ મુંગું રહે છે, તેમ તેણે પોતાનું મ્હો ઉધાડ્યું નહિ;

³³ તેની દીનાવસ્થામાં તેનો ન્યાય ડુબી ગયો; તેની પેઢીનું વર્ણન કોણ કહી દેખાડશે?

³⁴ ત્યારે તે ખોજાએ ફીલીપને ઉત્તર દેતા કહ્યું કે, હું તને વિનંતી કરું છું કે, ભવિષ્યવાદી કોણ વિષે એ કહે છે? પોતા વિષે અથવા કોઈ બીજા વિષે?

³⁵ ત્યારે ફીલીપે પોતાનું મ્હો ઉઘાડ્યું, ને શાસ્ત્રની એ વાતથી માંડીને તેને ઇસુ વિષેની સુવાર્તા પ્રગટ કીધી.

³⁶ અને તેઓ માર્ગ ચાલતા પાણીથી અમુક જગ્યાએ આવી પહોંચ્યા, ત્યારે ખોજાએ કહ્યું કે, જો, [અહિં] પાણી છે, મારે બાપ્તિસમાં પામવાને શો અટકાવ છે?

³⁷ [[ત્યારે ફીલીપે કહ્યું કે, જો તું તારા પૂરા મનથી વિશ્વાસ કરે છે તો ઉચિત છે; ને તેણે ઉત્તર દેતા કહ્યું કે, ઇસુ ખ્રિસ્ત તે દેવનો દીકરો છે, એવું હું માનું છું]]

³⁸ પછી તેણે રથ ઉભો રાખવાનો હુકુમ કીધો, ને ફીલીપ તથા ખોજો બેઉ પાણીમાં ઉતર્યા, ને તેણે તેને બાપ્તિસમાં આપ્યું.

³⁹ અને તેઓ પાણીમાંથી ઉપર આવ્યા ત્યારે પ્રભુના આત્મા ફીલીપને લઇ ગયો,

⁴⁰ પણ ફીલીપ આઝોટમાં દેખાયો; ને કાઈસારીઆ પહોંચતાં સુધી માર્ગમાંના સઘળાં શહેરમાં સુવાર્તા પ્રગટ કરતો ગયો.