¹ તે વેળા હેરોદ રાજાએ ઈસુની કીર્તિ સાંભળી.

² અને તેણે પોતાના ચાકરોને કહ્યું કે, આ તો યોહાન બાપ્તિસ્મા કરનાર છે, તે મુએલાંમાંથી ઉઠ્યો છે, એ માટે એવાં પરાક્રમી કામો તેનાથી બને છે.

³ કેમકે હેરોદ પોતાના ભાઇ ફિલિપની વહુ હેરોદિયાસને લીધે યોહાનને પકડ્યો હતો, ને તેને બાંધીને કેદખાનામાં નાખ્યો હતો.

⁴ કેમકે યોહાને તેને કહ્યું હતું કે, તેને તારે રાખવી ઉચિત નથી.

⁵ અને તે તેને મારી નાખવા ચહાતો હતો, પણ લોકોથી તે બીધો, કેમકે તેઓ તેને ભવિષ્યવાદી ગણતા હતા.

⁶ પણ હેરોદની વરસગાંઠ આવી, ત્યારે હેરોદિયાસની દીકરીએ તેઓની આગળ નાચીને હેરોદને ખુશ કીધો.

⁷ ત્યારે તેણે સમ ખાઈને વચન આપ્યું કે, જે કંઈ તું માગે તે હું તને આપીશ.

⁸ ત્યારે તેની માના શિખવ્યા પ્રમાણે તે બોલી કે, યોહાન બાપ્તિસ્મા કરનારનું માથું મને કથરોટમાં આપ.

⁹ અને રાજા દલગીર થયો, તોપણ પોતે સમ ખાધા હતા તેને લીધે તથા તેની સાથે ખાવા બેઠેલાઓને લીધે, તેણે તે આપવાનો હુકમ કીધો.

¹⁰ અને તેણે [માણસોને] મોકલીને યોહાનનું માથું કેદખાનામાં કપાવ્યું.

¹¹ પછી તેનું માથું કથરોટમાં આણીને છોકરીને આપ્યું, ને તે પોતાની માની પાસે લઇ ગઇ.

¹² ત્યારે તેના શિષ્યોએ પાસે આવીને તેનું મુડદું ઉઠાવી લઈને દાટ્યું, ને જઈને ઇસુને ખબર આપી.

¹³ ત્યારે ઇસુ એ સાંભળીને ત્યાંથી હોડીએ ઉજડ ઠેકાણે એકાંત ગયો, ને લોકો તે સાંભળીને નગરોમાંથી પગરસ્તે તેની પાછળ ગયા.

¹⁴ અને તેણે નીકળીને ઘણા લોકોને દીઠા, ત્યારે તેઓ પર તેને દયા આવી; અને તેણે તેઓમાંનાં માંદાઓને સાજાં કીધાં.

¹⁵ અને સાંજ પડી ત્યારે તેના શિષ્યો તેની પાસે આવીને કહે છે કે, આ ઠેકાણું ઉજડ છે, ને હવે વખત થઇ ગયો છે, માટે લોકોને વિદાય કર કે તેઓ ગામોમાં જઈને પોતાને સારૂ ખાવાનું વેચાતું લે.

¹⁶ પણ ઇસુએ તેઓને કહ્યું કે, તેઓને જવાની જરૂર નથી, તમે તેઓને ખાવાનું આપો.

¹⁷ અને એઓએ તેને કહ્યું કે, અહીં અમારી પાસે માત્ર પાંચ રોટલી ને બે માછલી છે.

¹⁸ ત્યારે તેણે કહ્યું કે, તે અહીં મારી પાસે લાવો.

¹⁹ પછી તેણે લોકોને ઘાસ પર બેસવાની આજ્ઞા આપી, ને તે પાંચ રોટલી તથા બે માછલી લઇ આકાશ તરફ જોઇને આશીર્વાદ માગ્યો, ને રોટલી ભાંગીને શિષ્યોને આપી, ને શિષ્યોએ લોકોને [આપી].

²⁰ અને તેઓ સઘળાં ખાઈને ધરાયાં; પછી છાંડેલા કકડાઓની બાર ટોપલી ભરેલી તેઓએ ઉઠાવી.

²¹ અને જેઓએ ખાધું તેઓ બાયડી છોકરાં ઉપરાંત આસરે પાંચ હજાર પુરુષ હતા.

²² અને તરત તેણે શિષ્યોને હઠેઠ કરીને હોડીમાં બેસાડ્યા, ને પોતે લોકોને વિદાય કરે એટલામાં પોતાની આગળ તેઓને પેલે પાર મોકલ્યા.

²³ અને લોકોને વિદાય કર્યા પછી, તે પ્રાર્થના કરવાને પહાડ પર એકાંતે ગયો, ને સાંજ પડી ત્યારે તે ત્યાં એકલો હતો.

²⁴ પણ તે વેળા હોડી સમુદ્ર મધ્યે મોજાંઓથી ડામાડોળ થતી હતી, કેમકે વા સામો હતો.

²⁵ અને રાતના ચોથે પોહોરે તે સમુદ્ર પપર ચાલતો તેઓની પાસે આવ્યો.

²⁶ અને શિષ્યોએ તેને સમુદ્ર પર ચાલતો દીઠો, ત્યારે તેઓએ ગાભરા થઈને કહ્યું, એ તો કોઇ ભૂત છે, ને બીકથી બૂમ પાડી.

²⁷ પણ તરત ઇસુએ તેઓને કહ્યું કે, હિમ્મત રાખો, એ તો હું છું, બીહો મા.

²⁸ ત્યારે પીતરે તેને ઉત્તર દેતાં કહ્યું કે, પ્રભુ, એ જો તું હોય, તો મને આજ્ઞા આપ કે હું પાણી પર ચાલીને તારી પાસે આવું.

²⁹ અને તેણે કહ્યું કે આવ. ત્યારે પીતર હોડી પરથી ઉતરીને ઇસુ પાસે જવાને પાણી પર ચાલ્યો.

³⁰ પણ વા દેખીને તે બીધો ને ડુબવા લાગ્યો, તેથી તેણે બૂમ પાડતાં કહ્યું કે, ઓ પ્રભુ, મને બચાવ.

³¹ અને ઇસુએ લાગલો હાથ લાંબો કરીને તેને પકડી લીધો, ને તેને કહે છે કી, અરે અલ્પવિશ્વાસી, તેં સંદેશ કેમ આણ્યો?

³² અને તેઓ હોડીમાં ચઢ્યા એટલે વા બંધ પડ્યો.

³³ અને હોડીમાં જેઓ હતા તેઓએ તેને પગે લાગીને કહ્યું કે, ખરેખર તું દેવનો દીકરો છે.

³⁴ અને તેઓ પાર ઉતરીને ગેન્નેસારેત દેશમાં આવ્યા.

³⁵ અને જયારે તે જગ્યાના લોકોને તેણે ઓળખ્યો, ત્યારે તેઓએ તે આખા દેશમાં ચોતરફ [માણસોને] મોકલીને બધા માંદાઓને તેની પાસે આણ્યા.

³⁶ અને કેવળ તેનાં લૂગડાંની કોરને અડકવા સારૂ તેઓએ તેને વિનંતી કીધી; ને જેટલા અડક્યા તેત્લાસાજા થયા.