¹ જયારે ભૂમિ પર માણસો વધવા લાગ્યાં, ને તેઓને દીકરીઓ થઇ, ત્યારે એમ થયું,

² કે દેવના દીકરાઓએ માણસોની દીકરીઓને જોઈ, કે તેઓ સુંદર છે,; ને જે સર્વને તેઓએ પસંદ કરી તેઓમાંથી તેઓએ બાયડી લીધી.

³ અને યહોવાહે કહ્યું કે , મારો આત્મા માણસની સાથે સદા વાદ નહિ કરશે; કેમકે તે માંસનું છે; તથાપિ તેઓનાં દિવસ એક સૌ વીસ વર્ષ થશે.

⁴ તે દિવસોમાં પૃથ્વીમાં મહાવીર હતા, ને દેવના દીકરાઓ માણસની દીકરીઓ પાસે ગયા, ને તેઓથી છોકરાં થયાં, કે જેઓ પુરાતન કાળના બળવાનો, નામાંકિત પુરુષો હતા.

⁵ ને યહોવાહે જોયું કે , માણસની ભૂંડાઈ પૃથ્વીમાં ઘણી થઇ; અને તેઓનાં હૃદયના વિચારની હરેક કલ્પના નિરંતર ભૂંડીજ છે.

⁶ અને યહોવાહે પૃથ્વી પર માણસને ઉત્પન્ન કીધા, તેનો તેને પશ્ચાતાપ થયો, ને હૃદયમાં તે ખેદિત થયો.

⁷ ને યહોવાહે કહ્યું કે, જે માણસને મેં ઉત્પન્ન કીધા, તેનો પૃથ્વી પરથી હું સંહાર કરીશ, માણસથી તે પશુ, પેટે ચાલનારાં તથા આકાશના પક્ષિઓને સુધી [ તે સર્વનો સંહાર કરીશ]; કેમકે તેઓને ઉત્પન્ન કીધાથી મને પશ્ચાતાપ થઇ છે.

⁸ પણ નૂહ યહોવાહની દૃષ્ટિમાં કૃપા પામ્યો.

⁹ નુહની વંશાવળી આ પ્રમાણે છે, પોતાના જમાનામાં નૂહ ન્યાયી તથા સીધો માણસ હતો; ને નૂહ દેવની સાથે ચાલતો.

¹⁰ ને નુહને શેમ તથા હામ તથા યાફેથ એ ત્રણ દીકરા થયાં.

¹¹ પણ દેવની સમક્ષ પૃથ્વી દુષ્ટ થઇ, ને પૃથ્વી જુલમથી ભરપૂર થઇ હતી.

¹² દેવે પૃથ્વી પર જોયું, ને જુઓ, તે દુષ્ટ હતી, કેમકે સર્વ માણસે પૃથ્વી પર પોતાની ચાલ દુષ્ટ કીધી હતી.

¹³ અને દેવે નુહને કહ્યુ કે , મારી આગળ સર્વ જીવનો અંત આવ્યો છે, કેમકે તેઓને લીધે પૃથ્વી જુલમેં ભરેલી છે, ને જુઓ, તેઓને પૃથ્વી સુદ્ધા સંહાર કરીશ.

¹⁴ તું પોતાને સારું દેવદારના લાકડાનું વહાણ બનાવ; તે વહાણમાં ઓરડી કરીને તેને માંહે તથા બહારથી ડામર ચોપડ.

¹⁵ ને આ પ્રમાણે તું તેને બનાવ, એટલે વહાણની લંબાઈ ત્રણસે હાથ, ને તેની ચોડાઈ પચાસ હાથ, ને તેની ઉંચાઈ ત્રીસ હાથ.

¹⁶ વહાણમાં તું બારી કર, ને ઉપર એક હાથમાં તું તેને પૂરી કર, ને વહાણનું દ્વાર તેના એક પાસામાં મૂક; ને તેના નીચેલો તથા બીજો તથા ત્રીજો એવા ત્રણ માળ તું કર.

¹⁷ ને જુઓ, સર્વ જીવ જેમાં જીવનનો શ્વાસ છે, તેઓનો સંહાર આકાશ તળેથી કરવા સારું હું પૃથ્વી પર જલ્પ્રલય લાવીશ; ને પૃથ્વીમાં જે સર્વ છે તે મારશે.

¹⁸ પણ હું તારી સાથે મારો કરાર સ્થાપીશ; ને તું વહાણમાં આવ, તું, તથા તારી સાથે તારા દીકરા, તથા તારી વહુ, તથા તારા દીકરાની વહુઓ.

¹⁹ અને સર્વ જાતના જાનવરોમાંથી બબે તારી સાથી બચાવવાને સારું, તું વાહણમાં લાવ, તેઓ નરનારી હોય.

²⁰ પોતપોતાની જાત પ્રમાણે પક્ષીઓ, તથા પોતપોતાની જાત પ્રમાણે પશુઓ, તથા પોતપોતાની જાત પ્રમાણે પેટે ચાલનારામાંથી સર્વ જાતના બબે જીવબચાવવા સારું તારી પાસે આવે.

²¹ ને સર્વ જાતનું ખાવાનું જે ખાવામાં આવે છે તે લઇ પોતાની પાસે એકઠું કરી રાખ, એટલે તારે સારું તથા તેઓને સારું તે ખોરાક થશે.

²² નુહે એમજ કીધું; દેવે તેને જે સર્વ આજ્ઞા આપી હતી, તે પ્રમાણે તે કીધું.